Snorri Másson
@5norri • 5,139 subscribers
Alþingismaður Miðflokksins í Reykjavíkurkjördæmi suður. Ást á ættjörðu, ást á sannleika.
Videos
Kannski er „þriðja vaktin“ ekki stóra vandamálið í lífi þínu.
Snorri Másson259,646 views • 2 years ago
Forvitnileg umræða í þinginu í gær um margvíslega regnbogafána sem blakta við hún við skólabyggingar og jafnvel leikskóla á Íslandi. Ég fitjaði upp á smá spjalli um þetta umdeilda mál við Ingu Sæland, þar sem ég rifjaði upp heimsókn okkar í nýlegan grunnskóla í Reykjavík í kjördæmaviku í fyrra. Þar vakti það athygli mína að nánast hver einasti starfsmaður skólans gekk um með hálsband í fánalitunum, skólabókasafnið var allt þakið flennistórum regnbogafánum, auglýst var hinsegin-félagsmiðstöð fyrir allt frá 5. bekk og félagsmiðstöðin alsett sambærilegum skreytingum. Er ekki eitthvað bogið við hugmyndafræðilegar áherslur í skólakerfinu þegar slíkir fánar, sem minna sífellt meira á einhvers konar veraldleg trúartákn, eru ekki óvíða meira áberandi en sjálfur íslenski þjóðfáninn? Vissulega geta fánarnir þjónað því hlutverki að styrkja tilfinningu skólastjórnenda eða annarra starfsmanna fyrir eigin botnlausu manngæsku, enda yfirlýstur tilgangur þeirra auðvitað að þeir séu sérstök tákn umburðarlyndis, en fyrir mörgum foreldrum fela þeir mun frekar í sér óþægilegt brot á pólitísku hlutleysi skólanna. Fæstir þora þó að gera athugasemdir við málið og það er hin þekkta þversögn umburðarlyndisins. Það er allt annað en umburðarlyndi sem mætir þeim sem voga sér að lýsa efasemdum um fánana, að ekki sé talað um margvíslegan annan fræðsluáróður í skólunum eða umfangsmikla fræðslusamninga við Samtökin 78, á meðan kristinni kirkju og íþróttafélögum er úthýst úr skólunum. Í stuttu máli var svar menntamálaráðherra að margt væri í mörgu, öllum ætti að líða vel, en að hún tæki ekki sérstaka afstöðu til þess hvort fánar væru margir eða fáir á hverjum stað. Henni þætti þó vænt um kirkjuheimsóknir um jólin og ætti góðar minningar af jólaleikritum forðum.
Snorri Másson12,117 views • 1 month ago
Stúdentapólitíkin er í fullum gangi og og ég rek augun í athyglisvert kosningaloforð Röskvu: Að erlendir nemendur, hvaðan sem þeir eru, eigi ekki að vera látnir greiða skólagjöld við Háskóla Íslands. Þessi ákvörðun er reyndar á forræði Alþingis en kannski Röskvuliðar telji sig geta talað um fyrir háskólaráðherranum úr systurhreyfingunni Samfylkingunni? Það er sá ráðherra sem ber ábyrgð á sérstöku frumvarpi þar sem leggja á skólagjöld á nemendur utan EES! Ísland hefur skorið sig úr sem eina norræna ríkið sem ekki innheimtir skólagjöld af nemendum utan EES og á undanförnum sjö árum hefur hlutfall þess hóps farið úr 3,89% í 7,44% af nemendum háskólans. Þegar OECD veitti Íslendingum ráð árið 2023 til að auka félags- og efnahagslegan ávinning af vaxandi hópi innflytjenda, var það á meðal tillagna að taka gjöld fyrir háskólanám til þess að laða hingað hámenntaða einstaklinga, tilbúna til að borga fyrir nám, í stað þess að stuðla að innflutningi minna eða lítið menntaða hópa. Auglýsingaherferðir á TikTok og margvíslegar aðrar vísbendingar hafa að undanförnu bent sterklega til þess að opið, ókeypis íslenskt háskólakerfi hafi reynst óeðlilega greið leið inn í landið fyrir innflytjendur úr öllum heimshornum – án þess að málefnalegar ástæður mæli með dvalarleyfi og jafnvel án þess að menn séu raunverulega komnir til þess að stunda hér nám. Breyting ráðherrans er því skref í rétta átt, þótt einnig sé brýnt að vinna að öðrum breytingum á dvalarleyfum erlendra nema og fjölskyldusameiningum á þeirra vegum. Um leið þarf að gæta þess í þessari vinnu að háskólinn hafi ákveðið svigrúm til þess að undanskilja frá gjaldtöku greinar sem Íslendingar hafa menningarlega hagsmuni af því að séu áfram gjaldfrjálsar fyrir erlenda nemendur, líkt og hlýtur til dæmis að koma til greina í tilfelli íslenskra miðaldafræða. Eins og ég fjallaði nýverið um er alþjóðavæðing háskólans annars slík orðin að ónefndur samfélagsrýnir gekk svo langt í mín eyru á dögunum að líkja Háskólatorgi við alþjóðaflugvöll, frekar en miðstöð æðri mennta á Íslandi. Skoða má slíka fyndni í ljósi sögunnar og röksemda þeirra sem einna fyrstir létu sig dreyma um stofnun íslensks háskóla, eins og Péturs Péturssonar þjóðfundarmanns og síðar biskups, sem skrifaði um miðja nítjándu öld: „Sú kennsla er fullkomnust, sem er þjóðleg, sem veitir hinu almenna vísindalífi í þjóðlegan farveg og hugsar og talar máli sinnar þjóðar.“ Á öndverðri tuttugustu öld, þegar þjóðarháskólinn var loks stofnaður, voru síðan allir með á nótunum: Hlutverk skólans var fyrst og fremst að kenna Íslendingum að stunda vísindi og hugsa skýrt – á íslensku. Ekki að bjóða gjörvallri heimsbyggð upp á ókeypis nám.
Snorri Másson15,309 views • 2 months ago
„Okkar stjórnmál eru eðlileg, þínar skoðanir eru á jaðrinum!“ Viltu traust landamæri og senda óæskilega menn úr landi? Viltu stolta og samheldna íslenska þjóð? Viltu málfrelsi? Viltu hlífa börnum við undarlegum áróðri í skólastofunni? Þá eru miklar líkur á að þú sért haldinn vafasömum jaðarskoðunum! Ætli forsætisráðherra sé að vísa til sjónarmiða sem þessara, þegar hún heldur því fram að flokkar, sem eru fulltrúar fyrir um helming þjóðarinnar, séu komnir út á „jaðar stjórnmálanna“ - „lengst til hægri“? Ættu menn ekki frekar að líta sér nær?
Snorri Másson11,642 views • 2 months ago
Það var vægast sagt upplýsandi að fylgjast með klemmu eins álitsgjafa Ríkisútvarpsins þegar finna þurfti hugsanlegar skýringar á fylgisaukningu Miðflokksins í Silfrinu í gær. Maður þekkir auðvitað vel hvernig sumir úr þeirri stétt hafa tapað öllum tengslum við almenning í landinu en ég viðurkenni að jafnvel mér var brugðið að heyra hvernig sumt fólk leyfir sér að tala á opinberum vettvangi. Svona hljóðaði skýringin sem Þóru Kristínu Ásgeirsdóttur datt í hug á „ráðgátunni“ um aukið fylgi Miðflokksins: „Kannski getur maður sett það í samhengi við þetta bága læsi, að við virðumst vera hætt að lesa og skilja það sem við lesum.“ Vísast er að hafa sem fæst orð um þau viðhorf til íslenskra kjósenda sem birtast okkur í þessari kenningu. Í staðinn læt ég duga að benda Þóru Kristínu á líklegri skýringar á góðu gengi flokksins, sem sagt aðrar en þær að fólk lesi ekki jafnmargar bækur og hún. - Ríkisstjórnin lætur ekki af linnulausum skattahækkunum á almenning og fyrirtæki, á tímum þar sem ungt fólk kemst ekki inn á ónýtan húsnæðismarkað, m.a. vegna vaxtastigs og stjórnlausrar innflytjendastefnu, og sér ekki flöt á að fjölga sér. Þetta leiðir til samfélagslegs hruns þegar til lengdar lætur og Miðflokkurinn vill snúa þessu við. - Á sama tíma er ekki verið að forgangsraða íslenskum almenningi, heldur er skattfénu sólundað í útlendingamál, stórfurðuleg gæluverkefni stjórnvalda úti í löndum, útblásið opinbert kerfi og loftslagsiðnað sem ekki aðeins er óljóst hvort hafi nokkur áhrif, heldur er hreinlega ekki vitað í hvað þeir peningar fara. Við í Miðflokknum viljum snarbreyta um forgangsröðun. - Hvergi annars staðar í heiminum hefur innflytjendum fjölgað hraðar en á Íslandi á undanförnum árum. Íbúum hér fjölgaði þrettánfalt á við meðaltal í Evrópu á árunum 2017-2025 og 69% fjölgunarinnar eru erlendir ríkisborgarar. Við í Miðflokknum höfnum alfarið þessari stjórnlausu og illa ígrunduðu innflytjendastefnu sem getur að óbreyttu leitt til þess að við heimamenn endum í minnihluta í eigin landi og ekki bætir úr skák að fæðingartíðni er hér í frjálsu falli. - Úr því að vísað er hér til læsis, nefni ég að foreldrar þurfa sannarlega að lesa meira með börnum sínum og vekja líka hjá þeim stolt af sögu þjóðar. Þannig vaknar áhugi á tungumálinu og þar með skilningur á veröldinni. Þar að auki eigum við að krefjast miklu betri árangurs í menntakerfi okkar, sem er eitt það dýrasta í heimi. Eitt fyrsta skrefið þar eru samræmdir mælikvarðar í skólakerfinu, sem börn og foreldrar skilja og geta unnið út frá. Ríkisstjórnin og menntamálaráðherrann hafna þessu og eru að mörgu öðru leyti á gjörsamlega óskiljanlegri leið í menntamálum, sem er að opinberast betur og betur með hverju þingmálinu. - Ríkisstjórn Kristrúnar Frostadóttur er hvort tveggja tvístígandi og ósamstíga þegar kemur að afstöðu stjórnvalda til þeirra stóru mála sem hér eru nefnd. Í stað þess að leita skynsamra lausna er oft og iðulega talað um að hreinlegast sé að fara bara með þjóðina inn í hnignandi sambandsríki Evrópusambandsins. Þannig á að treysta því að ef við framseljum bara fullveldi okkar til annarra, muni vandamál Íslendinga leysast. Við í Miðflokknum erum stoltir af sjálfstæðri íslenskri þjóð og höfum meiri trú á henni en þetta. - Við erum bjartsýn um að við getum breytt íslenskum stjórnmálum og að hægt sé að byggja hér upp fyrirmyndarsamfélag. Áhersla ríkisvaldsins þarf þó öll að vera á hagsmuni íslenskrar þjóðar til allrar framtíðar. Í grunninn er þetta auðvitað vilji alls þorra manna og þar komum við ef til vill að kjarna máls í góðu gengi Miðflokksins. Ólíkt mörgum sem telja að hið opinbera eigi að vera í hugmyndafræðilegu uppeldishlutverki gagnvart sótsvörtum almúganum, veljum við að hlusta einfaldlega á áhyggjur almennings og starfa í þeirra þágu. Við teljum fara betur á því en að hreyta því bara í fólk að það sé vitlaust og í þokkabót vont.
Snorri Másson17,070 views • 6 months ago
Sturlað dæmi - og líklega alvarlegra en menn gera sér grein fyrir á þessu stigi.
Snorri Másson27,241 views • 1 year ago
Við þurfum góða þjónustu - ekki fleiri sjálfbærniverðlaun fyrir embættismenn.
Snorri Másson28,440 views • 1 year ago
Dagmömmur, rafvirkjar, hárgreiðslumenn. Ekki vinnandi fólk, samkvæmt Skattfylkingunni!
Snorri Másson28,386 views • 1 year ago
Kæru vinir og stuðningsmenn um land allt. Fullveldisdaginn ber upp og ég er enn að átta mig á nýjum veruleika að vera orðinn ykkar alþingismaður í Reykjavíkurkjördæmi suður. Miðflokkurinn náði sögulegum árangri í höfuðborginni, sem kemur sannarlega á óvart, en þó ekki í ljósi þeirrar ótrúlegu stuðningsbylgju sem við Sigríður Andersen höfum fundið fyrir að undanförnu. Ég er ósegjanlega þakklátur fyrir að sá stuðningur hafi ratað alla leið í kjörklefann. Þetta hefur verið stórbrotið og hálfklikkað ævintýri frá því að þessi ígrundaða skyndiákvörðun var tekin í október. Nú þegar þetta er í höfn er mér efst í huga djúpt þakklæti til fjölskyldu minnar, Kára Stefánssonar og allra annarra sem hafa, viljandi eða óviljandi, lagt mér lið í þessari miklu baráttu. En þessi barátta er rétt að hefjast. Ný hreyfing er orðin til í íslenskum stjórnmálum og við höfum mikið verk að vinna. Þetta er alveg svakalega, svakalega spennandi.
Snorri Másson26,909 views • 1 year ago
„Við erum ekki bara að skreppa saman, heldur erum við hálfpartinn að deyja út.“ Hrun í fæðingartíðni á Íslandi er til marks um djúpa samfélagskreppu. Nú þarf alvöru hugarfarsbreytingu og þar verða stjórnvöld að leita nýrra leiða. „Ég vil að við skoðum það alvarlega að fara í nýjar, fjölbreyttari og kannski táknrænni aðgerðir, hvort sem það er skattaafsláttur eða eitthvað annað, sem senda skilaboð inn í umræðuna um að barneignir séu málið.“
Snorri Másson16,316 views • 1 year ago
