فهد بن محمد

((الارض)) "أولئك آبائي فجئني بمثلهم إذا جمعتنا يا جريرُ المجامعُ." هذا النص تخليد لذكرى رجال رحلوا من آبائي ورجال مازالوا على قيد الحياة. والله ماغاب نجمٍ في بني العنبر الا وجا نجم ثاني (يبرز) مكانه نجم وميضه تشوفه بالسماء يكبر الين ماعاد يبقى فالسماء خانه في كل قرنٍ يعاد المجد ويسطر ويشاد تاريخهم وتثبت اركانه قومٍ على الطايله بالطيب تتفجر تقول قمة جبل ويشاف بركانه دخيلهم في الحمى محشوم ومقدر وياقف على عداه وتكسب كفه رهانه والله لاماري بهم دام الشعر منبر ولا اذخر بوقع شعري وطمرت حصانه والله لاماري بهم وافخر بهم وافخر كعام الاعور وحاشيته وشيطانه والله لاماري بهم واني فلا اتعذر .. عن مدح من فالكرم ساسه وعنوانه سلام يابالفزع .. ولك الذكر يعمر(١) وسلام يابوي يامن افخر بشانه واثني سلامي لربعي الكاهل الاكبر واللي معه مثل ربعي فالسما عنانه سلايل فحول منها الشعر قد حرر اجزل معانيه واجملها لقيفانه ايامنا في العصور الماضيه تخبر من (غول) (وذات الشقوق) الروس طربانه(٢) (وتعشار ) (ويوم السباري) والقوي يظفر(٣) (ويوم الصليب) و( طريف)يقود فرسانه وعلى اليمامه .. يوم ان مسيلمه يكسر .. امّر "ابو بكر" (سمره) واشهر سنانه(٤) واركى عليها وعرقى كل مستكبر بالحق والسيف والشده وبيمانه وياكثر الاحداث والفرسان لو تذكر اكثر من الدر والمحار والدانه (وابو القعاسا) حمد مقدام وغضنفر(٥) واسمه بوادي الفقي ولازال بستانه وذريته روس عرب تفعل وتجهر ولصيتها شان ولها قدر ومكانه (وهدلان )منا كعام العادي المغتر(٦) ضرغام حربٍ ولاانسى باقي اخوانه و لا والله الا الذكر (لشقير) يستمطر (٧) غيّاث الافعال .. والافعال ميدانه مامر عابر على التاريخ ثم ادبر لازال قصره على الاطلال بنيانه(٨) راسٍ ليا عدّو الهيبات وموقر ويشهد عليه الشريف بقو سلطانه ياعنك قارة قرومٍ مجدهم يشهر ماهوب مجدن يزيف فيه كذبانه #فهدالمحمد #بني_العنبر