Ghassan El Khoury

صرلنا ١٥ يوم عم نتواصل مع كل المعنيّين: وزارات، إدارات. ورئيس بلدية المنصورية–المكلّس–الديشونية ما خلّا جهة ما حكي معها… ومن دون أي نتيجة. فالج ما تعالج!!! جدّدوا الثقة لبعضهم، والباقي مش مهم… لا الطريق، لا الناس، ولا سلامتهم. أول شتوة كشفت الحقيقة: طريق المكلّس صار صورة مصغرة لوضع البلد كلّه، سيول، حفر، وانهيارات عم تهدّد الأهالي، المحلات، والأرزاق. المشكلة مش بالشِتي… المشكلة بـتقاعص الوزارات والجهات المسؤولة يلّي تاركين مدخل أساسي من مداخل المتن بلا صيانة، بلا متابعة الاشغال، وبلا أي خطة واضحة. هيدا الطريق شريان حيوي، ومش مقبول يضلّ رهينة الأعذار، الحجج البيروقراطية، والإهمال المتعمّد. الناس عم تدفع الثمن كل يوم… والدولة عم تتفرّج.