معكاز شعر
@M3kkaz • 722,030 subscribers
" معكاز شعر | أكبر حساب شعر نبطي وأشعار شعبية | اشعار جميله | قصائد حب • تغريدات غزل • رسائل حكم | ابيات مميزة يوميًا " ✨
Videos
الطيب حطه فالرجال المشاكيل وتلقى ورا كسب الجماله جميله ذكرك بالحسنات جيل بعد جيل ومن لا اجتهد بالطيب وعزتيله وان صرت خيال تخير من الخيل دور على قب المهار الاصيله وعند النسب شف من بنات الرياجيل حسب حساب لـ السنين الطويله احذرك من بنت الرخوم الدعابيل ياتي ولدها مركزا للفشيله لو تنهظه لـ الطبب ماينقل الشيل وخسران من مخ العظام الهزيله وان صارت العيله مثل داجي الليل ماتسرد العايل بيمنى ذليله واوصيك بنت اللي من الربع حلحيل ياتي ولدها طيب ينعمي له يصير لـ الشيبه وقار وتجليل وكلن يخيلك بالعيون الجليله هذي وصوف المرجله بالتماثيل ومن لا يعسر النفس مرضى قبيله .
معكاز شعر77,238 просмотров • 9 дней назад
قم سو ياراعي المعاميل فنجال كيفٍ الى جا الراس يجلي عماسه قالوا تسيّر قلت مامن فضى بال ( دوراً على الاجواد مافيه اناسه )
معكاز شعر49,203 просмотров • 19 дней назад
سود الله لحيتي يوم اترجى واتحرا احسب ان عيال خلق الله تبي تقضي لزومي مادريت ان الزمان اللي على حقوقي تجرا كل يوم يبدد احلامي ويضعف من عزومي والرفيق اللي عن ايام الشتاء فيه اتذرا عقب الرفقه وراه وعارض الخط العمومي ماكذب من قال في بعض الاوادم لا تورا كل ماتحتاج منه اكثر يبيحن العلومي صاحب ماهوب ياقف معك في سرا وضرا لا تجي قدمه على المفرق وتاقف له وتومي ودك انك ماتعرفه كود من برا لبرا لا توغل في عماق الناس تذبحك الهمومي اللهم اني من اصحاب المقاصيد اتبرا جزت من ضحك الوجيه وجزت من حب الخشومي
معكاز شعر213,811 просмотров • 6 месяцев назад
شعر غزل عطني عهد واعطيك كل المواثيق عطنا الغلا واعطيك كل الموده عطني حنانك والوفاء دون تفريق واكسب رضاء روحي لروحك موده روحي صفتلك واخلصت دون تبريق تتبع رضاك ومن يودك توده ارجوك رجوى يا عذاب العشاشيق شيٍ فقدته منك حاول ترده بادلني الاخلاص قبل التفاريق مادام حبل الوصل تقدر تمده اعطف وذوقني من الحب تذويق واصرف دواء لجروحك المستجده شربة هنا من مبسم ما بعد ذيق احيا بذكراها مع البعد مده لحظه معك تفرج عن عيوني الضيق يا من كما نور القمر نور خده عمري بلا لاماك ما به توافيق ضوء القمر مع نورك بما نعده
معكاز شعر46,771 просмотров • 1 месяц назад
النعم مايطلق على كل رجال ولا كل من يبغى المديحه وجدها ولا كل رجلن للثقيلات شيال ولا كل من يزرع زروعن حصدها النعم للي لـ الصعيبات حلّال ولا شانت القالات حلل عقدها لا جا مجال الطيب يضربه امثال على اسمه الخفره تسمي ولدها ماهوب ملقوفن على الربع شيّال معطيه ربه نعمةٍ ما حمدها
معكاز شعر124,173 просмотров • 5 месяцев назад
لا جا تالي الليل والناس هجّاع ناديت بـ اسم اللي على الكون ظله عبدك رفع كفيه مع عشر الاصباع بـ ليلة دجى تحت النجوم المطله قبل السحر ياقف على عود بركاع مكه وبيت المصطفى قبلة له يامسكن الروعات في قلب مرتاع عبدك على درب الهدايا تدله ماهمني من جمع المال طماع طماعتي بين الرجاء والمذله سفره بلا رجعه وسفره بـ مرجاع وسفره بلا رجوع تطوى سجله يالله حسن الخاتمة عند الاقلاع في ساعةٍ فيها فزوعي مذله في ساعةٍ مالي على الكون مطلاع مقفي من الدنيا ومن الكون كله لا ركدوني باللحد والجهد ضاع واغلا عيالي فوق راسي يهله تحت البسيطه متر وركونه ذراع مترين طوله وباقيّن مستحله
معكاز شعر119,449 просмотров • 5 месяцев назад
ياليتني ماجيت هاكالمداهيل امسيت قلبي ماتخيط فتوقه شفت الرسوم اللي عليها غراميل حتى شجرها يابساتٍ عذوقه يالله يامنشي المزون المخاييل انت اللذي بامرك عليها تسوقه ياخذ ثمان ايام وبله هماليل نوٍ من القبله تلامع بروقه سيله من الوادي يشيل الزبد شيل وغثوه على روس الشجاري يحوقه
معكاز شعر88,156 просмотров • 3 месяцев назад
اشوف بعض اصحابنا مايمرون وانا الجفا من صاحبي ما استحقه وعندي خبر عن غاية اللي يكنون شافو بحالي من حفى الوقت رقه وانا من الهجران مانيب ممنون ما اجفى رفيقي لو جفاني ما اعقه لو انهم عن غاية القلب يدرون مرو عليه ماعليهم مشقه لكن مع الدنيا واهلها يميلون ويعطون راع المال من فوق حقه لو تنفع الدنيا نفع مال قارون مال وجاهه ماعاد الوزن بقه الدايم اللي بقدرته كوّن الكون ارسى الجبال ومجرا الانهار شقه والادمي ماهو عن النقص مضمون يفنى ويفنى المال جله ودقه عمر الفتى لو طال للحق مرهون لا يامن الديان بابه يطقه أتلا العهد لا قالو فلان مدفون ولفو عليه من ارخص الخام شقه ويقرا الكتاب اللي به العبد مديون والكل يحصد مابذر واستحقه
معكاز شعر43,840 просмотров • 2 месяцев назад
الكبر لله وحده ما لحد شي فيه من نازع الله في كبره يقصم ظهره الواحد الخالق اللي كلنا نرتجيه سبحانه وجل شانه معظمه مصبره يخلق ويرزق وبعض من العباد تعصيه تشرك به وتكفر النعمه ولا تشكره يالله تحفظ شيمنا والعدو تبتليه وترد كيده وتخطيط الردى بنحره اللي يحاول يلبسنا الخطاء اللي عليه ويجرنا في طريقٍ ما وراه اثمره مايدري إنا رجال مانعبد الوجيه من طبعنا المعروف والطيب ماننكره والكبر والكذب من عاداتنا مانبيه ولا نثق في اهل التمثيل والغشمره والدرب لا صار به نية ردى ما نجيه ولا نسج القدم في عجة واغبره هذي خصال حميده ماعرفها السفيه اللي حياته مغير هياط وثرثره لا صار مايتبع الرجال جده وأبيه اخير له من حياته قبر بالمقبره
معكاز شعر68,462 просмотров • 3 месяцев назад
يالله يا غافر جميع الخطايا ياغافر زلات عبده ليا تاب ياللي بعفوك ما تكود القضايا البعد يخطي وانت يا الرب تواب انت اللذي تعلم جميع الخفايا علام ما وسط الترايب والاصلاب نطلبك عفوك يا جزيل العطايا يا الخالق اللي من ترجاه ما خاب تحمى وطنا من خباث النوايا امين يا منزل تبارك والاحزاب يا رب ضاقت من جميع النحايا ضاقت علينا والبشر هم الاسباب الذنب سوا بالاوادم سوايا وراحوا ضحايا للمعاصي والاجناب ولا تنعذل اهل العقول الغبايا ولا ينجبر كسر المفاصل ليا عاب « لكن عند الله نداي ورجايا » يجعل لنا عن مدخل السو مجناب .
معكاز شعر74,591 просмотров • 4 месяцев назад
اخذنا من الدنيا دروس وتجاريب سبعين عام وزودها اربع سنيني ايام تقبل بالطرب والتعاجيب وايام تقبل بالبكاء والونيني ولا خير في دنيا بها الشك والريب هذاك تضحك له وهذا حزيني مره ترقينا طوال المراقيب ومره تنزلنا بجر البطيني اخر حياة ابن ادم العجز والشيب واللي كتبه الله فوق الجبيني ولا حدني من جور وقتي شواذيب اعنز الشكوى على الطيبيني وعلى الردي مالي حقوق ومطاليب عسى يتم البعد بينه وبيني يالله ياللي تعلم السر والغيب تكتب لنا حظٍ مع الفايزيني .
معكاز شعر66,778 просмотров • 3 месяцев назад