محيا السلات
@_ALslat_ • 41,500 subscribers
Shorts
Videos
اعتبارات الحياه اسقتني السم الذحاحي واحرمتني ونسة الخاطر ولذات التسلي ماقدرت اطلق زرار الثوب لانسام الرياحي عايشن في حالة الترسيم حتى في محلي والله اني موحياً بالموت من كل النواحي كان ماربي رحم حالي ترى حالي مولي كل مأوجدت البديل اللي يحررلي سراحي واللـي أسعد مـن خلاله وأستلذه واللي اللي فيه مالذّ وطاب وفيه للونس المباحي مُغرياتن تستميل القلب وإلها ملت كلي كني أسمع كل مـن حولي يلجون الصياحي ليه يوم انك تغني بالغزل خلي وخلي عالمن تفكيرهم فأهـل الهوى ماهوب صاحي يحسبون اللي يهاوي لايصوم ولايصلي همليني ياعنود الريم للحزم البراحي واتركيني للسهر والهم في قلبي مفلي لو اغنيلك على لاماك ونسي وانشراحي شي لايمكن يصير يصير يمكن ويحصلي والا انا مايطفي اشواقي ولايبري جراحي والمزاج يزين ويروق بترحالي وحلي لين تستنمل خلايا سمعي الهمس القراحي وألتحف بالمخملي وأغفي على القطن المحلي
محيا السلات69,163 views • 7 months ago
يوم طاب النوم لعيون خالين الصدور في عيوني عن منامي مثل وخز الأُبر هبني بـردٍ على قلبي أثربي فجور مايـدفي عنـه فروه ولا بشـتٍ وبــر مجرياته توهن العظم وتسبب كسور وتعطي اللي من كثير العبر يآخذ عبر من حبيبٍ مايعرف التمدن والقصور ولا يفكر فأغلب المجتمع شوخ وجبر ابدوياً في ربى نجد مطغيه الغرور غير عن كورنيش جده وكورنيش الخبر بين نفحات النسايم واهازيج الطيور دالهن عن ضيقة البال ماعنده خبر والا انا صابر وأقول النهايه للصبور واستدل بقول يبلغ مراده من صبر شايلاً هم المشاريه في كل الامور وأخفي الحسرات لو طول الهم وكبر واثر مكسور المشاعر ومجروح الشعور لو صبر ماطاب جرحه وكسره ماجبر ينتظر يوم ٍ يجيب السعاده والسرور يعتقه من ضيقة البال والحظ الغبر مادرى ان العمر محدود والساعه تدور والمحبه يحتمل غيبها موت وقبر من قديمات الليالي ومن ماض العصور سهمها فتاك للي ذرع واللي شبر كم عزيز ٍيعتبر فالغياب وفالحضور في مراحلها تعثر بسيره ماعبر
محيا السلات23,285 views • 9 months ago
في مواقع عالم الزيف والاريا الضعاف وإختلافاتٍ لكثر العدد مستقطبه أزعجونا وأرفونا مسوقت الهجاف وأوقدوها نار للشامته والمعجبه كل واحد جاب جده وحطه فالغلاف كبر الصوره وعلاه قدر ومرتبه لو جده مسلمٍ لايضيف ولايضاف مايعرف العالم المشمله والمجنبه يامزاول : ظلم نفسك بفن الاحتراف حقبة التاريخ : عن مامضاء مستوعبه في صدورٍ عن حساسية الفتنه نظاف دونتها وحفظتها رفوف المكتبه آنذاك : أبان / قطع الفيافي والمخاف وقت خلان الأشده ودهم الأخشبه سم بالرحمٰن وإهدف على طهر وعفاف وإرتق بمنظور فكرك وإخذ بالموجبه الحياء شعبه من الدين والجهل إقتراف داعياً يمكن يسبب له إزهاق رقبه جفت الأقلام والصحف طويت والمضاف ينكشف في يوم يحتاج خوض وتجربه وأكثر الفرسان في هالزمن يمكن يخاف من ظلال الثوب والأ إشتغال المركبه فمابالك : بالمعارك ورى حم الشعاف والمنايا فوق روس البرايا مرقبه التكاثر بالمآثر يبي فعلن يشاف ينحفر في صفحة المجد جمله معربه والشجاعه حد والرأي شورى وإللتفاف والكرم يمناً سخيه تقدم مآدبه وأنت تبغى مرتعٍ خصب في دارٍ جفاف حالة الأجواء عليها سمايم وأتربه مشتويها لاهب القيض في سبعٍ عجاف لين صارت صحصحٍ صلد وأرضٍ مجدبه ودك تسوي دعايه لها فأتلا المطاف وأنت فالتزوير ماهر وعندك تجربه ناسفٍ بيض المبادي ورى ظهرك خلاف فوق سوداً في زمان الرخاء مستصعبه ركضها وقت السعه لوكثر رمل السواف ماقدح بالمروء قدام تسقط قرطبه نجد رمز المجد معلم متيهت السهاف ديرتن لأهل الرعايا فياح ومرغبه لو سألت اريافها وين مرويت الرهاف كان تاخذ في ضميرك صريح الاجوبه وان عملت مقارنه بالشبه والاختلاف اختلف وضع البشر وانعدم وجه الشبه عن عرام خشوم الابطال يكفيك الرعاف في خشوم اهل العقول الخفاف المرعبه الثقال اللي على تركت الواجب خفاف النفوس اللي من الطيب واهله متعبه مثل حشو البد بين المسامه والظلاف وش يقربهم على يسر والا مكربه بالرموز اللي ليا ذيرت عسم الخفاف ينطلون الشيخ فالمعركه نطل خشبه اوح مني واخذ عني صريح الاعتراف يكفي الاعراب في نجد وجد ومسغبه
محيا السلات11,378 views • 5 months ago
أبيات جديده مع الشاعر الكبير والعملاق عبدالله بن نايف بن عون مشعل بن عبدالله بن عون
محيا السلات18,162 views • 1 year ago
شف بالي من الخيل قحزا من ترفع نحرها تستهيل ركضها افجح على وسر وحزا والظهر شبر والحارك طويل والاذاني على الراس لززا والمناخر محاقن للصميل مثلها فالجزيره مانزا شعشعتها بعرف وكسر ذيل كل مأوحت لها صوتن رزا أرجفت بالحوافر والصهيل منوة اللي ليا ضاق إعتزا وإحتزم بالسواري والصقيل شيخ قومن ليا منه غزا يتعب اللي يديمن الشليل وان تزعم لقاله وانتزا مايهمه كثير ولا قليل مايساوم على رد الجزا غير باللي تعدل كل ميل تشتكي منه الاخصام الوزا والرفيق إله مثل السلسبيل عن غلاها ضميري ماعزا لو مضى دونها تسعين جيل وإن تلزيت قلبي مالزا كن في داخله مثل المليل عشقها جد مافيه مهزا وبهواها قصيدي يستميل ماعشقت الخزا واهل الخزا عشقي الخيل والشعر الاصيل مع رجالن عوارف وكنزا ويتغارون فالوزن الثقيل مايبيحون مكنون العزا ويتحلون بالصبر الجميل للجزاله وللذوق ركزا مالهم شف في غث وهزيل
محيا السلات12,353 views • 1 year ago
No more content to load