قروب اشعار
@aShi3ar • 266,880 subscribers
قروب اشعار | أجمل الأبيات النبطية والعامية شعر يوميًا قصايد حب • غزل • حكم • تغريدات حلوه
Videos
لا صار جدك ماورث لك ملايين ماهو بلازم تشتري له ضحيّه قله ياجدي جعلك من المناجين والله ما تسوى قيمة البربريه عقبّتني لـ الدين ومصارع البين ومن زين طبعك كاتبٍ لك وصيّه لو انك ماخذ لك من الخد حوشين يوم الاراضي بلاش وسط العليه ان كان تلقاني من اهل الدكاكين مطنطخن هالحين ميه بـ ميه لكن ياجدي ضحيتك بعدين ان يسر المولى ثمنها عليّه حنا بوقتٍ شين واشيّن من الشين فيه الخوي ماعاد يوثق خويّه .
قروب اشعار67,449 Aufrufe • vor 5 Monaten
احيان دقات جوالي تضايقني واحيان بس احتري دقه وتسكيره محدن على دقته لا دق يسبقني قدام لا اعرف لا شره ولا خيره من مر في مثل مرحلتي يصدقني احاول اصدق معه واخاف من غيره قامت هبايب هوى نفسي تصافقني توي مخلص من القيض ومعاصيره احس بـ ارهاق مدري ويش مرهقني انا بديره وعقلي راح في ديره انا دخيلك ياعقلي لا تعلقني ان كان ماجيت طيب تجيبك الغيره ولا تروح على وجهك وتعتقني مدام انا وانت من جرفٍ بدحديره ياللي تقول انك اول شخص عاشقني واشرايك اقابلك ونفضها سيره يا اوافقك يا انتفرق يا توافقني وانتا وانا كلنا مانعلم الخيره لا اثمن من الله ولا منقود يلحقني وعند الله العمر تقديمه وتاخيره ياكبر حظي يا لو انك ترافقني كني مرافق عليان ومغاتيره وان كان قصدك بـ بعض الهرج تسرقني كم راس مغرور طيرنا عصافيره لـ اساع ماعاش من يضحك على دقني من قل قدري تراي اقل تقديره وان كان صدقتك الله لا يوفقني انا اخذ العلم كله ومصاديره
قروب اشعار57,817 Aufrufe • vor 5 Monaten
ماهو بخافيني رجال الشجاعه ودي بهم بس المناعير صلفين شفي مندسٍ بوسط الجماعه يرعىٰ غنمنا والبهم والبعارين واليا نزرته راح قلبه رعاعه يقول ياهاف الحشى ويش تبغين لا قلت له هات الحطب قال طاعه عجل يجيب القدر هو والمواعين ولو اضربه مشتدةٍ في كراعه ماهو بشاكيني ولا الناس دارين .
قروب اشعار44,472 Aufrufe • vor 6 Monaten
صاحبي لاعاد تلحقني ملامه والسموحه واقبل العذر المقدم مايطمن عند خلق الله مقامه غير رجالٍ خلا وجهه مندم زينة الدنيا فدا عين الكرامه من حفظ مقدار نفسه ماتندم لا انقطع حبل المروّه والشهامه يرجعون الروس والذيل يتقدم والجمايل لا تقفتها ندامه ضايعه فاللي خدم واللي تخدم والردى والطيب لي يوم القيامه والاسامي مثل ماتعمر تهدّم .
قروب اشعار46,458 Aufrufe • vor 7 Monaten
ياصبر الارض اللي تضم الرياجيل نمشي عليها والنشاما تحتها ياما غدى في بطنها من حلاحيل صحايفٍ شهب الليالي طوتها
قروب اشعار27,067 Aufrufe • vor 4 Monaten
يامرحبا ياللي على الشعب مبروك واخوك قبلك مثل حكمك وشرواك من زين حكمك للبلاد , استحبوك حبك شمع بقلوب ذولا وذولاك يا منقذٍ من ديرتك كل مضكوك يوم الولي مدك من الخير واغناك مامن بلد منكوبةٍ ماترجوك وتبهج ضمير اللي طروشه ترجاك عساك تاجد قدمك الباب مفكوك لا طحت في رحمة وليّك ومولاك
قروب اشعار37,613 Aufrufe • vor 7 Monaten
شعر مجاراه فكاهي : بين الاب والابن كتب الولد : يابوي لا تكتب غزل وانت ممنوع لا لا اتهور خلك انسان ذمي تراك غالي والوفاء شي مشروع ولا قسم بالله لا اعلم امي . رد الاب : تبي تضربني دياراً ضما وجوع لا تصير ضدي وانت لحمي ودمي امك من اول كان تمشي لي بطوع لكن عقب شيّبت قامت تسمي .
قروب اشعار26,388 Aufrufe • vor 5 Monaten
يالله عسى من تركني ساعة الشدّه تحده ظروف وقته لييين ياتيني حتى اني اعطييه مطلوبه ولا اردّه ويشوف فرق المواقف بينه وبيني انا رفيقي على العسرات ما اهدّه ادرا رفييقي مثل مدرا على عيني وانا رفيقي اذا شفت الزمن ضدّه اقوم في واجبه من قبل يدعيني . وان كان لا جا لزومي يقدر يسده ولا ترا العذر لا جا منه يكفيني مايوجع الكبد كون البور والصده من واحدٍ يقدر وماقام يسقيني
قروب اشعار30,628 Aufrufe • vor 6 Monaten
راج الهوى فوق الشجر بـ اندراجه وانا هجوسي تتبعه كل ماراج القلب نسمات العليل ابتهاجه والفكر خلته الدواكيك مسهاج فجٍ خلا لا ضاق صدرك اعلاجه يغنيك عن بعض المجالس والازعاج سحابة البارح قفتها عجاجه يلعب بها صلف الهوى مثل الامواج هبت هبوب مدورين اللجاجه يفرح بزلة صاحبه كل هراج من غير سبه عاقدن لك احجاجه لو ان ماله مع هل الطيب منهاج اثر العوج دايم يحب العواجه لو ينعدل يرجع لـ ساسة وينعاج مايستوي طعم القراح وهماجه ولا يستوي نقع الصفى مثل هداج الله ولا منت محسب خراجه شين اللغى ومن البطر لابسٍ تاج والله مايذبحك ياكود حاجه لا صار في وجهك حيا وانت محتاج بالعسر يسر وللهموم انفراجه يجي لها من وألي العرش مخراج ارفع يدينك لـ السماء ثم ناجه يظهرك لو دونك شرابيك واسياج
قروب اشعار28,139 Aufrufe • vor 6 Monaten
قفلت بيبان العتب والمشاريه وفتحت بيبان الرضى والكرامه اللي يجينا جعل ربي يحييه ومن صد مانكثر عليه الملامه اكثر كلام الناس ما كني اوحيه بعض التغافل طيب ماهو رخامه راعي التغطرس خيّب الله مساعيه ولا حكيم الراي ، ، يازن كلامه من لا ربوه اهله زمانه يربيه قدامه البيداء وريع الندامه المال ماقلنا تصدق لنا فيه ليتك تصدق بس بالابتسامه ايه الله الله اخذ الحق واعطيه والعلم له مبدى وهذا ختامه ما ارافق الجاهل ولاني معاديه يكفي سلام ومرحبا والسلامه .
قروب اشعار30,432 Aufrufe • vor 7 Monaten
اخاف اقول انك وحشتيني وانا اللي وحشوني كلهم راحوا ياجوريٍ تمايل به بساتيني اعيديني تعبت لناس ارتاحوا حياتي وحده وهالموت موتيني إليا هزوا نصايب قبري وشاحوا اليا مني فقدت ولا فقدتيني ولا صحتي ليا من العرب صاحوا انا وليدج لو انج ما ولدتيني ياكثر الواقفين بوقفتي طاحوا .
قروب اشعار21,789 Aufrufe • vor 4 Monaten
ياللي جهودك بالليالي المدابير والله ماني عارفٍ وش تحرا لا صار لا صكو عليك الطوابير ونزلت منزل بالصفايح تذرا بالحفره اللي كنها طية البير بس الكفن ومن الملابس معرا ماينفعونك عزوتك والدنانير والله اعلم وين ذاك المقرا عملك كانه خير ولا ماهو خير يظل معك ومابقى راح برا اما على نارٍ تشبه نوافير ولا بجنه في نعيمه تمرا لا جا نهارٍ ماتفيد المعاذير وعن مامضى مالك قداره تبرا يومٍ يحيي الموتا ولي المقادير لك ساعةٍ مافيه بايع وشرا
قروب اشعار17,174 Aufrufe • vor 3 Monaten
