قروب اشعار
@aShi3ar • 265,370 subscribers
قروب اشعار | أجمل الأبيات النبطية والعامية يوميًا قصايد حب • غزل • حكم • تغريدات حلوه
Videos
لا صار جدك ماورث لك ملايين ماهو بلازم تشتري له ضحيّه قله ياجدي جعلك من المناجين والله ما تسوى قيمة البربريه عقبّتني لـ الدين ومصارع البين ومن زين طبعك كاتبٍ لك وصيّه لو انك ماخذ لك من الخد حوشين يوم الاراضي بلاش وسط العليه ان كان تلقاني من اهل الدكاكين مطنطخن هالحين ميه بـ ميه لكن ياجدي ضحيتك بعدين ان يسر المولى ثمنها عليّه حنا بوقتٍ شين واشيّن من الشين فيه الخوي ماعاد يوثق خويّه .
قروب اشعار66,543 просмотров • 3 месяцев назад
اصد عن مجلس الرديان واغيّر واليا دعوني اقول انا ماني فاضي اهل الوفاء بينين ودربهم نيّر ومقابلك للمريض يجيب الامراضي .
قروب اشعار38,191 просмотров • 2 месяцев назад
احيان دقات جوالي تضايقني واحيان بس احتري دقه وتسكيره محدن على دقته لا دق يسبقني قدام لا اعرف لا شره ولا خيره من مر في مثل مرحلتي يصدقني احاول اصدق معه واخاف من غيره قامت هبايب هوى نفسي تصافقني توي مخلص من القيض ومعاصيره احس بـ ارهاق مدري ويش مرهقني انا بديره وعقلي راح في ديره انا دخيلك ياعقلي لا تعلقني ان كان ماجيت طيب تجيبك الغيره ولا تروح على وجهك وتعتقني مدام انا وانت من جرفٍ بدحديره ياللي تقول انك اول شخص عاشقني واشرايك اقابلك ونفضها سيره يا اوافقك يا انتفرق يا توافقني وانتا وانا كلنا مانعلم الخيره لا اثمن من الله ولا منقود يلحقني وعند الله العمر تقديمه وتاخيره ياكبر حظي يا لو انك ترافقني كني مرافق عليان ومغاتيره وان كان قصدك بـ بعض الهرج تسرقني كم راس مغرور طيرنا عصافيره لـ اساع ماعاش من يضحك على دقني من قل قدري تراي اقل تقديره وان كان صدقتك الله لا يوفقني انا اخذ العلم كله ومصاديره
قروب اشعار57,372 просмотров • 3 месяцев назад
ياصبر الارض اللي تضم الرياجيل نمشي عليها والنشاما تحتها ياما غدى في بطنها من حلاحيل صحايفٍ شهب الليالي طوتها
قروب اشعار27,067 просмотров • 1 месяц назад
ماهو بخافيني رجال الشجاعه ودي بهم بس المناعير صلفين شفي مندسٍ بوسط الجماعه يرعىٰ غنمنا والبهم والبعارين واليا نزرته راح قلبه رعاعه يقول ياهاف الحشى ويش تبغين لا قلت له هات الحطب قال طاعه عجل يجيب القدر هو والمواعين ولو اضربه مشتدةٍ في كراعه ماهو بشاكيني ولا الناس دارين .
قروب اشعار44,472 просмотров • 4 месяцев назад
صاحبي لاعاد تلحقني ملامه والسموحه واقبل العذر المقدم مايطمن عند خلق الله مقامه غير رجالٍ خلا وجهه مندم زينة الدنيا فدا عين الكرامه من حفظ مقدار نفسه ماتندم لا انقطع حبل المروّه والشهامه يرجعون الروس والذيل يتقدم والجمايل لا تقفتها ندامه ضايعه فاللي خدم واللي تخدم والردى والطيب لي يوم القيامه والاسامي مثل ماتعمر تهدّم .
قروب اشعار46,347 просмотров • 5 месяцев назад
اخاف اقول انك وحشتيني وانا اللي وحشوني كلهم راحوا ياجوريٍ تمايل به بساتيني اعيديني تعبت لناس ارتاحوا حياتي وحده وهالموت موتيني إليا هزوا نصايب قبري وشاحوا اليا مني فقدت ولا فقدتيني ولا صحتي ليا من العرب صاحوا انا وليدج لو انج ما ولدتيني ياكثر الواقفين بوقفتي طاحوا .
قروب اشعار21,789 просмотров • 2 месяцев назад
ياللي جهودك بالليالي المدابير والله ماني عارفٍ وش تحرا لا صار لا صكو عليك الطوابير ونزلت منزل بالصفايح تذرا بالحفره اللي كنها طية البير بس الكفن ومن الملابس معرا ماينفعونك عزوتك والدنانير والله اعلم وين ذاك المقرا عملك كانه خير ولا ماهو خير يظل معك ومابقى راح برا اما على نارٍ تشبه نوافير ولا بجنه في نعيمه تمرا لا جا نهارٍ ماتفيد المعاذير وعن مامضى مالك قداره تبرا يومٍ يحيي الموتا ولي المقادير لك ساعةٍ مافيه بايع وشرا
قروب اشعار17,174 просмотров • 1 месяц назад
شعر مجاراه فكاهي : بين الاب والابن كتب الولد : يابوي لا تكتب غزل وانت ممنوع لا لا اتهور خلك انسان ذمي تراك غالي والوفاء شي مشروع ولا قسم بالله لا اعلم امي . رد الاب : تبي تضربني دياراً ضما وجوع لا تصير ضدي وانت لحمي ودمي امك من اول كان تمشي لي بطوع لكن عقب شيّبت قامت تسمي .
قروب اشعار26,388 просмотров • 3 месяцев назад
يامرحبا ياللي على الشعب مبروك واخوك قبلك مثل حكمك وشرواك من زين حكمك للبلاد , استحبوك حبك شمع بقلوب ذولا وذولاك يا منقذٍ من ديرتك كل مضكوك يوم الولي مدك من الخير واغناك مامن بلد منكوبةٍ ماترجوك وتبهج ضمير اللي طروشه ترجاك عساك تاجد قدمك الباب مفكوك لا طحت في رحمة وليّك ومولاك
قروب اشعار37,444 просмотров • 5 месяцев назад
راج الهوى فوق الشجر بـ اندراجه وانا هجوسي تتبعه كل ماراج القلب نسمات العليل ابتهاجه والفكر خلته الدواكيك مسهاج فجٍ خلا لا ضاق صدرك اعلاجه يغنيك عن بعض المجالس والازعاج سحابة البارح قفتها عجاجه يلعب بها صلف الهوى مثل الامواج هبت هبوب مدورين اللجاجه يفرح بزلة صاحبه كل هراج من غير سبه عاقدن لك احجاجه لو ان ماله مع هل الطيب منهاج اثر العوج دايم يحب العواجه لو ينعدل يرجع لـ ساسة وينعاج مايستوي طعم القراح وهماجه ولا يستوي نقع الصفى مثل هداج الله ولا منت محسب خراجه شين اللغى ومن البطر لابسٍ تاج والله مايذبحك ياكود حاجه لا صار في وجهك حيا وانت محتاج بالعسر يسر وللهموم انفراجه يجي لها من وألي العرش مخراج ارفع يدينك لـ السماء ثم ناجه يظهرك لو دونك شرابيك واسياج
قروب اشعار28,139 просмотров • 4 месяцев назад
قفلت بيبان العتب والمشاريه وفتحت بيبان الرضى والكرامه اللي يجينا جعل ربي يحييه ومن صد مانكثر عليه الملامه اكثر كلام الناس ما كني اوحيه بعض التغافل طيب ماهو رخامه راعي التغطرس خيّب الله مساعيه ولا حكيم الراي ، ، يازن كلامه من لا ربوه اهله زمانه يربيه قدامه البيداء وريع الندامه المال ماقلنا تصدق لنا فيه ليتك تصدق بس بالابتسامه ايه الله الله اخذ الحق واعطيه والعلم له مبدى وهذا ختامه ما ارافق الجاهل ولاني معاديه يكفي سلام ومرحبا والسلامه .
قروب اشعار30,432 просмотров • 4 месяцев назад
احب الكريم اللي على الطيبين يجود واحب المطر لو كان سيله مجنبني واعرف الردي لو زاد ماله رداه يزود فلا يعجبه طبعي ولا هو بمعجبني نجاح الفتى سمٍ على اهل الكبود السود يموت الحسود بجرعة الهم والغبني وتجزعة من راع الردى راعي المنقود عدوٍ شريف ولا خسيسٍ يصاحبني .
قروب اشعار21,973 просмотров • 3 месяцев назад
