Majed | ابو دانتي
@AboDantee • 139,491 subscribers
FPGA/ASIC Engineer & Quantum Sensing Researcher 🔬 Stories & analysis from microchips to geopolitics Author • [email protected]
Shorts
Videos
شوفوا خطاب امير قطر الشيخ تميم اليوم مقابل قراءة المشهد البسيطة اللي كتبتها قبل 7 أشهر واللي ظن كثيرين انها مبالغات
Majed | ابو دانتي715,883 просмотров • 12 дней назад
مثال حي على الثريد حقي اللي تحت وعلى كلام سمو الامير تركي الفيصل بالفيديو انتشرت صورة ولي عهد دبي وهو يأكل بطاطس عمان، بينما هالصورة هو منزلها "قبل سنة" نشرها ذباب الامارات عشان يأجج ذبابنا ضد عمان، وفعلا نجحت الخطة وصارت حملة كراهية بين ذبابنا وبين ذباب عمان تحديدا لان حتى عمان عنده ذباب ذباب عمان زي ذبابنا، مهو حكومي، وانما طابور خامس نفس اللي شرحته بالثريد تحت وذباب عمان اغلبهم متطرفين دينيا وعندهم مشاكل عقدية مع السعودية ولهذا تلقونهم واقفين ضدها بكل القضايا لكن واقعا؟ الشعب العماني والشعب السعودي والحكومة السعودية والحكومة العمانية بريئين براءة الذئب من دم يوسف من كل هذه الترهات والغباء والحماقة وللاسف انه بالشرق الاوسط الحكومات تتأثر قراراتها بالخطاب السائل اونلاين وشفنا هذا في مصر ولبنان وقطر وغيرها، فحتى الحكومات هناك لما تشوف هالامور تعتقد ان هالشي موجه حكوميا ما يدرون انهم ناس جيبين فينا العيد . ولهذا تشوفون الامير تركي االفيصل يوم كان يتكلم عن الخلاف السعودي الاماراتي قال لا تسمعون للذباب، اسمعوا للحكومات فقط امامكم مثال حي الان ذباب الامارات نجح بتأجيج ذبابنا على عمان والنتيجة وش؟ زي ما شرحت في ثريد من يقود الرأي العام .. كثير من المغردين ومن المجتمع صار يسب عمان وهنا ذباب عمان ينبسط ويقول هلا بالعيااااال الان اقدر اقنع الشعب العماني ان السعودية سيئة وفيها ما يخطيها .. وش استفدنا؟ عدو جديد للسعودية، الف مبروك ولهذا اقول ان الذباب الالكتروني ما يسوي هالامور صدفة وانما فيه جهات داخلية خائنة وخارجية تتعمد عزل السعودية عن محيطها
Majed | ابو دانتي466,433 просмотров • 9 дней назад
تشوفون هالتنظيم بالفيديو؟ هذا اللي أتكلم عنه من سنين 1: يتفق قروب دواعش على هشتقة شخص ليكون قضية رأي عام "ثغرة قانونية" 2: يشترون حساب من برى "عشان ما يتحاسبون" ويقذفونك ويكفرونك ويخونونك ويطعنون بسمعتك 3: يبارك الوطنجي هالارهاب 4: يتفاعل القطيع والنتيجة؟ اقل شي دمار لسمعتك عند اللي يردعمون، واسوء شي تم القبض بسبب اثارة الرأي العام .. والسؤال، هل نرضى ان امثال هالدشير يسوون محاكم تفتيش بهالطريقة وفوق هذا نستجيب لهم؟ لا بد من يقظة حقيقية تغير هالارهاب اللي قاعد يصير تغيير حقيقي مهو سوالف
Majed | ابو دانتي61,629 просмотров • 2 дней назад
مشاهدينا الكرام نحن على مشارف حرب كبرى، ما أبي أقول WW3 والسبب؟ الطاقة و AI حسب زعمي وبشرح لكم تحت أوكرانيا هاجمت موسكو بـ 1600 مسيرة وهالهجوم مهو بمنأى من كلام رؤساء أوروبا أمس واستعدادهم للحرب، وهو أكبر هجوم أوكراني ضد روسيا الهجوم استهدف مصافي نفط روسية في موسكو وكابوتنيا وأماكن حساسة أخرى، ثم تبنت أوكرانيا الهجوم رسميًا وقال الرئيس زيلينسكي إنها مسيرات طويلة المدى وصواريخ باليستية أعتقد بناء على كل المعطيات أن أوروبا مؤمنة أن الحرب هي أفضل خيار لأنهم يشوفون الوضع الأمني من سيء إلى أسوأ. فمثلاً، أمس فرنسا قالت إن روسيا تشن هجمات عليها بعضها سيبرانية وأخرى تخريبية واستخباراتية وبعضها بالمسيرات سويسرا وهي دولة محايدة طلعت أمس وقالت إن روسيا تستهدفها بحرب هجينة ولهذا تنوي أخذ خطوات أمنية كثيرة! بنفس الوقت ألمانيا قالت إنها تتوقع نشوب حرب وقاعدة تحاول تشوف قدراتها من ناحية المستشفيات وكم تقدر تستقبل في وقت واحد، وبولندا هددت بأنها بتهاجم قواعد روسيا القريبة منها في حال أي تحرك روسي ! وبناء على رئيس وزراء سلوفاكيا، أوروبا والغرب عمومًا يحاولون بقدر المستطاع دفع روسيا إلى حرب مباشرة مع دول الناتو طيب وش دخل AI بالموضوع؟ لو شفنا بالماضي كانت الدول تتنافس على النفط والفولاذ والأسلحة النووية وكانت هالثلاثة تعني القوة الاستراتيجية للدولة مثل ما شرحت في ثريدي عن ماو رئيس الصين لكن بهالزمن؟ صار اللي يحدد القوة الاستراتيجية هو الطاقة والرقائق الإلكترونية والقدرة الحوسبية والذكاء الاصطناعي والمسيرات والأقمار الصناعية والأشياء اللي فوق تعني الحاجة الملحة للكهرباء ومصانع الرقائق ومعادن الأرض النادرة ومراكز البيانات والكيابل البحرية والأقمار الصناعية الخ الخ الخ وش يجمع هالأشياء؟ الطاقة، كل شي يحتاج طاقة، وإن تأخرت بهالصناعات بتكون دولة متخلفة ضعيفة العالم صار عنده هوس بالطاقة أكثر من أي وقت مضى لأنك عشان تصير دولة قوية تحتاج تتقدم بالذكاء الاصطناعي وعشان تدرب نموذج ذكاء اصطناعي تحتاج كهرباء مدينة كاملة ! ولهذا IEA قالت بأن الحاجة للطاقة بتتدبل مرتين أو ثلاث مرات خلال السنوات القريبة القادمة، لكن وين المشكلة؟ المشكلة إنه بعد حرب أوكرانيا صارت أوروبا ما يجيها طاقة من روسيا، وبعد ضرب أنابيب شرق غرب بالسعودية زاد الوضع سوء ناهيك عن توترات مضيق هرمز وباب المندب أوروبا تحتاج الطاقة عشان تدفئة البيوت بالشتاء، بس تحتاجها أكثر بعد عشان مراكز البيانات وبناء اقتصاد الذكاء الاصطناعي الجديد ومصانع الرقائق الإلكترونية وغيرها وإلا بتكون دولة متخلفة في خضم السباق العالمي على هالتقنيات عدم الحصول على الطاقة الكافية في أوروبا يعني خسارة المصانع ومراكز البيانات واستثمارات AI مما يجعلها دولة استهلاكية تعتمد على دول كبرى زي أمريكا أو الصين أو روسيا ومن ثم الموضوع أمن قومي !
Majed | ابو دانتي1,063,019 просмотров • 1 месяц назад
0:49
Sensitive content
This media may contain sensitive content.
كذا يسوون الصعق الكهربائي للحيوانات بالمصالخ ويموتون لحظيًا .. ياكثر تفاصيل الحضارة البشرية اللي لو دققنا فيها بننصدم
Majed | ابو دانتي10,673,334 просмотров • 8 месяцев назад
الجزء2: وأدري هالشي حساس وبيزعل البعض ثاني أكبر مجزرة سووها الميكافيليين ضد السعودية هي مجزرة العقل الجمعي السعودي يوم نجحوا بزراعة الخوف والتجهيل، زي الصورتين اللي تحت النتيجة؟ قدروا يخلون جزء من المجتمع مسعورين ضد بعضهم، كل واحد يطالب بكنسلة وسجن الآخر، وقدروا يخلون جزء من المجتمع قطيع يردد ويضخم صوت الذباب الالكتروني حتى التصقت الصورة النمطية للذباب على الشعب كله صاروا الناس يشاركون بكل هاشتاق او حملة كراهية ويسوون نفس اللي يسوون الوطنج او الذباب الالكتروني، اما بسب او قذف او غيره ضد الدول المجاورة وصاروا الناس حتى بين بعض، كل واحد يشك بنوايا الثاني وكل واحد مسعور وده يهشتق الآخر ويسجنه ! انا مؤمن ان هالشي مهو صدفة .. قريت كتاب لمستشار في CIA يتكلم عن طريقة تنظيم الجماعات الارهابية والمتطرفة، وقال ان الاساس واللبنة لهالجماعات ثلاثة اشياء، كل من بغى يسوي فرقة متطرفه سواها 1: زرع الخوف من الآخر، عشان يصير القطيع متشابه 2: التنطع، كل واحد يظهر ان انتماءه اكثر عشان الحظوة والتقدير 3: الشك، كل واحد يشك بالثاني ولذلك انا مؤمن ان خلف ان اللي سووه الميكافيليين مهو صدفة واشوف ان خلف الكواليس فيه مستفيد من كل هذا، ربما يكون عدو مبطن للسعودية وولاة امرها ويستفيد من جعل الشعب في حالة استعداد مستمرة ويستفيد من عزل الدولة عن محيطها وجعل الشعب في حالة تأهب لاستقبال اي فكرة مهما كانت غبية .. ما اقول ان كل الوطنج كذا، لا طبعا بل اكثر الوطنج همج يقودهم مرياع، وانا هنا ما اتكلم عن اللي في اكس يهشتقون الخلق ويسبون فقط وانما اتكلم عن نوايا اللي يقودون هالذباب .. الامير تركي الفيصل استشعر خطر الميكافيليين وحذر منهم، وتكلم عنهم في عدة مناسبات احدها الفيديو الي تحت .. ومن ثم اللي يظن ان الذباب الالكتروني موجه حكوميا غلطان بل ان الحكومة تتضرر من بعض نشاطاتهم .. شوفوا الصورتين تحت .. الذباب الالكتروني او الميكافيليين زي ما اسميهم، كانوا ينشرون اول باول قصص كاذبة وصور مفبركة عشان يكونون الناس بحالة خوف دائم لين وصلوا مرحلة، اعتقد انهم قالوا والله الشعب هذا مسكين يصدق اي شي، فصاروا حرفيا يطقطقون على الشعب والشعب يصدق مثلا الصورتين تحت اللي مسوينها الذباب الالكتروني ثم يقولون ان خلفها قروبات معادية للمملكة من الخارج، وتلاحظون الصورتين حاطين قائمة طويلة لاشياء واضح ان قروب الذباب الميكافيلي يتفق عليها ويبون الناس ما يتكلمون فيها فيقولون بالصورتين ان اعداء الوطن متفقين انهم يحقرون من الوطنية ويشجعون المراهقين على التمرد وزرع الاحباط وغيرها من الامور ثم يجيك الفقرات المضحكة اللي ما تدخل عقل ذي لب، لكن للاسف انهم قدروا يستحمرون فئة من المجتمع وصدقوا .. الفقرات هي: نبي ننبذ جيل الثمانينات، نبي ننبذ زواج الاقارب، الخ وواضح ان اللي كاتبها هو من جيل الثمانينات ومتزوج بنت عمه يمكن .. شفتوا لا درجة وصلوا من استغباء المجتمع؟ خلاص هم اقتنعوا ان هالمجتمع بيصدق اي شي نقوله .. وفعلا نجحوا شوفوا في اكس وكل المنصات اي شي واحد يقوله يلقى بالمنشن عنده عشرة حاطين الصورتين اللي تحت ويقول انتبهوا انتبهوا هذا من القروب المعادي للملكة هذي خطتهم بالله عليك هذي خطة يقولها انسان واعي؟ بالله عليك فيه احد بينشر مخططاته بواتساب زي كذا؟ ومن جيمس بوند هذا اللي دخل للقروب وكفشهم؟ هذي الاجواء اللي نعيشها كلها تشبه رواية 1984 قدروا الميكافيليين يحولونا الى مجتمع بوليسي ويدمرون العقل الجمعي في وقت السعودية تحاول فيه تنمية وتطوير التفكير عند الناس لدرجة ان السعودية صارت تدرس مادة كاملة للتفكير الناقد بكل المراحل صاروا الناس اليوم يصدقون اي شي يطلع اونلاين من الميكافييليين، وصاروا مثل المجتمع البوليسي ايام عبدالناصر في مصر كل واحد يبي يتخابر على الآخر ويسجنه، ولا ننسى الى وقت قريب يوم طلعت هبة انك تمنشن كلنا امن وتكتب "عنايتكم" امامكم انسان تم تخوينه مرات عدة من متعصبين قبلي ومناطقيا يظنون اني اكره منطقة الجنوب بس لاني كنت انتقد عادات الجاهيات الميكافيليين عندهم قروبات، وطنيين جنوبيين ووطنيين نجديين وغيره وبينهم كراهية ومحاولة تخوين وتنطع ما تتصورونه .. لكن من يقودهم؟ تجد في المناسبات الوطنية احد القروبات يحاول يظهر اشخاص من منطقة دون اخرى، والآخر يسوي شي مشابه .. وهذي موضوع لو دخلت فيه ما راح اطلع وبكون دخلت الى عش الدبابير وافضل ابعد عنه الاكيد، وأسفاه على رأي عام يقوده الميكافيليين اللي اكثرهم بلا عقل او اخلاق او تعليم، بعضهم يسيء للسعودية متعمدا والآخر له مآرب اخرى ومرة اخرى اعذروني ادري كلامي بيكون مليان اخطاء كتابية لاني اكتب من كيبورد لابتوبي القديم بينما آخذ بريك قبل اكمل تحضيري للمدتيرم ولبحثي للماجستير اتكاسل اني ارجع واعدل الاخطاء بس وصلت لكم الفكرة
Majed | ابو دانتي219,102 просмотров • 9 дней назад
من عادتي اذا شفت فلتات وناجحين بمجال معين ادور روتين يومهم، وابشركم لقيت روتين يوم مازن السديري اللي عينوه اليوم رئيس لمجلس هيئة السوق المالية بمرتبة وزير هذا الانسان عبقري وفلتة بكل شي له علاقة بالاقتصاد ومن سنين ما يمر علي فيديو له الا اشوفه كامل مع ان مالي بالاقتصاد
Majed | ابو دانتي1,683,344 просмотров • 2 месяцев назад
كثار طلبوني اشارك في #٢٠٣٠_بلا_نقاب وتجنبت لأن اللي يعرفون محتواي في X وتيك يعرفون ان عندي قاعدة: لا أتدخل في مواضيع النساء .. فمن واقع تجربتي 99% من اللي ينشغل بمواضيع النساء سواء صحونجي او ليبرالي تلقاه سربوت لكن باختصار اقول: - كشف او تغطية الوجه أمر يخص النساء والمفرض انه خيار شخصي - الأمر فيه خلاف فقهي بل اكثر اهل العلم من المتقدمين قالوا بجواز كشف الوجه الامر المفترض اختيار مهو فرض ولا احد يتدخل فيه غير النساء
Majed | ابو دانتي415,749 просмотров • 22 дней назад
البنت تم القبض عليها لأن فيه تهمة لكن ما تمت محاكمتها الى الان ومن ثم التهمة ما تثبت الا بعد المحاكمة والدولة عادلها وبتنصفها وتنصف الجميع لكن سؤالي: قارنوا بين كلامها "الغير مجتزئ" وكلام طارق الحبيب .. ليه طالبوا بالقبض عليها وهو لا؟ اذا عرفت بتفهم ديناميكية مهمة بالمجتمع وهي كيف يصنع الرأي العام وتستغل المشاعر الدينية بأربعة طرق 1:الإدانة بالارتباط 2: إعادة التأطير 3: تسميم البئر واغتيال الشخصية 4: تحويل رأيك لقضية رأي عام ومن ثم سجنك فلما تقول رأي يزعل جماعة مثل رأيها بأن كشف الوجه حلال ثم يزعلون منك جماعة، غالبا بيحاولون يدينونك بأن كلامك مرتبط بكلام الكفار وانك مثلا تفاعل معك ملحد او عدو او ما شابه .. عشان يشنعون عليك وعلى فكرتك ما نفع؟ تبدأ مرحلة إعادة التأطير .. شوفوا وش تقول، البنت تسيء للرسول ! وهنا يمكن يكون السبب دلاخة منك وسوء تعبير وبراءة مهو شرط خبث وإساءة حقيقية، لكن رغم ذلك وش بيصير؟ بيعيدون تأطير الموضوع ويقولون فلان يسيء للدين !! لما يقولون هالشي بيتفاعل اكثر الناس ويأثرون عليهم لين تدخل مرحلة تسميم البئر واغتيال الشخصية، فيقولون ان هذي كافرة وهذي تسب الرسول وهي عدوة للوطن وو الخ .. وهنا تم اغتيال الشخصية وصار الكل ضدك ثم نجي للمرحلة الرابعة وهي قتلك .. بالماضي كانت المرحلة الرابعة قتل مباشر بالشارع زي ما صار لكثيرين زي فرج فودة، لكن بالحاضر صاروا يسوونه الكترونيا بأن يهشتقونك او يخلون كلامك قضية رأي عام الدولة لا تجامل في قضايا الرأي العام مهما كانت، وغالبا بتسجنك لو كانت اثارة الرأي العام بموضوع حساس او ديني لكن سجنك ما يعني ان التهمة ثبتت، وانما يعني انك متهم وراح يحولونك للنيابة ثم يبدأ التحقيق والمحاكمات وما شابه لكن المهم وش؟ ان اللي كانوا من الاساس كارهينك لفكرتك قدروا يسوون فيك كل الخطوات وقتلوا موضوعك .. ادانوك بالارتباط ثم اعادوا تأطير موضوعك وخلوه تعدي على الدين ثم اغتالوا شخصيتك وصار الكل يكرهك ثم حولوا القضية لقضية رأي عام وانسجنت بتقولون طيب ليه ما انسجن اللي بدأ الهاشتاق ضدها؟ هذي الحيلة يسوونها كثير وهو انهم يخلون اللي يسوي الهاشتاق حسابه وهمي او غير سعودي عايش برى السعودية وهذا ما حدث مع البنت هذي، وتم القبض عليها وهذاك عايش في مصر وسلامتكم .. ادري كثير بيختلفون معي لكن كلمة الحق ما راح اخليها بقلبي عشان مجاملة
Majed | ابو دانتي325,105 просмотров • 18 дней назад
قسم بالله مصدوم من قدرات Chat GPT 6 Astra حنا رسميا دخلنا عصر AGI والتحول هذا يشبه اكتشاف الكهرباء واختراع الانترنت والكمبيوتر ولهذا سجلت لكم هنا كل ميزاته وكيف تستخدمونه أعتقد اكثر ناس بيزعلون هم مايكروسوفت و هيومين لأنه صار يستخدم الكمبيوتر مباشرة دون الحاجة لرقائق ووكلاء عكس فكرة هيومين تخيلوا: - يستخدم الكمبيوتر بدالك - يصمم لك الكترونيات - يبرمج لك - تأمره صوتيا ويدور لك افضل مستشفى ويحجز لك موعد - يسوي لك العاب كاملة أي شي تقدر تسويه باللابتوب هو يسويه أفضل منك وكأنك موظف عندك اعظم مهندسين ومحامين واداريين بكل المجالات
Majed | ابو دانتي928,981 просмотров • 1 месяц назад
هذا أعظم اكتشاف علمي قام به ذكاء اصطناعي الى هذا اليوم، بيحوّل تقنية كرسبر للتعديل الجيني الى الابد وبنكتشف من خلاله علاجات ونحسن صحة الانسان ! يا اخوان اللي سواه كلود من Anthropic مهو بس اكتشاف جزيء وانما اكتشف نظام متكامل داخل جسم الانسان ما كنا نعرفه وهالنظام يعمي مثل تقنية كرسبر يعدل جيناتنا لكن الى الان ما نعرف بالضبط وش فايدته بالضبط تخيلوا كلود اكتشف الموضوع كامل بنفسه .. قرأ الابحاث السابقة وفتش قواعد البيانات الضخمة وقرأ تسلسلات ال DNA ثم جمع اكثر من 200 الف ملف واستخرج منها 3500 نظام محتمل ثم ضيقها الى افضل 20 احمال ثم لاحظ ان نمط ال DNA غريب ومتكرر بجنب احد الانزيمات بطريقة تشبه تقنية كريسبر ومحد لاحظه من قبل كل ذا تدرون كم اخذ؟ بس 21 ساعة باستخدام 950 وكيل من كلود و 210 مليون توكن 😭 وبعدها Claude اقترح التحليلات والتجارب المطلوبة، والعلماء في المختبر نفذوها للتحقق من النتيجة وسموا النظام الجديد ART او Array associated Reverse Transcriptases المثير بالنظام انه بعد التجارب الاولية ظهر بأنه يقدر ينتج RNA قصير ومنفصل وهذا احد الاسباب الي خلاهم يقولون ان النظام قد يسمح لنا للبرمجة مثل انظمة كرسبر حنا خلاص دخلنا مرحلة ان الذكاء الاصطناعي ياخذ المجال البحثي ويسرعه تسريع ما نتصوره وهالشي بيكون له فوائد على كل جوانب حياتنا، ما بين اكتاشف ادوية وحلول للمشاكل وتقنيات وغيره
Majed | ابو دانتي431,881 просмотров • 1 месяц назад
لطالما كنت ضد كتب تطوير الذات لأن غالب اللي يكتبونها يصفطون كلام نظري دون تجربة حقيقية، عكس لما تسمع من مجرب او مختص مثلًا هذا الفيديو للسواحة بالنسبة لي يمكن يفديك اكثر من 10 كتب تطوير ذات وقيادة، وشخصيًا استفدت منه كثير لدرجة اني مخزنه بالاستوديو بس بضيف له: تعلّم استخدام AI بهالزمن اهم حتى من IQ بمليون مرة، لأن AI قلل الهوة الشاسعة بين اللي عنده IQ مرتفع وضعيف
Majed | ابو دانتي1,134,720 просмотров • 2 месяцев назад
8:28
Sensitive content
This media may contain sensitive content.
مقطع للمثبتة عشان ما عاد ارد على أبناء الحرام: اعذروني بتسمعون الفاظ ما طلعت مني قبل، لكن طفح الكيل بعد 4 سنوات قذف وتخوين وتشويه سمعة من قروب دعم يقوده سافل يدعي انه من عائلة مرموقة وهو اكثر حياته بدولة شقيقة المقطع لكل حمار يصدق سالفة اني معارض وادسم السم بالعسل ولكل ابن كلب يحاول يظهر بأني شخص مريب او سيء ويشوه سمعتي ملاحظة: نص هالدشير ما حطوا صورهم ولا اسمائهم زيي، وهميين ولا يقدرون يطلعون بهوياتهم، اما انا هذي صوري تحت ومعروف اسمي ورسمي ووين اشتغل وغيره .. ومرة اخرى، آسف اني مضطر اسوي زي كذا وآسف على الالفاظ لكن خلاص انا فعلا تعبت من تشويه السمعة والقذف من هالقرود الحسودين اللي ان ما قدروا ينافسونك في اخلاقك او في محتواك راحوا لسمعتك يشوهونها وللاسف انهم ناشبين لي في هواية احبها، وهي السرد والكتابة والتحقيق اونلاين، ناشبين لي تشويه سمعة في اكثر شي احبه ومن ثم وصلت لقناعه اني لازم اسوي فيديو ارد عليهم وابين للناس واخليه بالمثبتة وبعدها ما ارد على اي سافل منهم
Majed | ابو دانتي127,051 просмотров • 10 дней назад
كلكم سمعتوا عن المسألة الرياضية اللي حلها ChatGPT لكن اكثركم ما فهمتوها قسم بالله انجاز عظيم ومرعب ! تخيلوا Open AI سووا جيش 10 الاف عالم رياضيات AI وسولفوا بين بعض 130 مليار كلمة خلال 88 ساعة لين حلوها صورت الان فيديو شرحت المسألة واوعدك تفهمها لو ما معك الا سادس
Majed | ابو دانتي588,904 просмотров • 1 месяц назад
عاجل وحساس 🇺🇸 الفيديو القنبلة البيت الأبيض بالغلط نزل هذا الفيديو "طوله ساعة" لترامب مع أصدقاءه المقربين اثناء غداء عيد الفصح اليوم، ثم مسحوه لأن مليان أخطاء وأعياد وأرادوا قصقصته مغرد امريكي حمله سريعًا ثم انا ترجمته لكم، لكن بما ان طوله ساعة ترجمته مع AI ومن ثم بتشوفون اغلاط بالترجمة تكلم عن ايران، اسرائيل، وبتلاحظون شخصيته غير مع اخوياه وأكثر هدوء وإتساق يوم يسولف معاهم
Majed | ابو دانتي3,072,433 просмотров • 6 месяцев назад
