محماس
@Al_ruwqi_511 • 1,814 subscribers
شاب عتيبي …متذوق لشعر بشده. سُبْحَانَ اللَّهِ وَبِحَمْدِهِ، سُبْحانَ اللَّهِ العَظِيمِ
Videos
الله عليك يا مدغم ابو شيبه وعلى هالقصيده: الله لايكشف خوافيك يالصدر الكتوم إلا في بر القريبين و إفشاء الـسـلام ودي إني فـ المجره وأسولف لـ النجوم لا أتكلم مع أهل الارض ، ولا اسمع كلام لـكن أنماط الـتقاليد وعراف الـسلوم خـلت الـدنيـا نظام يطور لـه نـظااام تحجم من مخالط الناس ويصيبك وجوم لين تفرضهم عليك الثقة و الاحترام لامتى ووجيهنا السمر تلفحها السموم لامتى وقلوبنا البيض يسكنها الظلام انتقابل بالصدف ونتسالم بالخشوم والقلوب من التنافر على حد الحسام والفتى لاقفى به العمر مكفي ومخدوم عده الفنجال الأول ونطحه الملام والشقا لولا الشقا سادوا العالم عموم والذي مانبت له ريش يطلع له سنام والظفر قتال ، والذل ما عز الرخوم والبخل ماغنى هله ، والكرم فقر الكرام شق لخطاك اتجاهات ولوجهك يموم لاتجي مثل المصلي ورا ظهر الإمام ان تماكنك اللزوم فتقدم في اللزوم وبذل أقصى مابوسعك وعداك الملام رب شي تفعله في حياتك ذات يوم يخصترلك ماتسويه في عشرين عام ما يعيب الرجل لا طاح و ازرا لا يقوم دام نفسه ترقب المجد غياة و مرام الفشل ما هوب لا خانة قواك العزوم الفشل لا طاح قدرك من عيون الحشام و القصيد اللي من الروح و الصدق معدوم يتبخر في الهوا كنه المال الحرام و التمادي في الجهل يجعل الاخوين قوم و الرجوع لمنطق الحق خطوه للأمام و الغضب يرهن مصيرك على بحرً يعوم و انت في ضلً من الله وفي خير وسلام اعف عند المقدره في الكثير من العلوم شر ما عودت نفسك عليه الانتقام الحسد والخبث والجبن والنفس الحدوم فالأنام وهي فالأساس ما هي فالأنام ورفقة الأنذال بعها على أوّل من يسوم وإعتزلهم لا يزورونك ألّا فالمنام وغير ربعك لو تعرف أمّة مْحمّد عموم فـ أنت من غصن شْجره لا خوال ولَا عمام إنتصب قدّام حسّادك ببيض الهدوم لو ما عندك لـ أهل بيتك شراب وْلَا طعام عش بْـ لا ياس وتشاؤم لو تعيش مْحروم من زرع حسن البدايه جنى مسك الختام دام ما أنتب دايم لّ نبّاتك تدوم لا تمرّ ظْهور الأيّام مرور الكرام وإعرف إن تحقيق الأهداف وإدراك الحلوم بالكثير مْن العمل والقليل مْن الكلام
محماس69,255 Aufrufe • vor 1 Monat
سلطان الحويقل لله درّك على هالقصيده يابو نايف : يا صاح نوب الضيق من صكة زرار لو الصدور أوسع من أوسع خريمه تنشد عن الاحوال وتعرف الاسرار اليا التقى وجه النديم بنديمه من يوم قلت علومك و هات الاخبار و الليل ممدي و السوالف مقيمه علمتك بعلمي على شبة النار وخيط الشفق حول بخيط الجريمه خل الغموض اللي يلحف ب الأشعار لو تنتصر نصرك سوات الهزيمة ماعاد تنفع راحت وصار ماصار و شرهتك مركبها على اشداد ريمه اخذ الكلام الحار و المنطق الحار اللي مايبرد لو غسلته بغيمه و خل المجامل مانت بالوالد البار و كب التحكم للعقول الحكيمه لا شفتنا غياب عن زحمة الدار تر الغياب احيان من باب شيمه زليت في بعض الدعاوي و الافكار و اخطيت و الحقت الظليمه ظليمه واللي لسانه للمقفين منشار يبشر برمحً مضربه في صميمه والله ما حنا اللي يجي دون مقدار على الفراش اللي بليا عزيمه انطب في سوق المراجل و نختار على النقى وسلوم اهلنا القديمه احرار وانت تعرف وش معنى الأحرار على مواكير الحرار العديمه و الحر لو يربط معزز بلا كار يشوف اله في عالي الرجم قيمه بوجيهنا لا صدو القوم حضار على العوايد و النوايا السليمه والله ماخذنا دونها راس دوار اليا استقمنا السكه المستقيمه و الطيب لو من دونه الذيب والغار نهواه و نعلق عليه الوسيمه تم الكلام ولا على الخافي غبار وعلى تمامه قد ذبحة التميمه اليا فهمت الله يكافيك الاشرار اعرف ترا الذمه ماهيب الذميمه و ان مافهمت احرص على كل ما صار وش عاد اسوي و البهيمه بهيمه
محماس20,436 Aufrufe • vor 9 Tagen
الشاعر يوسف العصيمي من الشعراء المظلومين إعلامياً : عمر المطر ماقلت له مشكور لين اقتعنت ان الرجال شجار وان القلوب اللي بدون شعور مثل الغصون اللي بدون ثمار حتى لو الها فالتراب جذور ماراح تعطيها ولا مقدار من غبّةٍ وحده هل البابور يستخرجون اللّول والمحّار هذا مزيّن من غلاه نحور وهذاك مايسوى ولا دينار مافيه شي الا لحقه قصور حتى السنين التاليات قصار وتقول الارض من الاوادم بور ماهو على شان القبور كثار اللي دفنّاهم بدون قبور اكثر من الموتى بتسع اعشار ماعاد في بعض الرجال صدور من يوم اكلها الحسد يا ستّار خلّ البنات اللي سوات الحور اثر الرجال من الرجال تغار النور من يقدر يحجب النور ياللي تحسب ان النجوم صغار لاصار ما ميّزتها معذور مانيب قايل لك وش اللي صار وش ذنبي ان كان العيون العور ماتقدر تشوف الكبار كبار (: حتى ايش لو تشهد شهادة زور وتحطّ راعي البيت مثل الجار ماجيت ابي ذكرك وانا مذكور لو ماني بشاعر مع الشعّار ابوي قدّامي خذا له دور ما شغّل فلوسه مع التجّار يلمّها ويحطّها فـ " قدور ويشبّ من تحت القدور النار
محماس87,877 Aufrufe • vor 2 Monaten
عناد الشيباني لله درك يابو فزاع على هالقصيده : احزن ليا من الشفق صار كنه دم واحس ان الارض تضيق بي كني الجاني ليا طاح قرص الشمس خلف الجبال الصم اغيب معه .. واطيح في عالمٍ ثاني ! غريب الشعور اللي يجي بين هم وغم قلق ، شوق ، ذكرى ، فقد | يالله لا تبلاني شعوري وانا اضمد جروحي واخاف تشم ولا ودي ان الناس تدري عن احزاني شعور اليتيم اللي ليا قيل : مالك هم يعرف انها تنقال : من دافع انساني ..! ضغوط الحياه اللي تخم النشاما خم مشتتٍ التفكير .. تشتيت وجداني اعاني من النسيان لي حول مدري كم ؟ واعاني واعاني بس مدري وش اعاني ..! يا ربعي ترى بعض المشاريه مثل السم تغاضو ليا قصرت معكم على شاني ..! انا اللي يطيب ليا سعى في لزوم وتم ويمرض لامنه قال : ما اقدر و لا امداني ياليته مايفرق عندي المدح والا الذم مدام الحياه مولية .. والعمر فاني ضعيف الروابع ما يداري ولا يهتم وانا اخاف من شرهات ربعي وشيباني ولاني من اللي خص خيره وشره عم ابا الخير كله يلحق الناس من داني مع ان الظروف اللي تغثرب غزير الجم تقول انها يا ابو سليم تحداني ..! واذا يامهند رمح بعض الهقاوي زم لعله ما يجرح كل طيب ومتفاني ماقد حنت الدنيا علينا سوات الام ولا قد تعلمنا بها درس مجاني وانا كل ما شفتك ذكرت الجبال الشم وذكرت الوفا اللي طول الايام خاواني وتذكرت حلمٍ لاح برقه وسيله طم ولا فيه احد غيرك على الحلم جراني رفيقٍ معودني على ابشر وهاك وسم اماري بطيبك و احرق كبود عدواني جمعنا الوفا مانت بولد خال والا عم ولاعاد اعدك غير واحد من اخواني ..! تعال انتقاسم ما بقى ضحك والا هم ماندري بعد لو باقي احلام وآماني !!
محماس41,283 Aufrufe • vor 1 Monat
من اجمل القصايد اللي سمعتها : حي الله اللي ليا ذا الحين ماجانا كل ما اتصلنا عليه يقول بيجينا خلنا نتحفاك قبل انك تحفانا واسمح لنا كان طولنا تحفيينا قد احتريناك على انك تحرانا وملّ التحري بكبره من تحرينا — الناس لاضاقت من الوقت تنصانا و انّا لا ضقنا توضينا و صلينا يسمّي الطيّب عياله على اسمانا وعيالنا ما تسمى الا بـ اسامينا العلم لا من وصلنا ما تعدانا لو نتعداه ماهوب متعدينا نطيب لامن ذكرنا طيب مجنانا وترّدنا عن بعض الاشيا مجانينا الشر فـ اشنابنا والخير فـ لحانا وعلى طواريقها محدٍ يلاحينا محمد بن مبارك الودعاني
محماس96,990 Aufrufe • vor 2 Monaten
قصيدة مدغم ابو شيبه في مزاين عتيبة: راكب اللي حوّل من السفينة للرصيف وانطلق من بحر جدة على خط الشفا مر بالطايف و ردد جماهيير المصيف مررحباا باللي لفى مررحباا باللي لفى وش تقول من التواصيف ولا وش تضيف ارسم الغيمة على اربع عجلات وكفى الهنوف اللي تردك من الدنيا معيف ضايفٍ منها على سكبته وجه وقفى لا وقف يعدل مزاجه من الخام الخفيف ما درى راعيه هو يشتغل ولا طفى وان تهبد ف المطبة تهباد الكفيف مشي وضحًا ف اخر الذود تضلع من حفى ما عليه الا أُمنية شاعرٍ قلبه نظيف لاحقه من جور الايام هجران وجفا وده ان الغيم مدرار والوادي مريف ونصف شعب المملكة من خوال المصطفى في نفود السر من شرق داورد وعفيف خمسة حروفٍ مع خمسة حروف احلفا ارفعوها فالمنصه على باب المضيف واحفظوها وانحتوها على صم الصفى ترسي اوتادك على البيد يا الضلع المنيف ما بنتك عزوم قومٍ كسالى وضعفا دونك الهيلا بالامجاد والحد الرهيف ان صفى عجاج الايام ولا ما صفى شجرةٍ ما طير اوراقها فصل الخريف في طرفها للخوي قوت وظلال ودفى ذا وانا ماني بالاول مكرر والوصيف من سبيع اللي على صهوة المجد اردفا عزوةٍ من صيهد رماح لواد الغريف بشتهم لا شمرت دقلة الحاكم ضفى! فزعة ابن سعود في نصرة الدين الحنيف والله مافيها كنيّا ولا فيها خفى والحياه اكبر مغرّه وطيب العيش زيف من عطاء لله وجهه عطى الدنيا قفاا
محماس41,277 Aufrufe • vor 1 Monat
مرت علي وانا بعاصمة الضباب حملة صليبية على هيئة مره لدت وصار القلب تحت الانتداب عجز يرد القوة المستعمره خليط ما بين العذوبه والعذاب لها شكل عبله وطعنة عنتره تفتح مغاليق الضماير فتح باب و تدخل على الصدر و تبختر فـ أيسره و إليا تجلّى البدر من بين السحاب تطالعه كنها تتطالع منظره خذت من الظبي الجفول الارتياب ومن الخيول الشقر ثقل وبخترة عز الله إن الشايب اللّي جاب جاب جت من خياله مستحيل من ظهره يا مسلمين اللي نشب بأهل الكتاب ادعوا له إن الله تعالى ينصره اعاني من الحب ومن الاغتراب ومن الوله ومن الحظوظ المدبره عن ماشتهت نفسي ومالذ وطاب يردني دين ومروئه ونعره انا النزيه الي يخاف من الحساب وانا الي ان شفت اي منكر انكره و انا الصقر و انا النسر و انا العقاب و أنا اللي سمتني امي حيدره ان شفت فرجال شي من الخراب اطلقه كني مطلق لي مره جمال بندر
محماس56,764 Aufrufe • vor 1 Monat
سمي الزعفران مدغم : صلو على محمد شفيع اللاحقين ماخيلت دهم المزون وغرها الاصحاب فيهم من صفات الوالدين ماتدخل الجنـة اليـن ،، تبرهـا والمرجله ترهق قصيرين اليدين تبغى لها كبد يزوع مرها ترهي عليها من يسار ومن يمين وتلحق حطبها والهبوب تكرها والسوالف الفرغه حقول مزارعين ولاتعرف شعيرها من برهـا إلين تثبتها الليالي و السنين الناس فـ الوهلات لله درّها صورّها زينه و زيّنها تزين و أخلاقها ماهيب مثل صورّها النفس إذا ماسرّها العذر السمين تلقى لها عـذرً ماهوب يسرّها وحرث السدود الخافية ماهوب زين يظهر قوارشها ويظهر ذرها رد السلام ومعه كلمة كلمتين إن عشّرت ولا الجمل ماضرها ونصيحتك للشخص أمام الحاضرين تونس برودتها ويونس حرّها و الكاظمين الغيظ مثل المستحين على بساطتها لا تامن شرّها والفتنه ليا من غلب ماها الطحين عاقل يطفيها وخبل يجرها والقنبلة ذلحين والا بعد حين ترقبوا بوتين يضغط زرها و المجد من وحد جزيره باربعين و أنار سيرتها و قدس سرها
محماس17,835 Aufrufe • vor 15 Tagen
قصيدت عبدالله بن زويبن في مزاين عتيبه : بدينا بذكر الخالق المعطي المنان جزيل العطاء اللي ساعة الضيق يلجا له لعله يجنبني عن الزور والبهتان وهدف كلمةٍ من قالها تحبط اعماله بعد ما انتهى شعبان واللي ورا شعبان دعانا العطاوي للمزاين وجينا له أجبت لنداء تركي وأنا من وفاه مدان رفيقٍ عزيز الله يكثر من امثاله وأنا مقصدي يوم اذكره واشكره عرفان ما ابي مبلغٍ من مال ربعه ولا ماله دعانا وجينا يوم وقت المزاين حان ومعي من قبيلة حرب لعتيبة رسالة تهاني وباقاتٍ من الورد والريحان وسلامٍ عدد ما لحن الطير مواله وعداد النجوم المرقبة والدبى الحنان وحقوق الغشين إليّا تساقط من خياله يسوقه هواء الغربي بقدرة رفيع الشان وعقب ما تكامل هب شرقي ورساله على كل شبر من القضيمة إليّا الظهران عن الأرض عشر أيام ما كف هماله على المهرجان اللي تشاعل به النيران والانوار توضي والمواطير شغالة والاشبال قدمه بالمداخن على البيبان ترحب وهذي من عوايد هل الطالة هذي عادة العتبان يا جاهل العتبان تكلل جهود اللي بنفسه يورى له أهل لطمة العايل وذبحة سمان الضان تضد الخصيم وضيفها تكرم سباله زمانٍ مضى يوم القبايل ما هم باخوان يرد البرا حتى البناخي على خاله تعيش السباع الشهب والطير ابو جنحان على جرة الهيلا إليّا جات منهاله طويل الذراع اللي تدرق به الفرسان تسابق يمانيهم على شرب فنجاله وأنا لابتي عن غيرها ما بها نقصان تدوس الصعاب وقمة المجد ترقى له على الخصم ثقل طويق مترامي الجيلان رفيع الحجى صعبٍ طلوعه ومنزاله ترد البرا حتى على الحاكم السلطان تشن الهجوم بكل دار وتصدى له وحدينا القبايل باللويصق وبالفسقان عن الوادي اللي ترغب الخور مدهاله على اللي نواصيهن تقادح تقل صوان تحت كل شبلٍ يرهب القوم مدكاله ولها معجزاتٍ والمثايل لها برهان بها نفلج المنكر إليّا حط معداله وجميع القبايل ما ننقص لها الميزان يقول المثل كلٍ مكفيته افعاله تطرقت وقتٍ كان يوم العرب عدوان زمانٍ بعض حال العرب فيه يرثى له تلاشى وبان الحق واخزى الله الشيطان بدا النور يشرق والجهل جاه من زاله حكمنا الحكيم اللي من الشرق نوره بان نظيف الضمير اللي وسام الشرف ناله بنى دولةٍ عظمى ودستورها القرآن وعقب ما رحل ساروا على نهجه عياله تحت حكمهم ما فيه خايف ولا جيعان الأرزاق موجودة والاسعار منطاله وعداد ما زمت روس الزماليق بالريضان صلاة الله الباري على المصطفى وآله
محماس41,955 Aufrufe • vor 1 Monat
عسى الخيال اللي بروقه لها ضوح يرخي هماليل الغشين القراحي على قرى ساحوق من فوق وطلوح وريكات وذريرة وهاك المشاحي لو كان مالي في مراعيه مصلوح لا نيب لاموده ولا ني متاحي متريحٍ من بين جدران وسطوح مبطي من الثنتين خالٍ مراحي لي صاحبٍ مملوح مع نزل مسروح يلعب بقلبي لعبة مضيم ضاحي وجدي عليها وجد من جاه ساموح بنحور قومٍ يشهرون السلاحي عنده ثلاث أذواد ماهن بشرشوح خلفاتهن تسعين غير اللقاحي إلى صعق جنه عرازيل وطفوح تركي على راس الغزال اللواحي وجاهن عقيدٍ زاحهن كلهن زوح وربعه وراه يجمعون الطياحي وتخالفوا عند الطفوح أم طلطوح أم الخراطيم الطّوال الشناحي أن صد قام الغيض يسقيه ذرنوح وإليا بغى يفتكها، من يناحي؟ وجاهم بدون شعور مع راس جردوح ورموه عطبين المرامي وطاحي قد كنت عن روس المراقيب منصوح نصيحةٍ ما كللت بالنجاحي قام الحمام ينوح في قمة الدوح غنى وأنا نايم وفزيت صاحي أخذت لي غطه وصحاني النوح وقعدت ألاحي لين لاح الصباحي وعديت من روس المراقيب لحلوح لحلوح من روس المراقيب فاحي مدملجٍ ممسوح جنبه تقل لوح مثل الزجاج تموج عنه الرياحي عديت به سالم وحولت مجروح وأنا احسب انه سلوتي وانشراحي حولت في جرحين مغلق ومفتوح وطعون شلفٍ من جميع النواحي وشميت لي ريحٍ خطيرٍ على الروح ريحان والريحان سمٍ ذحاحي لاكان كان اني تشافيت مسموح وإن مت جعلك من ذنوبي مباحي إلا أن حبك تقضية وقت ومزوح قلها على المكشوف وأطلق سراحي ما يشبع الجيعان من ريحة الفوح ولا يجزي الضميان شوف الضحاحي لازم تبين لي عن الحب منضوح ما بالخفى خير البياح البياحي أما أنتظر وإلا أنسحب عنك وأروح وأنته تروح وجعل دربك سماحي وراسك من الشرهات بالسمن ممسوح واللي طونّه بيض الأيام راحي عبد الله بن زويبن
محماس75,451 Aufrufe • vor 3 Monaten
ماكل من عدا على راس مرقاب حول وهو من ضيقة الصدر خالي ارقا وانا منصاب واعود منصاب لا راحت الضيقه .. ولا ارتاح بالي ودي لو ان الواقع .. يصير كذاب واصدقه مثل ما اصدق خيالي دقيت ابا اكلمك يا اعز الاصحاب عقب تذكرت ( السنين الخوالي ) واللي مخليني لـ هالحين مرتاب قفيت كنك مالقيت اتصالي … ! مهوب طبعك بس لـ الغايب اسباب جعل السبب مهوب سود الليالي والله ما قصدي لا تشره ولا عتااب والا بعد عن قولة اني مثالي انشد ومثلك ما يعوض ليا غاااب وادعي عساني بس .. لازلت غاالي يا معرب المنسب مابي شرح واعراب ابيك تعرف .. بعدك اللي جرالي انا بدونك لو معي ربع واحباب تقول : كني يا رفيقي لحالي :( وانت السلاح اللي يجري لو اهاب وانت السند وانت الرفيق الموالي لامن شلفا ذياب ضاعت من ذياب ما عوضه عنها .. ابو زيد الهلالي ارجيك رجوى الشيخ سعدون لعقاب لو كان مانت بواحدٍ من عيالي ! يالصارم البتار تزهاك الالقاب من حقي افخر بك واميل عقالي ياما على شاني تعرضت الانشاب وارخصت حالك دون حالي ومالي وياما دحرت بغيبتي كل شذاب وقصرت لي صوتٍ قبل كان عالي وياما تقاسمنا المصايب والاتعاب وياما تكاتفنا من اجل المعالي وان كان صدرك فيه لـ الحق طلاب خذ ماتبي من صدر اخوك الشمالي ميانتك تامر .. على قص الارقاب واسمك لاحدتني ظروفي طرالي شف ماتبيه وسو قبلة ومحراب ما بيني وبينك .. غرور وتعالي عناد الشيباني
محماس41,585 Aufrufe • vor 1 Monat
قصيدة وصف شديد اهل البل لربيع للشاعر تركي السلات : على جفرة الصاقب تدلت مزون الصيف هواء فاطرن يمشون اهلها لمشهاها رفضه فالمراح ولا مشت عقلها خفيف اليا شدت تحد المقاود على اقصاها قريع مضراتن على القفر و التطنيف بامر الله ما سالت ديرةً غير ترعاها بعاد زارت المركوز شربت هفوف الهيف طفح شوفها معاد تنظر لماطاها اومت بالبكار وجاء لجلد الخفاف وحيف وشعت شايبً مع لايح البرق يشعاها لا رفع شنق رفع شنق قبل ذاك يقيف على درب عوبً تفحم العوب بخطاها تزرفل و تمشي و ارقلت و اهرفت هريف تجخر ما تبى دق البكار يتعداها يباري لها و يزر جيبه لكل منيف شوي وتمر ودق سلفه و خاواها معه دلةً فيها من البنّ الأشقر كيف وهو كيف راسه يوم يمشي و يبراها على شان مصغرها المتلي حشاه صخيف يثقل لها المقهور ما يلحق اتلاها يقص الدروب وينجع لكل خدً ريف على وين ما طاح الحياء قال سقناها يسند بها الجرير للهضبة ام القيف و تياسر شوي وتنسف اجله بيمناها تعود مواترها على ماقفت عفيف ولا لاحقه تشوفه فايسر الشبك يقداها ليا عشت المشقوق الاقصى جنوب وطيف بكره عابره و ابرق عراده معشاها على عبلةً فيها تور الجدد و تعيف بلاهم مقاطع بر وقليلً ماها ويردون اهلها لو على سد ضلعً صيف على ويتً لا صدرت جات ب ملاها اهل مرسدسً ما نقل ترسه الخفيف لا قام يتزفر روح راعيه سلاها بدوً من سلفنا ما نقص حق كل سهيف هذا كارها و لا على ويش نقناها
محماس18,262 Aufrufe • vor 1 Monat
سلامي وانا عبر البحر فوق عبّاره على واحد ما فيه بعده ولا قبله ذكرته وانا بادل يديني على الطاره بـ دار خلا والخاطر اضيق من الدبله هاذي دار ابوه ودار جده وذي داره سقى ليالي عنتر العبسي وعبله عليه العيون من اول الصيف مدراره سحاب ترايع مقدمه وانتثر وبله سهج كل روض وقام يزعج على جاره الين التوى غصن الخزاما على الرِبله عيوني على ساعة مجيّه ومسيّاره تغني له العرضه وتضرب له الطبله وهو من سحاه يعود من نصف مشواره واهل بيته تراقب مجيّه وترقب له يخافون تلتقطه من الجُب سيّاره على ما عطاه الله من الملح والقُبله انا ماني بواحد و قبل اسمه عباره يسكر منافذ نادي الخيل بسطبله انا شاعرً ما اختار حظه ولا اختاره سوات البشر يكتب لغيره و يكتب له أحبه واعرف إن سلطة الحب جباره تجيه العرب صاحين وتروح منهبله ابرجيه . . حتى يبلع الوادي اشجاره وتسير الجبال وتشرق الشمس من قبله وجودي لو إني بين يمناه ويساره وجود بدوي حالو القوم دون أبله على الوجهه الابيض والنقى لعبنو الباره الا واهني من لفّ حبله على حبله تصد النفوس اللي من الشين نفاره مثل صدت الطيب عن الكلمه الخبله مدغم ابو شيبه
محماس34,888 Aufrufe • vor 2 Monaten
من اجمل ما قال محمد الشمالي رحمه الله: البارحه يا بجاد يا بعد النعاس من العيون حتى العيون المنعسه يابجاد طار نعاسها تعال فتش في سجل الذكريات ولاتهون ترا جداد الذكريات توصلك دراسها انت المكلف فالكتابه بالقلم والتيلفون اليا هدى جو المدينه وامرحوا حراسها وانا المكلف بالجديد من القوافي والحون وانا مالبسها اللباس اللي ماهو بـ لباسها السوق فيه أكثر من بضاعة وبياع وزبون الطيبه من ناسها .. والهابطه من ناسها اهل الثمان يقدمون من الثمين وياخذون واهل النحاس الله يقنعها بركة نحاسها والفقر وان حدك هلى بعض المواقف والديون ولا غناة من كراتين ... الفحم واكياسها النايم اللي مرقطين في ظلال ام الغصون اللي غراسها في الزوايا الضيقة غراسها اللي لا قاموا من عشاهم ناقع وسط الصحون هو جس لـ بكره في الفطور وفالغداء هو جاسها اوادمٍ مثل الرجال من الزعل ما يزعلون وش عاد لو ان الكرامه داسها اللي داسها والله يالولا الخوف منك تتهمني بالجنون اني لا اعيد السالفه يا بجاد لك من راسها من التمادي في التجافي والشراسه في الطعون وصلت صدور الناس من طول الصبر مرواسها وش حرم عيال الظهور وحلل عيال البطون ف نعمة اللي ما يجف من الدسم ملاسها لا تقول صدفه لا ماهي تصدف ولا هم يحزنون ( الحقد سيس في البيوت اللي ردي ساسها) واللي يمون مسلطه ربي على اللي مايمون منين ما زانت علومه جا الخبيث وحاسها يا بجاد خل الذكريات ارتاح جعلك ماتهون راح الجديد من العلوم ولا ضوت دراسها خل الكلام من اللسان واخذ الكلام من العيون الا بغيت تترجم شعور العرب واحساسها و اللي الى هالحين ما يدري بنفسه من يكون يلمس زناد الفتنه اللي ماطفى مقباسها
محماس21,432 Aufrufe • vor 1 Monat
كل ماغنيت قافٍ يطرب اللعابه اعترض لي من يقول انته وراك تغني قلت قصّاد وعلى قيسه يقيس ثيابه قال ارد العلم عنك وقلت رد العلم عني اثر حتى فالهوايه مشكله وطلابه اتركوني ما احترفت ولا اشترهت بفني والله اني ما مسحت الجوخه الجذابه ولا ترجيت المشالح بين هن وهنّي لي سموي لو سمو الشيخ ما يرضى به المدوح الزايفه لا ينتظرها مني ان مدحنا ما مدحنا غير اسود الغابه لو عيال الذيب ترقص مع عيال الجني عشت يا راسي بخير ولا عليك رقابه ياعسى تفداك روسٍ خاب فيها ظني سداح العتيبي
محماس13,934 Aufrufe • vor 2 Monaten
Keine weiteren Inhalte verfügbar