𓆩 عَبْدُالْحَقِّ الأَفْغَانِي 𓆪

څه ورځې مخکې مې د دوبۍ سفر درلود په الوتکه کې مې ډېر افغان مسافرین ولیدل ښځو او نجونو حجابونه اغوستي وو او په اسلامي لباس کې وې خو کله چې الوتکه دوبۍ ته نږدې شوه ما ولیدل چې ځینو خپلې د سر پوړنې لرې کړې ځینو حجابونه ښکاره پرېښودل او ځینو خو تر دې هم وړاندې ګام واخیست او غربي لباس یې اغوستی و دا صحنه راته ډېره د افسوس او عبرت وړ وه انسان باید له خپل خالق الله تعالی څخه ووېرېږي نه دا چې د مخلوق د نظر او خبرو له وېرې خپل دین حیا او ارزښتونه بدل کړي حجاب یوازې د خلکو لپاره نه دی حجاب د الله تعالی حکم او د مسلمانې ښځې د حیا او عزت نښه ده د رسول الله ﷺ لارښوونې زموږ لپاره د ژوند معیار دی نه د خلکو خوښي او د زمانې فېشن موږ افغانان یو او زموږ په کلتور کې حیا عزت پرده او د مشرانو درناوی تل ځانګړی ځای لري نو افسوس دی چې انسان د څو شېبو د خلکو د خوښۍ لپاره هغه ارزښتونه هېر کړي چې دین او کورنۍ یې ورته ور زده کړي دي راځئ چې د مخلوق له نظره مخکې د خالق رضا په پام کې ونیسو ځکه د خلکو رضا لنډمهاله ده خو د الله تعالی رضا د دنیا او آخرت کامیابي ده

17,948 просмотров