العـاهل
@all_3jmii • 17,158 subscribers
من يقول مثلي في زماني .. مثل غيري ؟
Videos
- مدغم ابو شيبه لله درّه - كل فعل .. ينافي العاده هضمت أسبابه إلا عبّاد الفلاش .. و مسلمين الجمعه حب لي خشم التشهّد بـ إصبع السبّابه ماهو بـ حاجة رتوش ولا بـ حاجة لمعه أنتشي من ضحكة العاقل : على مغتابه فطنة المتحدثه .. و إصغاية المستمعه مانصبت إلا .. على ذا العالم " النصّابه " وماحزنت الا على من غامرو بـ السمعه صارت الأيام .. في عيني ( جناح ذبابه ) لا عرفت إن العرب تحشر و هي مجتمعه من تهاب الناس من طيشه مانيب آهابه أنا آهاب من الضعيف إللي سلاحه دمعه
العـاهل526,805 Aufrufe • vor 9 Monaten
أنا .. ورا ساير الأجواد " مالي لزوم " لو أكثر العالم يدوّر .. مصافح يدي إلا رفيقً على شاني ( يطيح و يقوم ) لو أنطق أول حروف إسمه يجيك يعدي لا غرّك الطيّب .. إللي رابيً مع رخوم و الناقه الطيّبه وسط .. الحلال الردي ما غرك إللي مقامه مثل : زرق السهوم و صيته رجيده على البيداء رجيد بردي الأجودي لو يشبّه " بـ الحصان العزوم " الفرق هذا خطل يمنى و هذا أجودي إنسان ياخذ صفاته من صفات النجوم يطلع مع سهيل .. و يوقّف وزان الجدي لا قسّم الله .. على خلقه جزال القسوم يستاهل المدح و أبشر بـ السعد و بعدي مواقفه .. مستمرّه كل ( ساعه و يوم ) " أما بـ رايٍ قدي . . ولا بـ كفٍ ندي " مستكفيً فيه عن ظلم الزمن و مخدوم لا جيته آشوف جدّي .. في مقام ولدي هو والله إللي تجي بينه و بين السموم و هو والله إللي يعز .. و ينذبح له فدي ياخي يا مقرن يابو حثلان على العموم الله لا يخلي يديني من هلي .. و بلدي الأسم هذا يخلّي قوم .. و شيوخ قوم تجمع بطاقاتها و ختومها .. و تغدي إن كان في خير محدٍ من وفاه محروم و إن كان في شر يدعا به على المعتدي شوّقتني .. يا شموخ البرج بين الغيوم و خلّيت في عيني الأبراج شكل و بدي في عرف الأنسان ما خلّا المحبّه تدوم إلا الطمع و البساط إللي ماهوب أحمدي لا ترمي الهقوه .. الا في " ظفر و مغنوم " لا منها ( قامت الدنيا ) يقول .. إقعدي _ مدغم أبو شيبه
العـاهل423,577 Aufrufe • vor 1 Jahr
كل يومً فـ التليفون أخاطب لي سفيه مملٍ في طيب جدانه إللي .. عقّبوه و أقتنع من عذر الأول و عذر إللي يليه و النتيجه كلها قلت آلوه : و قال آلوه و المهيلب .. والله إن الردا يحرم عليه مثل ماتحرم عليه أخته من أمه و أبوه قبل تخلق فايهة شكسبير .. و سيبويه سارو الركبان بـ إسم الشريف و فوّهوه يوم متني ثقل حمله و أنا ما آحتلت فيه جيت أبيه يشيل نصفه و شاله كل أبوه _ مدغم أبو شيبه مدح في المهيلب
العـاهل390,787 Aufrufe • vor 1 Jahr
لله در مدغم ابو شيبه : ودي إني فـ المجرّه و أسولف لـ النجوم لا أتكلم مع هل الأرض .. ولا أسمع كلام لكن أنماط التقاليد !.. و أعراف السلوم خلّت " الدنيا " نظامٍ يطوّر له .. نظام تحجم من مخالط الناس و يصيبك وجوم لين تفرضهم عليك الثقه .. و الأحترام لا متى و وجيهنا السمر تلفحها السموم ؟ لا متى و قلوبنا البيض يسكنها الظلام ؟ نتقابل بـ الصدف و آنتسالم بـ الخشوم و القلوب من التنافر : على حد الحسام رُبَّ شيً تفعله في حياتك .. ذات يوم يختصر لك : ما تسويه في " ٢٠ عام "
العـاهل197,717 Aufrufe • vor 8 Monaten
من أقوا الرديات في الفتره الحاليّه : البدع عند محمد بن الذيب و الرد عند مدغم أبو شيبه عسى كسرى ما عاد يبلش أبن المنذر النعمان ترا أبن المنذر النعمان مغتلين .. من غلّه _ محمد بن الذيب لكن لا رحت عند معاويه قله يا آبو سفيان لقيت إبنك يزيد البارحه يلعب مع الشلّه _ مدغم أبو شيبه
العـاهل375,414 Aufrufe • vor 1 Jahr
« حمله صليبيّه | جمال بندر » مرت علي و أنا بـ عاصمة الضباب حمله صليبيّه على هيئة ( مره ) لدّت و صار القلب تحت الإنتداب عجز .. يرد القوّه " المستعمره " خليط ما بين العذوبه و العذاب لها شكل عبله . . و طعنة عنتره تفتح مغاليق الضماير " فتح باب " و تدخل على الصدر و تبختر فـ أيسره و إليا تجلّى البدر من بين السحاب تطالعه .. كنها تتطالع " منظره " خذت من الظبي الجفول الأرتياب و من الخيول الشقر ثقل و بختره عزالله إن الشايب إللي جاب .. جاب جت من خياله مستحيل من ظهره يا مسلمين إللي نشب فـ آهل الكتاب أدعو له .. إن الله تعالى " ينصره " أعاني من الحب . . و من الأغتراب و من الوله و من الحظوظ المدبره عن ما آشتهت نفسي و ما لذّ و طاب يردّني دين .. و مروءه .. و نعره أنا النزيه .. إللي يخاف من الحساب و أنا إللي إن شاف أي مُنكر .. ينكره و أنا الصقر و أنا النسر و أنا العقاب و أنا اللّذي سمّتني أمي ( حيدره ) إن شفت فـ الرجال شي من الخراب أطلّقه . . كنّي " مطلّق لي مره "
العـاهل140,580 Aufrufe • vor 8 Monaten
راكب إللي عسى ماله على الأرض عينه ما يسوقه سوى إللي في حياته مفادي كل شي .. متبدّل فيه غير ( المكينه ) عمره الأفتراضي راح حسب إعتقادي لا مشى ؟ .. كنه إللي صابته غرغرينه يحبي ما معه رجلين .. ولا أيادي لونه أسود قبل لا آشريه من بايعينه و يوم جبناه عند البيت كنه رمادي من كثر ما سمعنا فيه أغاني حزينه ؟ صار ما يمشي إلا لين يسمع ( عبادي ) الزمن قد شربنا من " فناجيل صينه " لين جات المراره فيه .. شي إعتيادي العيون إغرقت بـ الدمع مثل السفينه دمع عيني محيطٍ ليته يصير .. هادي لو مدحت الغني و أعطاني من الخزينه أنا غادي بـ مدحي .. ولا مانيب غادي ؟ مره أقول عادي ؟ .. مره أقول شينه ؟ مره أقوله شينه ؟ .. مره أقول عادي ؟ كيف تبغوني أخذ مدةٍ .. من يمينه و أنا حتى يوم إني طفل ما آخذ عيادي صح أنا .. واحدٍ من ساكنين المدينه بس فيني طبايع ساكنين .. البوادي كل راسي عناد .. و كل عمري غبينه ودي أصالح الدنيا و أعاند .. عنادي عزة النفس زينه .. و الملايين زينه والله ما يذبح الرجال غير المبادي _ جمال بندر
العـاهل143,826 Aufrufe • vor 9 Monaten
قصيده من نوادر : - الـ king محمد ابن الذيب - أحب الهواجر حب سلطان لـ العجمان لكن ؟.. صاحبي ( سلطان ) نيّته بوّاره يا سلطان لا من مات ضيدان ابن قضعان رثيناه ( دمعٍ ) منك تاره .. و لي تاره عداك الملام و صاحبك ماهو بـ غلطان و أبو مطرقه !.. حقّه على راس مسماره ضعون البدو ما تكره الدوج فـ المرحان ما دام السحب .. تبرق و ترعد و مطّاره لا بالله و الشيخان : تفرق عن الشيخان يا صلّاحة البنشر !.. و قبّاضة الطاره و أنا وسط لندن طوّل الله عمر حمدان أسوق القدم و مهبّل الناس .. محتاره ولا يعرفون الجار .. و مقاصر الجيران هذا ساكنٍ داره ؟.. و ذا ساكنٍ داره ولا عندهم قلّط .. ولا وش علوم فلان ولا ياخذ أخبارك !.. و لا تاخذ أخباره
العـاهل135,394 Aufrufe • vor 9 Monaten
- محمد ابن الذيب - رسايل عينك أبلغ في فواد المستهيم الصبّ يترجمها شعوره .. و الرسايل غير نصيّه أحبك و القلوب إلى ومرها الله تحبّ ؟ تحبّ تجلت رحمته فـ أدنى فضى كونه .. و قاصيّه أحبك قبل أصير التبّ فـ الساحه و صرت التبّ و أنا أحبك .. و هذي لك من الرحمن خصيّه لا تتركني مثل بعض المديح إللي يعقبه سبّ و تنظر لي .. بـ نظرات الغرام ( الأنتقاصيّه ) تشخّصت لـ عيونك و الغلا المآخود لا من هبّ على إللي ما هو بـ شخصيّه .. يخلّيه شخصيّه
العـاهل113,053 Aufrufe • vor 7 Monaten
يهاجرون لـ مجلسي هجرة الطوع لو كان مانيب ( المليك النجاشي ) - محمد ابن الذيب
العـاهل64,564 Aufrufe • vor 4 Monaten
- تذكّر : عند مدغم ابو شيبه - تذكّر و لك بـ الذكر مالك من الأسفار تذكّر و خل الذآكره .. بـ الزمان تعود تذكّر يوم إن حدود وصلك ثلاث أمتار تخطيتها ما كنّ ذيك الحدود .. حدود تذكّر ؟ .. و أنا ويّاك في " لمّة السمار " تقول البرا مردود ؟ أقول البرا مردود تحديت فيك الشاعر إللي من الشعار بعد ماتقول أسمه تذكر علامة ( قود ) توآرت نجومه . . يوم لدّت لي الأنظار طلع في عيون الناس ماهوب ذاك الزّود تذكّر يوم إنك جيتني .. يا غريب الدار أبشّر بـ شوفك كنّي أبشّر " بـ مولود "
العـاهل100,636 Aufrufe • vor 7 Monaten
يـ الظافري راسك سبيعي و دندون و أبوك حط أهل الكرم في عجاجه مخزون تاريخه مهوب أي مخزون مثل الحديث اللي رواه أبن ماجه لا جت دوايرها دواير " حلزون " يجي لها على يديه ! .. أنفراجه يديرها .. بـ إللي يدير التلفـزون من دون سابق عرف والأ مواجه يا سايحين الهايد برك .. و طرابزون يبقى الخواجه طول عمره خواجه ردّو تحياتي !.. على من " تعزّون " و راس الدجاجه عند ذيل الدجاجه من زعله ؟.. شيً مقفّى و موزون يرضيه شيً مثل عنق " الزجاجه " فـ النفس ثقبٍ يشبه لـ ثقب الأوزون و الشاعر المبدع .. يحـب العواجـه حط القصيدة كل أبوها على زون والبيت الأول و الأخير ؟ بـ مزاجـه مقرن مجلآ الحزن عن كل محزون لا شانت الأيام ؟.. يضحك حجاجـه نفدا مجي إللي لنا درع .. و ركـون بـ إللي نجيه .. ولا لنا فيه حاجـه _ مدغم ابو شيبه
العـاهل100,826 Aufrufe • vor 9 Monaten
« ردية جمال بندر | و حزمي بن سعد » أنا الشاعر الخريج من مدرسة سدّاح قبل لا أقلع مع العالم .. إقلاع طيّاره يقولون حزمي في بحور الشعر سبّاح ؟ و أنا أقول عادي .. عندنا خيط سنّاره هل المدح ما قط إستفادو من الأمداح و حزمي سعد مع كل بيتين .. سيّاره قبل كان راس المال عنده خرز مسباح و ذلحين صفّط لكسزه جنب فكساره الآحظ رصيده .. كل ما زاد فـ الأرباح يزيد الملآك إللي يسجّل .. على يساره لكن ( النبي ) ما يمدح الواحد المدّاح يذمّه محمد .. و الكلام الك يا جاره :) _ جمال بندر جمال .. أعتقد خريج من مدرسة جراح شبيهه بـ شامة خده .. و حبكة أفكاره تخآرج من القرش و توهّق مع التمساح ولا عاد يدرون العرب .. وشهي أخباره هقاوي فلاح .. تضحّك غليص ابن رماح يا ليته .. يراكي دلّته في طرف ( ناره ) أنا : واجهة قوم و رصيد و ذرى و سلاح وش يعرّفك ؟ يا واجهة " شلّة الحاره " عشى الحر .. في مخلابه الجارح الذبّاح و بعض الطيور يحكّ جنبه .. بـ منقاره قصيدي يشوّش روس قوم و يفك أرواح و قصيدك يادوب يشوّش بـ حصه و ساره _ حزمي بن سعد
العـاهل120,537 Aufrufe • vor 1 Jahr
« بدر بندر الغنامي في الـ king محمد ابن الذيب » ما ينحني راسه سوا لـ مبخر الطيب ولّا الأمور الثانيه ؟ .. تنحنا له ملا بطون العالم بعيد .. و قريب راعي جماله .. و إبن راعي جماله أبوه .. يوم الخط ماله " معازيب " إليا خذا الطرقي .. ما ياخذ رياله عجميً يشوف الخساير مكاسيب و كلمة وسبع أنعام .. تسوا حلاله أعرف هل الوجبات و أهل المواجيب و أميّز أهل الشكل .. و أهل الشكاله و لو نبتدع فـ الدين مدحة " بن الذيب " تصير بدعه بس .. ماهي ضلاله
العـاهل100,038 Aufrufe • vor 1 Jahr