متحف الامير محمد الاحمد السديري

قصه يرويها الشاعر الكبير مرشد البذال ( رحمه الله ) . يقول قمنا بزياره معالي الامير محمد السديري في الخفيات مزارعه في القصيم وعندما سلمنا عليه فرح بجيتنا وقال للحضور يوم الله جاب مرشد عشره أيام لا يشغلني احد . وبعد ان تناولو وجبه العشاء دخل الامير محمد للبيت . يقول مرشد يوم قال احد الجلوس ول ما أردى حظ هالعجوز الي جالسه . يقول مرشد سالته وش فيها هالعجوز قال الخوي هذه جايه داخله على الامير محمد ولدها محكوم عليه قصاص الأسبوع القادم . يقول يوم اصبحنا وجلس الامير محمد وانا استرخص قال لا لا يامرشد قلت يالامير أنا جيت مسلم وشفتك وانا ملزوم عندي مريض لازم أزوره فاعتذر منك . قال وين طريقك قال الرياض قال اجل خاوني إلى الزلفي عندي شغل ومن ثم اذهب للرياض يقول مرشد مشينا إلى الزلفي ورأسا ذهبنا للمحكمه ولا واحد من اخوان القاتل قدامنا قال للامير تومهم دخلوه للقاضي يقول دخل الامير محمد على القاضي وعرفه القاضي وقال إسمحلي ياقاضي أبي احكي مع صاحب الدم ( عتيبي) وحكى عليه ورد عليه قال ادخل على الله يامحمد لا تحول بيني وبين ذباح اخوي ويطيح مغشي عليه . ويرشونه في الماء ويصحى ويقوم محمد ويحب خشمه ويطلبه آلعفو ويطيح مره ثاني مغمي عليه ويرشونه مره ثانيه بالماء ويصحى ولتفت على القاضي ويقول اكتب إني متنازل عنه . رحم الله الامير محمد ورحم الله المقتول وبيض الله وجه العتيبي . #متحف_محمد_السديري #مرشد_البذال_الكويت_الزلفي #عتيبه