Islam🕷🕸
@Amazinspidey616 • 1,902 subscribers
In love with movies,tv shows and fc Barcelona ❤️💙,Spider Man🐐,Daredevil🐐,Invincible🐐 |The Viltrum Empire needs you 🫵🏻|
Videos
انا فعلاً ابغاكم بنفسكم ترجعوا لاول موسم بالتحديد عشان تعرفوا قد ايش هوملاندر تغير بشكل كبير و هيبته و حضوره "كفيلن" انحدرت بشكل مؤلم على الرغم من جودة الممثل المشهد هذا فعلاً بيجسد ليه هوملاندر "كان" فيلن عظيم في الموسم الاول ، حضور جبار و احساس بالهيبة قوي يخلي كل الشخصيات اللي في القاعة يخافوا منه و يعملوا له الف حساب ، مو بس عشانه قوي لكنه كذلك استراتيجي ذكي و قراراته و خطواته محسوبة و بيعرف ايش يسوي فصعب استغفاله . و في نفس الوقت المسلسل كان بيلاقي الوزنية انه يقدم الشخصية بهالهيبة اللي تخليك تخاف منه و كذلك يقدم الجانب الضعيف منه من غير ما تحس انه بيسطح من اهميته كفيلن ، نفس المشهد هذا ذات نفسه لما وراك ان حبه لمايف و تقديره لها هو اللي منعه انه يقتىل ستارلايت ، و قس على ذلك الجوانب الاخرى اللي شفناها في الموسم الاول كنت دائماً بتشوف هالجانب بس معها كذلك الجانب اللي بيخليه فيلن رهيب الحين ؟ مجرد غبي احمق لازم يقولوا له كيف يتصرف و لا تعمل كذا و كذا قراراته غير محسوبة و عشوائية بشكل غريب و فوقها مزودين جداً من شخصيته الضعيفة اللي مع عدم وجود هيبة توزن الشخصية صح بيطلع شكله في كثير احيان تهريجي و بيفقد هيبته الموسم هذا اصلاً احس ان بوتشر ذات نفسه خطر اقوى و محسوس اكثر بالنسبة لي #TheBoys
Islam🕷🕸1,194,778 görüntüleme • 5 ay önce
على قد ما عندي مشاكل مع كيفية وصولنا لهالمشهد و انعدام التمهيد له و احساس عدم الاكتمال اللي شرحته في المراجعة ، و لكن الحق يقال لما اجي اشوف المشهد ذات نفسه بشكل مستقل فهو من اررروع ما يكون ، من ناحية المونتاج و التصوير شي جداً خرافي لكن الاهم ان المشهد هذا هو اكثر مشهد حسيت فيه ان جعفر ذاب تماماً في الشخصية كأني قاعد اشوف مايكل جاكسون فعلاً بشحمه و لحمه ما صرت اميز شكله 😂😂، و يعني بعيداً عن كل هذا هو انا بعترض على مشهد زي هذا و الاغنية اللي شغالة فيه هي Bad ؟ I mean come on #Michaelmovie
Islam🕷🕸106,335 görüntüleme • 4 ay önce
الهوس حق مايكل و اغانيه لسه مستمر معي للان تخيلوا ، مع اني زي ما قلت اعرف اغانيه من و انا صغير و مرت علي في كثير مناسبات بس هذي اول مرة اشغلها باستمرار و اتابع كليبات اغانيه المشهورة بشكل معمق و ياااا ساتر على روعة و جودة كليباته بالذات اللي لا تقل ابببداً عن جودة اغانيه و صوته العظيم كليب Smooth criminal بالذات مؤخراً صرت مهووس فيه حرفياً ، تتكلم عن تصميم المكان اللي يعلق بالذاكرة ، او الكوريوغرافي الايقوني ، او اختيارات الالوان الرهيبة ، او الblocking حق الكاميرا و اختيار الزوايا ، او البصمة و الكاريزما حقت شخصية مايكل نفسه بالبدلة البيضا و القبعة اللي صنعت بروفايل تاريخي له "غير لقطة الانحنائة 🐐🐐🐐" كليبات بهالجودة هي اللي بتبينلك ليه مايكل جاكسون كان و لا زال هو القوت في الموسيقى ، لان لما تلاقي جودة الكليب من الناحية الاخراجية و التصويرية و ككوريوغرافي لا يقلوا ابداً عن الاغنية نفسها و معمولين بهالدرجة من الاتقان و الاهتمام بالتفاصيل فهنا بالتأكيد بنتكلم عن تحفة و مو اي فيديو كليب عادي مقاطع زي هذي هي اللي بتخلي اي احد بيستخدم الحمار الاصطناعي في صناعة منتجاته المرئية مثلاً يستحي على نفسه
Islam🕷🕸14,780 görüntüleme • 4 ay önce
Daha fazla içerik yok.