بـدر العكشـان ابـو دانـه
@b_s_a89 • 4,933 subscribers
ليـه الوم الريـح وانا خـابر احبـابي ورق 🖋️
Videos
علامك ياخليل البال متخفي ومتغيّب غيابك طال مالك في خيال الذاكره جرّه تفر من الظروف وصدتك صدات متهيّب وعقبك جتني الافكار والاوهام مفترّه يعذّر غيبتك ذكرى السنين وقلبك الطيّب ويعذّرني معك عشرة ليالي حلوه ومرّه لو ان رجعتك لي غيمة عتاب ودمعك الصيّب يبل ارضي وينبت في شعور الوصل ويبرّه يمر البال من عقبك طواري حزنها شيّب ولا ادري وش غزا راسي ودقني كثر مامرّه اعرف ان الحنين اللي دفنه الليل ومسيّب يجي وقتاً ينبّشه الندم ويعاود الكرّه كثر ماترحل وتبعد احسك حولي قريّب اشوفك في وجيه الناس لك نبره ولك غرّه وعلى بيد الوله ضامي شعور وحسي منيّب ومن حره تشوف النفس منقهره ومنحرّه كثر ماشالت ظنوني حسايف وقتك الخيّب تلحفني الورق ليله وسولفني الحبر مرّه خطاي اني اسولف لك عن جروحي ومتريّب وخطاك انك تشيل الملح فوق الجرح وتذرّه
بـدر العكشـان ابـو دانـه33,797 次观看 • 1 年前
( ليه الوم الريح وانا خابر احبابي 🍃🖋️) فاقداً سمعي هلاك وطاري اشواقي طرق ليه اكتف هاجسي لاصار ودي اعتقه لك علي اني اطاولبك سهادي والارق لين اعلق في نحر ليلك من العقد حلقه في سما صدري أشوف الوجد برسومه برق كلما خلت الحنين اشرب من الشوق اغدقه موقفك عقب الغياب المبهم بعيني فرق مثل نور الصبح لامن شق فجره وفلقه اتباشربك حيا لاحنّه الرمل اندرق لين يجتاح الهواء صدر بدوياً ينشقه تدري ان سهم الفراق اللي على صدري مرق فج جرحاً كنت اخيطه بالتناسي وفتقه من غياهب وحشتك ماشفت قلبي يحترق في هشيم الصدر ماتسمع تناهيد قلقه ادري ان نهاية الدرب المعتّم مفترق مابقالي غير درباً للموادع واطرقه كلما هب الانين اغص وشعوري شرق يبتديبي بالعتاب وينتهيبي بـ غلقه ليه الوم الريح وانا خابر احبابي ورق كيف يبرا الغصن لامن جف عوده وورقه ياحبيبي لو يرق الصخر قلبك ما يرق يا السراب آللي يخادعني ولا زلت الحقه انتظرها تسكن أمواجك وتشبعني غرق مد لي طوق النجاة اعيش زفرة وشهقة
بـدر العكشـان ابـو دانـه28,218 次观看 • 1 年前
没有更多内容可加载