CHIMASCHEF 👩🏻🍳🔥
@chimaschef_ • 461,600 subscribers
Shorts
Videos
حبيت أجرّب كمية صغيرة من هاد المحشي لأشوف إذا بيطلع طيب أو لا، بس فعليًا صار من إدماننا الجديد! 😍 محشي مخلل مقرمش ولذيذ، ومن هلأ كل فترة رح نعمل منه. الحشوة حسب رغبتكم، وأنا استخدمت شمندر، ملفوف أبيض وأحمر، جزر، خيار وخيار مخلل، وضفت عليهم ملعقة ملح ونصف فنجان خل بنسبة حموضة 5%. سلقت ورق الملفوف وحشيته مثل المحشي العادي، وبعدها صففته بمرطبان معقّم مع فصّين ثوم وبقايا الملفوف. محلول التخليل: لتر ماء، 4 ملاعق ملح، ملعقة سكر، ملعقة ملح ليمون ونصف فنجان خل، بالإضافة للمي اللي نزلت من الحشوة. بعد حوالي 5 أيام بيكون جاهز 😋 كتير طيب كسناك أو جنب الأكل. جرّبوه ورح تحبوه كتير! 🤍 #محشي_مخلل #مخللات #وصفات_سهلة
CHIMASCHEF 👩🏻🍳🔥1,300,000 görüntüleme • 2 ay önce
مونة دبس الفليفلة من دون تنشيف تحت الشمس 🌶️❤️ مننظف الفليفلة الحلوة من البذور ومنقطعها، ومنضيف معها فليفلة حارة حسب الرغبة. أنا بترك بذور الفليفلة الحارة حتى تطلع الحرورة أقوى، وبعدين منفرم الكل بمحضّرة الطعام أو ماكينة اللحمة. منحط الفليفلة المفرومة بالطنجرة مع كمشة ملح، ومنتركها على نار عالية 10 دقايق حتى تغلي. بعدها منوطي النار ومنتركها من ساعة ونص لساعتين، مع التحريك، حتى تتبخر المي وتنشف منيح. بعد ما تبرد تمامًا، منفردها بصينية ومنحطها قدام المروحة ليلة كاملة، ومنحرّكها كل ساعتين. تاني يوم منحطها بمرطبانات نظيفة ومعقمة، ومنغطي وجهها بالزيت ومنحفظها بالبراد. طريقة سهلة بتحافظ على لونها الأحمر وطعمتها الطيبة 🌶️😋 #دبس_فليفلة_منزلية #معجون_فليفلة #محمرا
CHIMASCHEF 👩🏻🍳🔥1,600,000 görüntüleme • 3 ay önce
إذا بتحبوا المخللات، هاي طريقتي السهلة اللي بتطلع مقرمشة ولذيذة جدًا. 😍 المكونات: • قثّاء اخضر. • 4–6 فصوص ثوم. • فلفل حار (اختياري). محلول التخليل (لكل لتر ماء): • 4 ملاعق كبيرة ملح. • نصف ملعقة صغيرة سكر. • فنجان شاي صغير من الخل الأبيض الخاص بتخليل الخضار. الطريقة: 1. اغسلوا القثّاء جيدًا، وقصّوا الأطراف. 2. اعملوا شقوقًا خفيفة بالسكين. 3. ضعوا الثوم والفلفل في قاع المرطبان. 4. رصّوا القثّاء بإحكام. 5. اسكبوا محلول التخليل حتى يغمر القثّاء بالكامل. 6. أغلقوا المرطبان، واتركوه بمكان بعيد عن أشعة الشمس لمدة 5–6 أيام. وبالهنا والعافية! 💛 #مخللات #قثاء #مخلل
CHIMASCHEF 👩🏻🍳🔥1,800,000 görüntüleme • 3 ay önce
مخلل العجور 🥒 الطريقة: * منقصّ أطراف حبات العجور من فوق وتحت. * منغسلها منيح جدًا، وبعدها مننشفها تمامًا. * بمرطبان نظيف منحط كم فص ثوم مع شوية فلفل حار. * منرصّ حبات العجور داخل المرطبان. المحلول: * لكل لتر مي فاترة: * 4 ملاعق كبيرة ملح. * نصف ملعقة كبيرة سكر. * فنجان شاي صغير خل. أنا بغلي المي قبلها بعدة ساعات وبتركها تبرد، حتى أتأكد إنها صارت نظيفة، وهي خطوة بتساعد كثير على نجاح المخلل وبتخليه يضل مقرمش. منسكب المحلول فوق العجور لحتى يغمره بالكامل، ومنسكر المرطبان، ومنتركه من 5 إلى 7 أيام. وبالعافية عليكم! 🥒🤍 #مخلل #مخللات
CHIMASCHEF 👩🏻🍳🔥1,200,000 görüntüleme • 4 ay önce
مونة مكدوس مع ست الحبايب 😋 #مكدوس #مكدوس_سوري #مكدوس_الباذنجان
CHIMASCHEF 👩🏻🍳🔥725,500 görüntüleme • 2 ay önce
طريقة حلى جوز الهند البارد 🥥🤍 المكونات: * كاسة حليب * كاسة جوز هند * علبتين قشطة بوك * نص كاسة حليب محلى * ظرف شانتيه * بسكويت سادة * حليب لتغميس البسكويت * جوز هند وفستق حلبي للتزيين الطريقة: نخلط كاسة الحليب مع جوز الهند وعلبتي القشطة ونص كاسة الحليب المحلى وظرف الشانتيه بالخلاط الكهربائي، لحد ما تتجانس الكريمة. نغمّس البسكويت بالحليب ونصفّه بطبقة في البايركس، ثم نضيف طبقة كريمة. نكرر الطبقات لحد ما تخلص الكمية، ونزيّن الوجه بجوز الهند والفستق الحلبي. نتركها بالبراد ساعتين، وبعدها بتكون جاهزة للأكل. صحتين وعافية 🤍 #حلى_جوز_الهند
CHIMASCHEF 👩🏻🍳🔥83,200 görüntüleme • 13 gün önce
مخلل الملفوف الأحمر (المخمّر) 💜 الطريقة: * عندي هون 3 حبات ملفوف أحمر، يعني تقريبًا 5 كيلو، فرمتهم فرم خشن. * قسمتهم على جرتين، ولكل جرة أضفت: * 5 ملاعق كبيرة ملح. * ملعقة كبيرة سكر. * ملعقة كبيرة ملح ليمون. * فنجانين شاي صغار خل أبيض. * خلطت كل المكونات منيح، وتركتها من ساعتين إلى 3 ساعات. * بعدها حركتها مرة ثانية، وتركتها لليوم التالي. * باليوم الثاني رح تلاحظوا إن لون الملفوف تغيّر، وطرى شوي، ونزل منه ماء. * حركته مرة أخيرة، وعبّيته بمرطبانات نظيفة، وكبست عليه منيح حتى ما يبقى فيه هواء. * المي اللي نزلت من الملفوف هي أساس المحلول، أضفت عليها: * لتر ماء. * ملعقة كبيرة ملح. * ملعقة كبيرة ملح ليمون. * سكبت المحلول فوق الملفوف حتى غطاه بالكامل. * حفظته بالبراد، أو بمكان بارد بعيد عن الشمس، والأفضل بالبراد. * بعد يومين إلى ثلاثة أيام بيكون جاهز للأكل. بالعافية عليكم. 💜 #مخمر_ملفوف #مخلل
CHIMASCHEF 👩🏻🍳🔥642,800 görüntüleme • 3 ay önce
مقادير كيكة الكليجة بجوز الهند 🤍 3 بيضات بحرارة الغرفة كاسة سكر ظرفين فانيلا عصرة ليمون نص كاسة زيت كاسة لبن زبادي نص كاسة جوز هند كاستين طحين منخول ظرفين بيكنج باودر ملعقة كبيرة بهارات كليجة نص ملعقة صغيرة محلب رشة ملح مقادير مهلبية جوز الهند: كاستين حليب كاسة جوز هند علبة حليب مكثف محلى نستله ملعقة كبيرة نشا للتزيين: كاسة ونص جوز هند محمّص 🤍 #كيكة_كليجة #ست_الحبايب #اختراعي
CHIMASCHEF 👩🏻🍳🔥240,000 görüntüleme • 1 ay önce
جبنة كوردية تراثية (ژاژي) اليوم الأول: قطعنا الجبنة البلدية الخضرة اللي لساتها بدها غلي، وضفنا عليها تقريبًا كمشة أو كمشتين ملح حسب كمية الجبنة، وحركناها منيح. حطيناها بالمرطبان وتركناها يوم كامل برا. بعد يوم: عملنالها محلول ملحي ودخلناها عالبراد لمدة 15 يوم لحتى تقصم الجبنة معنا. بعد مرور الـ15 يوم: غلينا 12 لتر حليب وتركناه لحتى صار دافي، يعني لما نحط إصبعنا فيه ما يحرقنا. روبناه باللبن وغطيناه وتركناه لليوم التاني لحتى يصير لبن أو زبادي. اليوم الثالث: حطينا اللبن عالغاز وضفنا عليه تقريبًا كاستين أو كاستين ونص مي، وتركناه لحتى يفرط ويصير خثارة لبن. حطينا الخثارة بكيس الجبنة وعلقناها ليلة كاملة لحتى تنزل منها المي. اليوم الرابع: حطينا تقريبًا 6 كيلو من جبنة الأريشة الجاهزة، وضفنا عليها خثارة اللبن وخلطناهم مع بعض. بعدين حطيناهم بكيس الجبنة وحطينا فوقهم ثقل وتركناهم ليلة كاملة لحتى تنزل المي. اليوم الخامس: فرغنا الجبنة بصينية كبيرة، وضفنا عليها الجبنة اللي مونّاها قبل 15 يوم، والثوم البري المخلل اللي طريقته موجودة عندي بالصفحة. ضفنا من كمشة إلى ثلاث كمشات ملح حسب الكمية، لأن هالجبنة بدها ملح، وخلطنا كل المكونات كتير منيح. رجعنا حطينا الخليط بكيس الجبنة وحطينا فوقه ثقل وتركناه ليلة كاملة لحتى تنزل منه كل المي. اليوم السادس: عبّينا الجبنة بالمرطبانات وكبسناها منيح حتى ما يضل فيها فراغات. سكرنا فم كل مرطبان بورق عنب أخضر وطازة، وفوقه حطينا قطعة قماش قطنية بيضا جديدة ونظيفة وما تكون مستعملة. خلطنا التراب الأحمر مع المي وغطينا فيه فم المرطبان بالكامل. تركناه يوم كامل لحتى ينشف التراب، وبعدها قلبنا المرطبانات على فمها وتركناها تعتق. بتقدروا تتركوها شهر أو شهرين أو ثلاثة أشهر وحتى سنة كاملة، وكل ما طالت المدة بتصير نكهة الجبنة أعتق. التراب الأحمر بيمتص أي مي بتضل بالجبنة وبيساعدها تنشف وتعتق. والثوم المستخدم هو ثوم بري من الجبال، مو الثوم البلدي العادي، ولهيك ما بيعطيها ريحة ثوم قوية #ست_الحبايب_يا_حبيبه #جبنة_كوردية #ژاژي
CHIMASCHEF 👩🏻🍳🔥147,700 görüntüleme • 1 ay önce
كبة كوردية (كوتلك). مقادير العجينة الكبة : كوب من برغل ناعم كوب من جريش كوب من سميد ملعقة من ملح وننقعها بالماء الدافي ساعة وحدة … ونعجنها جيدا إذا يلزم الماء نضيف مع العجن لنحصل على عجينة متماسكة نوعا ما طرية حتى تكون سهلة تشكيل مقادير الحشوة : كيلو او اكتر من لحمة مفروم كمية من بصل مفروم فرم ناعم بقدونس ،دبس فليفلة ،ملح نقلي اللحمة ونضيف عليها البصل وملعقة من دبس الفليفلة وملح ويا اخير بضيف بقدونس مفروم فرم ناعم وبس #كوتلك #كوتلك_أكلة_كردية #كبة_برغل #كبة_كوردية #ست_الحبايب_ياحبيبه #fouryou #اكسبلور #fpy
CHIMASCHEF 👩🏻🍳🔥1,400,000 görüntüleme • 2 yıl önce
أي جهاز من Tineco هو الأنسب إلكن؟ 🤔 كل مكنسة إلها ميزات مختلفة، ولهيك كمان أسعارها بتختلف: ✨ Stretch S6: خيار عملي للتنظيف اليومي وسعره حالياً تحت الـ200 يورو. ✨ S7 Stretch Ultra: قوة شفط أعلى وفتحة أعرض، فبيلمّ الشعر والأوساخ الكبيرة بشكل أفضل، وبيشتغل لحد 50 دقيقة. ✨ Switch S7 Stretch: جهاز 5 بـ1، فيكم تستخدموه للأرضيات والكنب والدرج والسيارة حسب الملحقات. ✨ S7 Stretch Steam: مناسب للبقع الدهنية والأوساخ الناشفة، لأنه بينظّف الأرض بالبخار. ✨ S9 Artist Steam Pro: بخار بدرجة حرارة عالية، وفرشاية بتدور بالعكس لفرك البقع، مع ميزات ذكية وبطارية بتدوم لحد 90 دقيقة. اختاروا المكنسة اللي بتناسب احتياجكم وميزانيتكم، ولا تنسوا تستخدموا كود الخصم عند الطلب 🤍 @tinecoglobal_vacuum @Tineco-US #Werbung #Tineco #Reinigung #Wischsauger
CHIMASCHEF 👩🏻🍳🔥12,400 görüntüleme • 4 gün önce
كباب دجاج كتير طيبة 😋 #كباب_دجاج_بالفرن #كباب_بالفرن_على_طريقتي
CHIMASCHEF 👩🏻🍳🔥135,700 görüntüleme • 2 ay önce
مكدوس زيتون مين مجربها 😋 #مكدوس_زيتون #زيتون #مكدوس_سوري
CHIMASCHEF 👩🏻🍳🔥62,500 görüntüleme • 2 ay önce
Werbung | إعلان خصم 6% مع كودي: SHAIMATIN ✨ من 29 سبتمبر لغاية 7 أكتوبر الخصم متوفر على: 🧹 Tineco S7 Stretch Ultra @tinecoglobal_vacuum @Tineco-US ومن 6 إلى 7 أكتوبر الكود بيشتغل على جميع منتجات Tineco 🥰 رابط مكنسة S7 Stretch Ultra: استخدموا الكود عند إتمام الطلب: SHAIMATIN ❤️ #tineco
CHIMASCHEF 👩🏻🍳🔥34,300 görüntüleme • 1 ay önce
قالب السعادة من اليبرق 😍 الحشوة: * رز مصري منقوع * لحمة مفرومة الخضرة الاختيارية: * بندورة * بصل * فليفلة * توم * بقدونس البهارات والإضافات للحشوة: * ملح * فلفل أسود * بابريكا * نعناع * دبس بندورة * زيت زيتون * ماجي طريقة التحضير: منخلط الرز المنقوع مع اللحمة المفرومة، ومنضيف الخضرة المفرومة ناعم والبهارات، ومنخلط كل شي مع بعض. بعدين منحشي ورق العنب ومنلفّه. بسفلة الطنجرة منحط لحمة خاروف، وشوي توم وفلفل حار حسب الرغبة. منصفّ فوقها اليبرق، ومنرش عليه ملعقة ماجي مذوّبة بنص كاسة مي. منضيف الحصرم وليّة الغنم، ومنحط الطنجرة على الغاز. منترك اليبرق يستوي على نار عالية حوالي ٣ ساعات، وكل ما شرب المي منضيف له مي لحتى يستوي. وبعد ما تذوب الليّة، منغطيه بورق عنب من دون حشوة لحتى يضل لونه أصفر وما يسود. أمانة تدعموني بلايك وإعادة نشر، وجربوها… رح تدعولي! ❤️ #يبرق_بلحمة #يبرء_سوري
CHIMASCHEF 👩🏻🍳🔥16,300 görüntüleme • 29 gün önce
محصول الخضروات اليوم من حديقة اخي 😍 #محصول_خضروات #مزرعة #حديقة #خضروات
CHIMASCHEF 👩🏻🍳🔥41,100 görüntüleme • 3 ay önce
دجاج بصوص ليمون الكريمية 🍋🟩 #دجاج_بليمون #بتر_تشكن #ست_الحبايب
CHIMASCHEF 👩🏻🍳🔥28,300 görüntüleme • 2 ay önce




















