د. حمد بن جروان
@garwan2 • 77,928 subscribers
مريض سرطان، سفير السعوديه في @saudi_cancerوعضوا في @Gulf_V_C سناب شات https://t.co/oKUvyIPz3A
Shorts
Videos
قصه قصيره: عام ٢٠١٨ تعبت جدا وانتشر المرض وكن أدرس في ماليزيا، أخذني صديق لي أسمه وليد الزيدان ، وراح بي للمستشفى الامريكي في بانكوك،بعد الفحوصات أخذو وليد وقالو وش يقرب لك المريض : قال أخوي،قال المترجم الدكتور يقول بما أن الساركوما وصل العظام والحبل الشوكي المتوقع ٦ شهور ويتوفى، قالهم وليد ( كثير ٦ شهور ) لانه يعرف ان الموت علمه عند الله. في رحلتي هذه للعلاج في نفس المستشفى بحثت عن نفس الطبيب قالو توفى قبل عامين بسبب كرونا. مات من كان يتوقع موتي خلال ٦ شهور وبقيت حيا وان كنت أصارع المرض، لذلك ياعزيزي المريض الموت والحياه علمها عند الله ، اي طبيب يقولك بتموت خلال الوقت الفلاني لاتصدقه، وعش يومك وحياتك متوكل على الله.
د. حمد بن جروان2,417,446 次观看 • 3 年前
اليوم ان شاء الله ببدأ العلاج في الصين عن طريق ( الخلايا التائيه) رغم أن النتيجه طلعت أمس ، الأورام عندي بالدماغ وبالعصب المركزي( النخاع) والصدر و ساركوما الظهر ، والحمدلله الأمل بالله كبير ، تعالجت بامريكا وألمانيا وتايلند والان الصين غير العلاج بالسعوديه ، وهذي اسباب نبذلها والشفاء عند الله سبحانه، ولكن الرابط المشترك بين كل هذه الدول للعلاج هو العامل النفسي رغم أختلاف طرق العلاج ، نفسيتك متقبله ومتعايش وتعلم أن الامور بيد الله سبحانه فأكيد أن امورك طيبه ، واللي بيسأل وين أفضل مكان للعلاج؟ الأفضل نفسيتك اما المستشفيات على حسب الطبيب والأجراءات ، الله يشفي جميع المرضى ولا تنسونهم من دعواتكم.
د. حمد بن جروان478,142 次观看 • 10 个月前
يعلم الله أني يومياً أعاني من الاغماءات والطيحات والامساك والغثيان وعدم التوازن والصداع والآم الاورام ، ولكن يعلم الله أني ما دخل قلبي اليأس ولا يأست من رحمة الله وشفاءه في كل يوم،الحياه ما أحد مرتاح فيها أبداً بمرض ولا بدون مرض، لأنها دار أبتلاء وشقاء، ما سلم منها الانبياء والرسل،دائم يراسلني من يصاب قريب له بالسرطان ويقول تكفا أفزع لي ابي فلان يصير مثلك ويدرس ويروح ويجي، ولكن انا ماوصلت لهذا الشي بين يوم وليله في الاخير أنا انسان لي مشاعر تعبت وبكيت وتألمت وهذي تجربة١٤ سنه مع المعاناه، وطول المعاناه يعطيك صبر أكبر لما تشوف من بلاوي غيرك وتخف عليك بلواك، المقصد خل المريض يبكي ويجلس مع نفسه ويترك الناس فتره من الزمن، واذا ربي كتب له العافيه هو بنفسه بيواصل حياته، في بداية الابتلاء ماتنفع المواعظ ولا القصص ولا اي شي، حتى في الموت والمرض ، اترك الناس تعبر عن مشاعرها،ختاما اسأل الله أن يشفي كل مريض وأن يفرج هم كل مهموم، قولو آمين.
د. حمد بن جروان1,398,684 次观看 • 3 年前
تمر السنوات سريعه ولكنها بطيئه جدا على كل من يعاني في الحياه،من فتره طويله حكمت علي ظروفي مع المرض أن لا أغادر غرفتي إلا للمستشفى فقط،يمر أسبوع وأسبوعين لا أخرج من باب البيت نهائيا، وتمر الأيام وأنا في سريري، يزورني من يشتكي من عمله فأبتسم، ومن يتذمر من كثرة مشاوير أهله فأبتسم، ومن يشكي هموم الدراسه ومن يتذمر من حياته بسبب الزحام في الشوارع ومشاكل الحياه ومشاغلها فأبتسم،المرض والمعاناه والظروف القاسيه تعلم الأنسان قدر النعم التي يملكها من يملك الصحه والعافيه فقط، وانت جالس الان ضع طموحاتك كلها في طرف المال والشهره والمنصب والجاه وضع صحتك في طرف لو خيرت بينها وش تختار؟ الله يديم عليكم العافيه والصحه واعتذر عن غيابي بسبب ظروفي ، وأسأل الله أن يكتب العافيه والشفاء لكل مريض ، قولو آمين 🤲
د. حمد بن جروان1,161,861 次观看 • 2 年前
وصلنا الى أرض الوطن ..والله الحمد بعد رحله علاجيه لم يكتب الله لها النجاح ، والحمدلله على كل حال، مالك علاج ليست نهاية المطاف، وقد سمعتها من قبل أكثر من مره والحمدلله على كل حال ، يمكن يطول الصبر ويكبر الألم ولكن مع الأمل بالله تهون الأمور ، أسأل الله أن يشفي كل مريض يعاني..
د. حمد بن جروان598,143 次观看 • 3 年前
من واقع تجربه: مرافق المريض هو اللي يتعب ، المرافق هو اللي يتألم ، المرافق هو اللي يسهر ويكتئب ، المرافق هو اللي يعاني من الازعاج والأسئله ، اللي مرافق مع والديه ولا مع أحد اولاده ولا مع زوج أو زوجه أو أخ او أخت أوصديق والله اني أعلم أنكم في معاناه قد تفوق معاناة المريض، المريض قد يتعايش مع مرضه ويأخذ ادويه ومسكنات ، ولكن المرافق كان الله في عونه، وكتب الله أجره لكل مرافق أسأل الله ان يكتب لك الأجر وأن يسعدك ويكتب لك الصبر، تشوف مريضك يتألم ولا تقدر تسوي شي ، يغير حياتك بمواعيده وسفره ومتطلباتها ، غير الالم النفسي والجسدي سألوني هل بكيت من المرض في يوم ما ؟ وأجبتهم : لا ولكن من يسأل هذا السؤال هو المرافق واقارب المريض ، صدقوني هم من يتحسرون ويضيقون من قلة حيلتهم وتعب مريضهم. عامل المرافق مثل ماتعامل المريض في السؤال عن الحال والجبر بالخاطر ، الناس تحب من يلمس مشاعرها ( ويحسسها بمعاناتها) ولا تحب من يهون امور المعاناه . لا تجي عند المريض وهو يعاني تقول ( يارجال مافيك الا العافيه ) ولا تجي عند المرافق تقول ( ماعندك شي اكل ونوم في ذالغرفه ) أختارو كلماتكم بعنايه .. ( اقسم بالله ان الكلام يعني للمريض والمرافق الشي الكثير من الناحيه النفسيه إيجابي أو سلبي).
د. حمد بن جروان300,548 次观看 • 1 年前
أعلم أن من يعاني بمرض أو بدون مرض قد لاتكون الرسائل أو النصائح تعوضه عن ما يعانيه ، لكن أنا من واقع تجربه ومن حال أعيشه الان من العزله والمرض والأدويه والسرطان بشكل عام أنقل لكم تجربتي يمكن تكون مفيده ويجد فيها من يعاني طريقه لتخفيف من معاناته ، المعاناه لها جانب نفسي مهم ، والتعايش والرضى من أهم الأمور اللي تساعد المريض ومن أهم الأمور : لاتنظر للألم وتترك النعم :
د. حمد بن جروان119,693 次观看 • 11 个月前
السعاده كل إنسان يبحث عنها ، ولكن كل أنسان يشوف السعاده من وجهة نظر مختلفه سواء بالمال أو القصور أو المناصب أو الشهره وما الى ذلك، لكن من وجهة نظري أشوف أن السعاده هي الرضا، أعرف شخص مشلول كل ما أمر عليه أحصله يضحك ومبتسم، ومزحت معه وقلت أنا اروح واجي واطلع واتمشى ويمكن ما عندي أبتسامتك هذي على طول ، قال الحمدلله أنا راضي باللي ربي كتب،واحد من أصدقائي توفو أخوانه بحادث بعد فتره طلعت معه وكان يضحك من موضوع قلت الله لايحرمني من ذالضحكه قال والله اني حزنت وتألمت لكن بالأخير ( رضيت)، والنماذج كثيره،من بداية السرطان وأنا ماكنت متوقع أعيش من كثر ما كان الموضوع صعب، بعد سنوات من الألم رضيت بمعاناتي وواصلت حياتي، الرضا في كل الأمور يشعر الأنسان بالتعايش مع ظروفه اياً كانت.. الله يجعلنا وإياكم ممن يرضى ويصبر بما كتب الله له.
د. حمد بن جروان235,150 次观看 • 2 年前
ليت الليالي كلها فلة حجاج وليت الضرر والهم ماغير فيني حتى لو اعيش العمر مالي علاج يبقى الوجع مابين نفسي وبيني تعبت ادور من عنا الوقت مخراج تعبت اقول ان الفرج يحتريني ولاهمني وضعي لو اضيق واحتاج اهم شي اخواني ووالديني من سجن ميلات الزمن مابي افراج لظهرت من عند الحكومه سجيني وياللي تقول ان مامثل عد هداج ماشفت دمع امي ولا دمع عيني امً حداها الضيم والوقت منعاج وعيت ظروف عيالها لاتزيني اللي مريض وطايحً ماله علاج واللي ورا باب الحكومه سجيني
د. حمد بن جروان33,972 次观看 • 5 个月前
1:04
Sensitive content
This media may contain sensitive content.
عندي امال وطموحات ورساله في الكفاح وفالنضال وفالتفاني وحلمي المنشود ما يصعب مناله وعزمي أكبر من خلايا السرطاني والصبر لا يمكن أقصر حباله لو أقضي كل ابو عمري أعاني لـ آدمي مكتوبن ارزاقه وآجاله والليالي فانيه والعمر فاني رديه بيني وبين المبدعمساعد بن عريج مساعد بن عريج 💙💙
د. حمد بن جروان109,472 次观看 • 3 年前
مريض سرطان صحيح أعاني وأتعب صحيح هذا اللي يشوفه أغلب من يتابعني ويعرفني وهذا ما كتبه الله لي من معاناه. لكن من نعم الله اللي قد لايراها الكثير ان الله أنعم علي بالوطن اللي يفتقده الكثير والأمن والأمان وأتعالج في أفضل المستشفيات، من نعم الله علي وجود أسره وأهل بصحه وعافيه ، من نعم الله علي الوظيفه ، انا مريض لكن أقدر اروح وأجي وأشوف وأسمع وأتكلم . كل ما كتب الله لك معاناه فقط أنظر وش كثر نعم الله عليك مقابل هذه المعاناه . أدري أن المرض مُتعب والمعاناه شقاء لكن كل ما تنظر الى نعم الله عليك صدقني بتهون عليك كثير من الامور . أعرف ان كلكم تعرفون هذا الكلام ولكن حبيت أذكركم فقط ، والله يسعدكم جميعاً ولا تنسوني من دعواتكم.
د. حمد بن جروان60,126 次观看 • 1 年前
没有更多内容可加载