مقالات تاك تيكا 📝

إبن بلدي رح يلعب بالدوري البرتغالي الممتاز 🇱🇧💎 انا من 10 سنوات بكتب ب عالم السكاوت والمواهب الصغيرة ، تقريبا ما في جنسية وما تطرقت إليها ب كل القارات والدرجات السفلى حتى... ألا جنسية واحدة وهي .. موطني للأسف نحنا شعب ذكي بس دون إدارة ، تقريبا لو قلت كلمة Scouting Analyse امام احد المسؤولين رح يصاب بالذعر! على كل حال انه جاي اشارككم فرحتي انه " The Streak Is Over " واخيرا عندي موهبة لبنانية اقدر اتابعها واحلل ادائها وتطورها والفضل كل الفضل ل سامي مرهج لما كان 17 سنة لفت الأنظار في كولومبيا ، ساهم ب 10 أهداف مع ديبورتيفو بيريرا لفتت انظار براغا بدأ سيزون 25/26 مع فريقهم الرديف ليسجل 4 اهداف ب 10 مباريات وهدفين مع المنتخب ب تصفيات اسيا امام بوتان وبروناي ان لم تخني الذاكرة.. ببداية الشهر الحالي قرر FC Alverca الناشط بالدرجة الأولى ( شكله لديهم مشروع جديد عاملين ميركاتو قوي ب 7-8 لاعبين غير سامي) ضمه مجانا لتكون اول تجربة احتراف حقيقة له بعمر 19 سنة خلينا ندخل شوية ب تفاصيل تكتيكية وعذرا على الإطالة - مهاجم 1.88 سم بس حركة جسمه سريعة ، يعرف يحافظ على كرته بأستخدام جسده - عجبني كيف يحول نفسه من مهاجم صندوق ل وضعية Drift wide عرضياته المتوسطة ذكية ، وبيعمل scan مستمر ل خلفه -تمركزه بين المدافعين وتوقيت طلبه الصحيح للكرة ، حركة زيادة دائما عن اللي يراقبه مع فينش دقيق -بيلعب بكلتا قديمه بكل اريحية ، ديناميكي جدا داخل الصندوق وبنفس الوقت يشارك ب الأستحواذ، بناء اللعب والهجمات المرتدة -تحركاته السريعة كيف يعمل كات للقائم القريب او يبعد عن المراقبة للقائم البعيد ليسجل او حتى يفتح مساحات لزملاءه من اليوم اعتبرني متابعك مبارة مبارة يا سامي.. كل التوفيق..