K
@kurtt_9 • 4,295 subscribers
لو حوسبتُ بعدلي لهلكت لكن رحمته سبقت
Shorts
Videos
من بعد الكارثة اللي "كانت" بتصير على يد الأدهم ضد جيوش دولته واللي لو حصلت كان تسببت بخسائر مهولة شفنا 59 حلقة وخلال هالعدد من الحلقات شفت شيء ماقد سبق وشفت له مثيل بالمسلسلات التاريخية شخصية محمد خلال هالـ 60 حلقة مرّت بمراحل كبيرة من الشاب المتمرد إلى الأمير المرشح وصولًا إلى سلطان الدولة وفريق الكتابة قدم هالمرحلة بسيناريو فعلاً مميّز ومختلف والأهم من هذا كله إنه كان واقعي بلا مبالغات ولا شك أنه أداء سيركان الكبير له دور بهذا التحوّل الرهيب، هالشخصية غير غير والله وبالنسبة لي من أقرب الشخصيات إلى القلب ♥️ #MehmedFetihlerSultanı
K52,461 Aufrufe • vor 7 Monaten
من بين كل السيناريوهات الحالية بالمؤسس هذا الأسوء وبدون منافس حتى من أفضل إضافة بالموسم إلى من أكثر الشخصيات الغثيثة بالمؤسس التغيير غريب ومب منطقي الصراحة كان يمديهم يطلعونه بسيناريو رائع وبالذات من علاقة سونغورتكين مع اللحى البيضاء لكن اللي صار خذلان والله ولا يقول بعد الدولة من حقنا !! 😂 ختم البجاحة حرفيا #KuruluşOsman
K61,099 Aufrufe • vor 1 Jahr
مع إقتراب نهاية الموسم وإنضمام شخصية من العيار الثقيل واللي هو القائد كلاوديوس أتمنى أشوف نهاية مثل هذه بالحلقات القادمة .. أغلب الأعداء هالموسم دخولهم ماكان فيه إختلاف كبير وتقريبا أول شيء سووه هو خطف أحد أعضاء عائلة عثمان أو محاربينه وبعدين ؟ نفس النهاية بكل مرة للأسف وبعدها عارفين وش بيصير .. بالنسبة لي فيه شخصيات تستحق التضحية على حساب أعداء قويين وتبي تبني عليهم الأحداث القادمة وقائد مثل كلاوديوس يستحق التضحية وبنفس الوقت نتخلص من بعض الشخصيات اللي مالها فائدة نضرب عصفورين بحجر وبخصوص مين اللي أتمنى نضحي فيه هو بين أثنين وأعتقد كلنا عارفينهم #KuruluşOsman
K48,633 Aufrufe • vor 1 Jahr
مبدئيا كلامي ماراح يعجب الكثير .. إيمري باي بالنسبة لي هو ثاني أفضل ممثل من بداية الموسم الخامس وكان شايل المؤسس مع بوراك بأسوء فترات المؤسس بالنسبة لي واللي هو القسم الأخير من الموسم الخامس ولكن إذا بنشوف تصفية شبه كاملة للكاست ماعندي مشكلة يضحون فيه مع البقية طبعا .. قبل الموسم السابع واللي غالبا بيكون عن بورصا المسلسل يحتاج يعمل نقلة نوعية كبيرة ويكمل النواقص العديدة اللي نشوفها الآن .. مثلا المحاربين شفتوا تورغوت التسعيني وش سوى بـ محاربين مؤسس الدولة ؟ هذا غير الممثلين اللي صاروا يمثلون بدون نفس و وجودهم زيادة عدد على الفاضي .. المؤسس يحتاج أوجه جديدة وهنا أتكلم من ناحية الممثلين والشخصيات .. مب معقولة نشوف نفس الشخصيات من 7 مواسم والمشكلة ليتهم ممتازين الا العكس تماما وجودهم ضرر للمسلسل .. الوضع يحتاج مرور زمني وممثلين جدد وبعض الأساسيات مثل القصور وللأخ… وماهي صعبة أبدا والله لحد يضحك عليكم #KuruluşOsman
K45,573 Aufrufe • vor 1 Jahr
اليوم الحلقة الأخيرة للمبدع إيمري باي .. من خلال قرابة الـ 60 حلقة شفنا إبداعه وتطوره الملحوظ مع مرور الوقت وبالذات بالأساسيات اللي تخص شخصية السيد أورهان .. موسمين طويلة مرت بحلوها ومرها الأكيد أنه إيمري كان من الأفضل فيها وقدر يحط فيه بصمته وجسد دور السيد أورهان على أكمل وجه .. من هنا كانت بداية هذه الرحلة الجميلة ♥️! #KuruluşOsman #EmreBey
K42,805 Aufrufe • vor 1 Jahr
- لا تجلس أنت هنا لست سلطانا .. بل عبد أمام الشريعة أنت المدعى عليه 😰❤️🔥!! ختامية الحلقة مع هذا المشهد الاستثنائي .. أبالغ إذا قلت أنه توب 5 قفلات بالفاتح ؟ أوزان واللي معه كانوا جريئين أنهم أظهروا السلطان محمد بهذا الشكل وعن نفسي أشوفهم توفقوا.. عظمة عظمة والله #MehmedFetihlerSultanı
K39,095 Aufrufe • vor 1 Jahr
من شخصياتي المفضلة بـ عالم مسلسلاتهم التاريخية هو الطاغية تيمور .. شخصية مُتوحشة درجة أولى وقائد حقيقي ومثل هالنوعية من الشخصيات الواحد يحب يشوف مثله بكل مسلسل وبعيدا عن الشخصية .. أداء بوراك توزكوباران كان لا يُعلى عليه وأشوفه الأنسب لتأدية دور أورهان ومافيه أي خيار منطقي مُناسب غيره للدور بالنسبة لي أبيه بأي ثمن بالموسم القادم والله ♥️ #KuruluşOsman
K38,234 Aufrufe • vor 1 Jahr
وش الهدف من اللي شفناه بهذا السيناريو ؟ اللي بينهم عبارة عن عناد مين الصح ومين الخطأ عند عثمان تهاوشوا مرتين وخارج الخيمة تهاوشوا وحتى عند جنازة يوسف يلومون بعض نخلي الأثنين على جنب شوي .. زوجاتهم قبل فترة بسيطة تصالحوا وبدال مانشوفهم يهدون الوضع ويدورون حل شفناهم يزيدون الطين بلة ويتهاوشون مع بعض سلامات ؟ نخلي هذول على جنب شوي بعد .. بوران وجيركوتاي رفقاء عثمان من 40 سنة ؟ بهذا المشهد بالذات شفناهم يوجهون على بعض كلام بدال مايهدون الأثنين وبنفس الوقت تهاوشوا بالقبيلة متخيلين يابشر ؟ هذا وهم أصحاب الخبرة وأقرب رفقاء عثمان كنت متوقع السيناريو يضر الأخوة بس لكنهم ظلموا 4 غيرهم شيء يقهر والله #KuruluşOsman
K36,718 Aufrufe • vor 1 Jahr
كشخص متابع للمسلسلات ولهذا التصنيف تحديدًا وش الشيء المنتظر بالنسبة لك ؟ اللي متأكد منه شخصيا هو انه مهما كان جوابك الأكيد انك بتشوفه موجود بهذا العمل الا حاجة وحدة طبعا واللي هي المشاهد الرخيصة وعاد هالمشاهد متوفرة بكثرة بالمسلسلات التركية لحد يخدع الثاني رجاءًا ويقول انه اللي قاعدين يقدمونه شيء طبيعي لأن هالشيء غير صحيح، القائمين على هذا العمل من كبيرهم إلى صغيرهم أنتجوا لنا شيء استثنائي بمعنى الكلمة ويستحقون كل مديح ينالونه من شبيحة هالمسلسل بدون أدنى شك 👏🏻♥️ #MehmedFetihlerSultanı
K19,494 Aufrufe • vor 7 Monaten
من لحظة خبر عودة تورغوت وأنا ماسكه معي أشوف كونور معه بالموسم السابع واللي ان شاءالله بيكون عن بورصا .. ثنائية مُغرية والواحد وقتها يقدر يحس بقيمة عثمان أكثر معهم وبقيمة الدولة وللأخ… أسماء ثقيلة وممثلين كبار ومبدعين وبالذات بالتصنيف هذا وهل هي صعبة مثل مايقولون البعض ؟ طبعا لا المسألة مب صعبة أبدا الحل نشوف بوزداغ يعوض بيرك بـ سيناريو أفضل ووقتها مافيه شيء بيمنعه من العودة أما اننا نشوف ممثل ثاني يمسك دور كونور لا هذا يعتبر استهبال حرفيا وكونور جزء أساسي من مرحلة الحصار فـ ياليت نشوفه والبقية نشوفهم خلفهم او يرسلونهم للهضبة الأحلام ببلاش يابشر الهدوء من بعد الحلقة مُستفز ولا كأن بيرسين أعلنت استمرار تورغوت بالموسم السابع وأكيد بيدعمون صف عثمان أكثر ان شاءالله .. مهما يصير بالحلقات القادمة مايهمني الصراحة دام المُقاتل الأفضل مستمر معنا ♥️ #KuruluşOsman
K24,254 Aufrufe • vor 1 Jahr
