محمد الخريّف Mohammed Alkhorayef
@MAlkhorayef • 1,903 subscribers
رائد أعمال من عمر 13، المؤسس والرئيس التنفيذي @nsrcomsa https://t.co/8zzH3yN4Ig. مستشار، متحدث، وأمثّل المملكة عالميًا في ريادة الأعمال والسياحة | Saudi entrepreneur
Videos
اليوم وأنا راجع للمكتب بالليل وتونا مخلصين تنظيم لقاءات، سألني سواق أوبر بكل بساطة: “وين رايح بهالوقت؟” قلت له: للمكتب… مضطر أنام هناك عشان نلحق على الشغل. سكت شوي… وبعدها قال: “قد سمعت عن شخص اسمه Les Brown؟” وبدأ يتكلم عن قصته. عن طفل صُنِّف في المدرسة إنه “ما ينفع” دراسيًا، وكيف كبر وصار واحد من أشهر المتحدثين التحفيزيين في العالم، وكل حياته تغيّرت بعد كلمة من معلّم قال له: “لا تخلي رأي أحد فيك يصير حقيقتك.” وهو يتكلم، كنت أفكر: كم مرة أنت كرائد أعمال / موظف / طالب… حسّيت إنك مضطر “تنام في المكتب”؟ مو حرفيًا بس مجازيًا… تسهر، تضغط، تشيل هم اليوم اللي بعده. الجميل إن التذكير ما جاني من كتاب ولا من بودكاست… جاني من سواق أوبر في آخر اليوم، وهو يشوف واحد رايح لمكتبه بالليل ويقول له – بطريقته –: “لا تخلي الظروف تكتب قصتك عنك… اكتبها أنت.” يمكن المكتب اليوم هو مكان نومي مؤقتًا… لكن بإذن الله بيكون شاهد على مرحلة، مو هوية دائمة. وأنا أكتب هالكلام، أتذكر نسر نسر وكل أحد يمر برحلة مشابهة: الضغط جزء من المشوار، لكن قيمتك مو بعدد الليالي اللي نمتها في الشغل… بل بالأثر اللي تبنيه من وراها. شكراً لسواق أوبر اللي ذكرني إن الإلهام أحياناً يجيك من أبسط الناس… في أبسط اللحظات. #ريادة_أعمال #قصة_سعودية #نسر_يُحلّق_عالياً #StartupLife
محمد الخريّف Mohammed Alkhorayef1,279,506 Aufrufe • vor 7 Monaten
مؤخراً قابلت واحد كان يضحك علي في بداية رحلتي بريادة الأعمال بس لاني كنت لحالي وتوني بادي… واليوم اقول هذي كانت ميزتي لان ماكان عندي شيء اخسره. في نفس بدايات الرحلة كنت انافس 512 مشروع سياحي على مستوى المملكة في اول دفعة من معسكرات صندوق التنمية السياحي واللي ولله الحمد بعمر 19 سنه فزنا كافضل 10 شركات ناشئة. الحمدلله اولا واخيرا وحتى ان سعينا بكل ماعندنا، واعيد القصة في لقاء اليوم مع رياديات وفي كل لقاء لاني كنت اتمنى في البدايات اسمع مثلها. اللي بيضحكون ويتسهترون كثير بس الوقت كفيل يثبت لهم وانت اثبت لنفسك وثق بالله وبإذن الله بتوصل لابعد مما تتخيل. الله يوفقنا ويقوينا وييسر امرنا وياكم يارب. #ريادة_الأعمال
محمد الخريّف Mohammed Alkhorayef31,925 Aufrufe • vor 6 Monaten
Keine weiteren Inhalte verfügbar