شام الخضراء
@maysaaalyusef • 1,500,000 subscribers
Videos
طريقة الملوخية بالدجاج على طريقتي 🌿😋 أول شي نقيت الملوخية منيح من العيدان وأي شي مو نظيف، وبعدين غسلتها ونقعتها بمي باردة حوالي 10 دقايق. عصرتها ورجعت غسلتها 4 أو 5 مرات، لحتى صارت المي نظيفة وصافية، وبالآخر عصرتها كتير منيح. قطعت صدر الدجاج مكعبات، وحطيت بالطنجرة ملعقة كبيرة سمنة. نزلت الدجاج وبهّرته بفلفل أحمر وفلفل أسود وكزبرة، وضفت كم سن ثوم. قلبته لحتى استوى تقريباً تلات أرباع الاستواء، وبعدين شلته وحطيته على جنب. بنفس الطنجرة حطيت ملعقة كبيرة سمنة، وقليت تقريباً راسين ثوم كبار مهروسين مع ملعقة كبيرة كزبرة. بعدين صرت نزل الملوخية شوي شوي، كل ما حطيت كمية قلبتها قلبتين أو تلاتة مع السمنة والثوم والكزبرة، وبعدين نزلت الكمية اللي بعدها لحتى خلصت. أنا ما بحب حمّص الملوخية كتير، مشان ما يسود لونها وتعطي طعمة مو طيبة؛ بس بقلبها شوي لحتى تتغلف بالسمنة. بعدها رجعت ضفت الدجاج اللي قليته، وغمرتها بالمي. حطيت مكعبين ماجي، ملح حسب الرغبة، وملعقة دبس فليفلة مشان تعطيها لون وطعمة حلوة. تركتها على النار لحتى استوت، وما غطيت الطنجرة مشان تضل الملوخية بلون حلو وما تكفس. وبآخر الطبخ ضفت ملعقة ثوم مهروس وعصير ليمون، وممكن تحطوا بدل الليمون رشة حمض الليمون حسب الرغبة. وقدمتها مع رز بالشعيرية… وصحتين وهنا على قلوبكم 💚 #م#ملوخيةالعراق #فلسطين #طبخات_سوريةمصر #سوريا
شام الخضراء1,200,000 views • 3 months ago
No more content to load
