محمد مناور النفيعي
@mhmd_mnawr • 1,393 subscribers
شاعر قديم مرّه
Shorts
Videos
القصيدة اللي بتوفيق الله تأهلت من خلالها إلى نهائي شاعر المليون ١٢ بكرت اللجنة شاميّة الليل هبّت والقمر قطعةٍ من جليد والارض ضاقت وسايعها و خلّت لي حتوفها مركاي في جال حمراً بالسنتها يلين الحديد ارمي عليها الشّقا واكحّل عيوني بشوفها مذعورةٍ في طرَفها كل ذكرى تعيد وتزيد افكّر بحالها واتمالك الدّمع واحوفها قلبي و عيدانها سمّار والبرد الأجرد وحيد احيا جماداتها واقتات من قسوة ظروفها طوّيت عن بطنها حبل المجاعه بشرّاد صيد ما سولفت لين حنّت بالشحَم راحة كفوفها قامت تسعّر وتزفر وجدَها والوجَع ما يهيد شهب المعاميل لا فارَت تذكّر بمعروفها عاشت زمان الحضاره بين جدران عيشة طريد حتى بيوت الشعَر عن عطرها شحّت بصوفها ماعادت الصبح تشعم والجماهير بنّ و قصيد راحوا معازيبها واستوحشَت لمّة ضيوفها في كل ساعه تفجّعها المنايا بفقدٍ جديد لولا مساري جروم السّمر ما طمّنت خوفها ويوم اذّن الفجر والمقطان عنّي وعنها بعيد قلت استوي واستوت خلفي وصلّيت بصفوفها واريتها بالثرى واركَت على مهجة القلب حيد أذكار شيبانها اللي سطّروا خالد حروفها ( يا نار شبي من اضلوعي حطبكي ) عليهم شهيد غابوا وعاشت قصيدة شبّة كليب في جوفها
محمد مناور النفيعي44,553 次观看 • 5 个月前
رفيق الدرب دربك لو تكون نهايته تلويح محاذير الكلام بعيني احلى من معاذيره اخذ قلبي وسافر به على متن اتجاه الريح انا اشعر بانتصاري يوم اشوفك تشعر بحيره تحَسب اني بدوّر لاختياراتك معي تلميح ماتدري ب اني القى في خُطاك الخير والخيره تبعتك عن قناعه لو تقول ان الوعد ف قريح مسافات التعب شفّ بدويٍّ حنّ اباكيره معك هامة شجاعٍ ما رعى في صدره التجريح يقلّط صدره ل هوج الرياح ولا عكَس سيره تمثناه الخطوب ويدحم جنوب العدا وتطيح تقول ان الخطوب اصغر حجم من حجم ازاريره ليا حَسّ الرقيبة حِسّ عذراً تنتخي وتصيح تقاليد العرب عشّت هدبها نخوة وجيره ورى عج الرمك تلقى مفالي بدو ربل و شيح لو ان الليل يزهب بندقه ويعقّل بعيره شجرة الداب عنّينا لها التهليل والتسبيح حتيف غصونها ما عاد يسوى حبة شعيره عيون اخصامنا الطف في نظرنا من عيون السيح وكسب ايماننا يصنع ل بذر اصلابنا سيره تحدّينا الظروف اللي تخلي كل سدّ يبيح وجرّينا الضعيف اللي وهن عظمه بتقصيره تقاسمنا رغيف الامنيات ولوعة التبريح وصلّينا على جثمان قفرٍ ما شدا طيره تعلّمنا الحياة ان السكوت ابلغ من التصريح ومجاهيم الزمان اكثر بواجد من مغاتيره و مصير اللي يعيش ولا لحق عمره ب هبّة ريح يموت وينّسي تحت الثرى مثله مثل غيره
محمد مناور النفيعي22,783 次观看 • 6 个月前
استاذن الغيم يا بنت المطر من سماك وراحت ثعوله تعلّ الخايع الجرهدي الشمس غابت حيا من طلّتك يا ملاك لانك " منيرة " ونور الارض بك يبتدي من يوم ميلادك التاريخ يبدا معاك ماهوب من مولد الدنيا ولا مولدي جيتي وطير السعد رف بجناحه وجاك سمية امي وقلب ابوي واخت ولدي يابوك واللي زرع في جوف صدري غلاك اني فلا اذخر لعينك حاجةٍ في يدي
محمد مناور النفيعي18,477 次观看 • 4 个月前
عسى ليل الثلاثاء تطرق انسامه هبوب النود كثر ما كانت الحان القصيد تبلّ حنجوره حبيبٍ ما تحسّ بضيقة الدنيا وهو موجود يواجهها ببسمة عابرة وتروح مكسوره كريمٍ ما لمدّه في موازين الحياة حدود مدى شوفه سحاب وجرّته فالارض ممطوره يشوفونه طفل مهما كبر ما همّه المنقود واشوف انّه حكيمٍ يعقِدون الشور من شوره معه متلازمة طيب وشجاعه واعتداد وجود مشاعره النبيلة في بياض الوجه مذكوره تعدّاه الوجيه الخايبه واحساسها جلمود تصدّد عن كلامه ما تحسّ بخيبة شعوره مع ان ماهوب حاجة فزعة الا فزعة المعبود وهو رجّال يحمى موقفه ويقوم باموره عضيدي ما لي الا بسمتك ودْعاء يديك عضود لو ان روحي تقطّع يوم تقفي عنك مجبوره وعدَتك باني لمسرَح جماهير القصيد اعود بعَد ما شفت ضيقة خاطري بعيون مقهوره رضيت بما كتبه الله وقلبي بالعزم معقود مادمت تشوفني يا عين ابوي بعينك اسطوره فدا وجهك تعابير انكساري يا اخر العنقود رفعت ايديني وبان الفرح واكتملت الصوره يا فايز والله ان اخوك فايز في وصاة العود وقف والناس تَحسب وقفته وتقدّر حضوره
محمد مناور النفيعي16,487 次观看 • 6 个月前
没有更多内容可加载