Moe Bayer
@moebayer • 160,900 subscribers
Videos
دجاج بالكريمة والفطر والسبانخ 🍄 Creamy Mushroom & Spinach Chicken مستحيل تتخيلوا قديش هاي الوصفة زاكية! دجاج طري مع الفطر والسبانخ بصوص كريمي بالثوم والبهارات، وبتطلع مثالية مع الرز الأبيض. المقادير * 500 غرام صدور دجاج مقطعة مكعبات وشرائح * بصلة كبيرة مفرومة * 4 فصوص ثوم مهروس * 250 غرام فطر طازج مقطع شرائح * 250 غرام سبانخ طازجة * 2 ملعقة كبيرة زبدة * 1 ملعقة كبيرة زيت نباتي * 1 إلى 1½ كوب مرق دجاج أو خضار ساخن * 1 كوب كريمة طبخ * عصير نصف ليمونة البهارات: * 1 ملعقة صغيرة بابريكا * ½ ملعقة صغيرة أوريجانو مجفف * 1 ملعقة صغيرة بهارات كاجون (اختياري) * ملح وفلفل أسود حسب الرغبة * رشة جوزة الطيب (اختياري) لتكثيف الصوص (اختياري): * 2 ملعقة كبيرة طحين * أو 1–2 ملعقة كبيرة نشا ذرة مذابة في ماء بارد طريقة التحضير 1. بمقلاة عميقة أو طنجرة، نسخّن الزيت ونحمّر الدجاج من جميع الجهات لحد ما ياخذ لون ذهبي، من غير ما يستوي بالكامل. نطلّعه ونحطه على جنب. 2. بنفس الطنجرة نضيف الزبدة والطحين، ونقلّبهم على نار هادية لمدة دقيقة أو دقيقتين لحد ما يتحمّص الطحين، وهي خطوة اختيارية لتكثيف الصوص. 3. نضيف البصل ونقلّبه لحد ما يذبل، بعدين نضيف الفطر ونتركه يتحمّر وينزل مويته. 4. نضيف الثوم ونقلّبه لمدة نصف دقيقة، بعدها نضيف البابريكا والأوريجانو والملح والفلفل الأسود، والكاجون إذا حابين نكهة أقوى. 5. نضيف السبانخ على دفعات ونقلّب لحد ما تذبل. 6. نرجّع الدجاج ونضيف مرق الدجاج أو الخضار الساخن، من كوب إلى كوب ونصف، ونتركه على نار هادية لحد ما يستوي الدجاج تماماً. 7. إذا ما استخدمنا الطحين من البداية، ممكن نذوّب ملعقة أو ملعقتين نشا ذرة بماء بارد ونضيفها قبل الكريمة، ونقلّب لحد ما يبدأ الصوص يتماسك. 8. نضيف كريمة الطبخ ورشة جوزة الطيب الاختيارية، ونضبط الملح والفلفل، ونترك الصوص على نار هادية حوالي 5 دقائق. 9. نطفي النار ونعصر نصف ليمونة ونقلّب بهدوء. التقديم نقدّم الدجاج مع الرز الأبيض، ونغطيه بكمية سخية من الصوص الكريمي. وصحتين وعافية ❤️ #اكسبلور #moebayer #صحتين #اكلات_لذيذة #اكلات_سريعه
Moe Bayer642,700 次观看 • 15 天前
أوزبكي مبخّر على أصوله، حبّة حبّة، مع لحمة طرية بتذوب بالفم، وجزر محمّر وحمص وزبيب ومكسرات، وكل هالنكهات بتجتمع بطنجرة واحدة! 🤤 أكلة فخمة، غنية بالنكهة والريحة اللي بتفتح النفس، وشكلها على السفرة حكاية ثانية! بنحط رأس الثوم بالنص، وبنضيف مي سخنة حتى تغمر اللحمة والخضار. الأرز الأوزبكي باللحمة والجزر والحمص 🍚 المقادير: * 600 غرام لحمة مقطعة مكعبات أو رأس عصفور * بصلة كبيرة مفرومة * 2–3 حبات جزر متوسطة مقطعة بالطول * 1–1½ كوب حمص مسلوق * رأس ثوم كامل * ½ كوب زبيب * 3 ملاعق كبيرة سمنة أو زيت الرز: * 2½ كوب رز بسمتي مغسول ومنقوع 20–30 دقيقة * 1 ملعقة صغيرة كمون * ½ ملعقة صغيرة فلفل أسود * 1 ملعقة كبيرة بودرة بديل المرق أو مكعبين * ملح حسب الحاجة بهارات اللحمة: * 1 ملعقة كبيرة كمون * ½ ملعقة صغيرة كزبرة ناشفة * ½ ملعقة صغيرة فلفل أسود * 2 ورق غار * عود قرفة صغير (اختياري) الطريقة: 1. نسخّن السمنة أو الزيت ونحمّر اللحمة من جميع الجهات. ممكن استخدام لحمة بعظم أو قطع كبيرة، لكنها تحتاج وقتاً أطول حتى تستوي وتطرى. 2. نضيف البصل ونقلّبه حتى يذبل ويتحمّر، ثم نضيف الجزر والحمص ونقلّب عدة دقائق. 3. نضيف بهارات اللحمة، ورق الغار والقرفة، ثم رأس الثوم ومي سخنة حتى تغمر اللحمة والخضار. نغطي ونتركها على نار هادئة 30–45 دقيقة أو حتى تطرى اللحمة. 4. نتأكد من كمية المرق والملح، ونضيف بودرة بديل المرق أو مكعبين، ثم نوزّع الرز فوق المكونات بدون تحريك. نضيف مي سخنة عند الحاجة حتى تغطي الرز بحوالي 1 سم. 5. نتركه على نار متوسطة حتى تنشف أغلب السوائل، ثم نضيف الزبيب ونعمل فتحات بالرز حتى يطلع البخار. 6. نخفف النار لأقل درجة، ونغطي الطنجرة بإحكام 15–20 دقيقة حتى يستوي الرز ويتبخر. نطفئ النار ونتركه يرتاح 10 دقائق. ملاحظات مهمة: • يُفضّل تقليل كمية الجزر والزبيب حتى ما تطغى الحلاوة على الطعم. والأفضل قلي الزبيب مع المكسرات وإضافته على وجه الرز. • استخدمت تقريباً ملعقتين كبيرتين من الملح. • بودرة بديل المرق أو مكعبين مرق اختياريان، لكنهما يعززان النكهة بشكل كبير. • الكمون: ملعقة كبيرة للحمة وملعقة صغيرة للأرز. ولنكهة أخف، ملعقة صغيرة لكل منهما. #moebayer #صحتين #رز_اوزبكي #اكلات_لذيذة #اكلات_لذيذه
Moe Bayer12,200 次观看 • 2 天前
كريمي مشروم تشيكن بالليمون 🍋🍄 وصفة سريعة، فخمة وطعمها خيال! جاهزة بأقل من 30 دقيقة ومثالية لغداء أو عشاء فاخر بدون تعب 😍 إذا بتحب الأكلات الكريمية السهلة… هاي رح تصير من وصفاتك المفضلة ✨ #وصفات #طبخ #وصفات_سهلة #اكل_سريع #fyp * 2 صدر دجاج وسط، مقطعين فيليه (كل صدر لـ 2–3 قطع) * 2 ملعقة كبيرة طحين * نص ملعقة صغيرة فلفل أسود * نص ملعقة صغيرة بابريكا مدخنة * نص ملعقة صغيرة ثوم بودرة (اختياري) * نص ملعقة صغيرة بصل بودرة (اختياري) * نص ملعقة صغيرة أوريجانو * ملعقة صغيرة ملح * 2 ملعقة كبيرة زبدة * ملعقة كبيرة زيت * بصلة كبيرة مفرومة * 3–4 فصوص ثوم * 200 غرام فطر طازة (أو أكثر إذا بتحب) * عصير 2 ليمونة كبار * نص كوب مرق دجاج (أو مي سخنة مع مكعب/بودرة مرق) * بهارات إضافية للصوص: * تقريبا ملعقة كبيرة ملح *تقريبا ملعقة صغيرة فلفل * ملعقة صغيرة بابريكا * ملعقة صغيرة أوريجانو * اختياري: - -مكعب بديل المرق ملعقة صغيرة كيجن * بقدونس مفروم للتقديم الطريقة: 1. نجهّز الدجاج: بننشف الدجاج منيح، وبنخلط الطحين مع البهارات (فلفل، بابريكا، أوريجانو، ملح، والثوم والبصل البودرة إذا حاب). بنغلف فيهم قطع الدجاج من كل الجهات وبنشيل الزيادة. 1. نقلي الدجاج: على نار عالية، بنحط الزبدة مع الزيت، وبنقلي الدجاج حوالي 2–3 دقايق لكل جهة لحد ما ياخد لون حلو. مش مشكلة إذا مش مستوي 100% لأنه رح يرجع على الصوص. بنطلعه على جنب. 1. نعمل الصوص: بنفس المقلاة، إذا بدها بنزيد نقطة زيت، وبنشوح البصل والثوم لحد ما يذبلوا. بعدين بنضيف الفطر وبنتركه لحد ما يطرى ويطلع ميّته. 1. نكب السوائل: بنضيف عصير الليمون ومرق الدجاج، وبنحط البهارات. بنخليه يغلي خفيف دقيقة. 1. نرجّع الدجاج: بنرجع الدجاج على المقلاة، وبنسكب عليه من الصوص. بنتركه 2–5 دقايق لحد ما يستوي تمام. إذا الصوص خفيف زيادة، زيد شوية مي سخنة. 1. التقديم: منرش بقدونس على الوجه، وبنقدمه مع رز أبيض أو بطاطا مهروسة.
Moe Bayer373,000 次观看 • 7 个月前
مش عارف أسميها سلطة ولا طبق جانبي، بس اللي بعرفه إنها بتشبّع، ومليانة ألياف وفيتامينات ومعادن، وطعمها عنجد خرافي! 😍 سلطة البطاطا الحلوة والشمندر المشوي مع جبنة الفيتا والجوز، من وصفات الخريف اللي لازم تجرّبوها. بتنفع كطبق جانبي مع الغدا أو العشا، وحتى كوجبة خفيفة ومشبعة لحالها. سهلة، ألوانها بتفتح النفس، ونكهاتها ولا غلطة! المكونات: * حبتين بطاطا حلوة كبار * حبتين شمندر متوسطات * زيت زيتون بكمية منيحة * ملح وفلفل أسود حسب الرغبة * رشة كمون (اختياري) * رشة نعناع ناشف (اختياري) لإكمال السلطة: * نص ضمّة بقدونس مفروم ناعم * جبنة فيتا مقطعة مكعبات، حسب الرغبة * حبتين مخلّل خيار مقطعات مكعبات * كمية منيحة من الجوز المحمّص والمكسّر * عصير ليمونة * ٢–٣ ملاعق كبيرة زيت زيتون * ملح وفلفل أسود حسب الرغبة * نص ملعقة صغيرة أوريغانو (اختياري) * نص كوب رمان حب (اختياري) طريقة التحضير: ١. سخّنوا الفرن على حرارة ٢٠٠ درجة مئوية. ٢. قشّروا البطاطا الحلوة والشمندر، وقطّعوهم مكعبات متقاربة بالحجم. ٣. حطّوهم بصينية عليها ورق زبدة، وأضيفوا زيت الزيتون والملح والفلفل والكمون والنعناع الناشف إذا بتحبوا. ٤. حرّكوا المكونات منيح ليتغطّى كل المكعبات بالزيت والبهارات، ودخّلوها الفرن لمدة ٣٠–٤٠ دقيقة، أو لحد ما تستوي وتتحمّر. بنص الوقت، بعد حوالي ٢٠–٢٥ دقيقة، حرّكوها، وإذا احتاجت شوية زيت زيتون أضيفوا. بالـ Air Fryer: سخّنوا الجهاز مسبقًا على ١٩٠–٢٠٠ درجة مئوية، وحطّوا الخضار بطبقة مش مزدحمة لمدة ١٥–٢٥ دقيقة تقريبًا، مع تحريكها بالنص، لحد ما تستوي وتتحمّر. الوقت بختلف حسب الجهاز وحجم المكعبات. ٥. بعد ما تطلع الخضار من الفرن، اتركوها تهدأ شوي، وبعدين أضيفوا البقدونس المفروم، وعصير الليمون، وزيت الزيتون، والملح والفلفل والأوريغانو إذا بتحبوا. ٦. أضيفوا مكعبات الفيتا والمخلّل والجوز المحمّص، وقلّبوا المكونات برفق. ٧. زيّنوا بالرمان إذا بتحبوا، وقدّموها دافية أو بدرجة حرارة الغرفة. وصحتين وهنا!
Moe Bayer22,400 次观看 • 21 天前
صينية الدجاج والبرغل بالفطر والكريمة والجبنة 🍄🧀 وصفة مستوحاة من الـ Perlovka الروسية، بس بدل الشعير استخدمت البرغل الخشن مع الدجاج والفطر والكريمة، وختمتها بطبقة جبنة محمّرة بالفرن. بتقدر تقدّمها كوجبة كريمية من الطنجرة مباشرة، أو تحوّلها لصينية بالجبنة. شكلها اعتمدت عنا بالبيت، وممكن تعتمد عندكم كمان! المقادير | بتكفي 3–4 أشخاص * 500 غرام صدر دجاج مكعبات * كوب ونصف برغل خشن، مغسول ومصفّى * 250–300 غرام فطر شرائح * بصلة كبيرة مفرومة * 4 فصوص ثوم مفروم * ملعقة كبيرة زبدة * ملعقة كبيرة زيت زيتون * 4 أكواب مرق دجاج ساخن كبداية، وممكن تحتاج أكثر * كوب كريمة طبخ (240 مل) * 200 غرام موزاريلا مبشورة * ملعقتان كبيرتان بارميزان * ملعقتان كبيرتان بقسماط، اختياري البهارات: ملعقة كبيرة ملح كبداية، ملعقة صغيرة فلفل أسود، ملعقة صغيرة بابريكا، ملعقة صغيرة أوريجانو، نصف ملعقة صغيرة كزبرة ناشفة، ورشة شطة اختياري. ممكن تضيف مكعب مرق حسب الرغبة، مع الانتباه لملوحة المرق. الطريقة 1. حمّر الدجاج بالزبدة وزيت الزيتون، وقبل ما ينشف ماؤه بالكامل ضيف البصل وقلّبه لحد ما يذبل شوي. 2. ضيف الفطر، ولما تنزل ميّته وتبدأ تتبخّر، ضيف الثوم لمدة 30–60 ثانية. 3. ضيف البهارات، وقلّبها شوي، بعدها ضيف البرغل وحمّصه دقيقتين. 4. ضيف 4 أكواب مرق ساخن كبداية، غطّي الطنجرة وخليه على نار هادية حوالي 25–30 دقيقة. إذا احتاج سائل، زيد مرق أو مي سخنة تدريجيًا. 5. لما يستوي البرغل ويصير طري، ضيف الكريمة واتركه 5 دقائق على نار هادية. لازم يضل رطب وكريمي، مش ناشف. ذوقه وعدّل الملح. 6. قدّمه مباشرة، أو انقله لصينية، ووزّع الموزاريلا والبارميزان والبقسماط الاختياري، مع رشة أوريجانو وشطة. 7. دخّله فرن محمّى على 180° لمدة 15 دقيقة تقريبًا، وحمّر الوجه بالشواية آخر دقيقتين مع المراقبة. سرّ الوصفة: لا تخلّي البرغل ينشف؛ زيد السائل بالتدريج حسب حاجته حتى يضل كريمي بعد إضافة الكريمة والجبنة. إنتوا مع النسخة الكريمية من الطنجرة، ولا الصينية بالجبنة المحمّرة؟ #اكلات_سريعة #اكلات_لذيذه #طبخات_سهلة
Moe Bayer31,000 次观看 • 1 个月前
نكهات سندويشة اللي بنحبها… بس بدون الخبز والدسامة. فلافل بيتية مقرمشة + خضرة طازة + بقلة أو فرفحينا + صوص طحينية بالليمون والسماق. والفلفل الأخضر؟ إذا بتحبها حارة، لا تستغني عنه 🌶️ والأحلى إنها مش مقلية غزير؛ بتقدر تعملها بالفرن، بالـAir Fryer، أو تعملها تحميرة خفيفة بالمقلاة مع شوية زيت. صراحة اطيب طريقة تحمير بشوية زيت زيتون 🧆 الفلافل المقادير: * 250غ حمص يابس، منقوع 12–18 ساعة ومصفّى منيح * نص بصلة صغيرة * 3 فصوص ثوم * نص كوب بقدونس + نص كوب كزبرة خضرا * 1 م ص كمون * 1 م ص كزبرة ناشفة * نص م ص بابريكا * نص م ص فلفل أسود * 1 م ص ملح * نص م ص بيكربونات الصودا * 1–2 م ك طحين حسب الحاجة * سمسم + شوية زيت الطريقة: اطحن الحمص مع البصل، الثوم والأعشاب والبهارات لحد ما يصير الخليط ناعم بس مش معجون. أضف البيكربونات والطحين إذا احتاج، ودخّله التلاجة 30 دقيقة. خذ نص ملعقة كبيرة، شكّلها واضغط عليها شوي بين كفوفك عشان تطلع سميكة ومشرشرة. رش زيت وسمسم. بالفرن: 180°م حوالي 15 دقيقة، واقلبها بعد 10–11 دقيقة. أو بالمقلاة: شوية زيت بس، وحمّرها كم دقيقة على كل جهة لحد ما تقرمش. Air Fryer: 180°م مع التقليب بالنص. 🥗 السلطة خيار + بندورة + خس + جرجير + بقدونس + نعنع + بقلة/فرفحينا + الفلافل. 🥣 صوص الطحينية اخلط: * 3 م ك طحينية * عصير حبة ليمون كبيرة * 3–4 م ك مي * نص م ص سماق * رشة ملح * نص م ص زعتر ناشف * فص ثوم مهروس * نص فلفل أخضر حار، اختياري خفّف الطحينية بالمي تدريجيًا لحد ما تصير كريمية. اخلطها مع السلطة وحط الفلافل فوقها، ورشة سماق بالنهاية. بالعافية ❤️ #moebayer #سلطة #سلطة_فلافل #اكسبلور #صحتين
Moe Bayer34,500 次观看 • 3 个月前
没有更多内容可加载





