Nasir Galal

خبر عاجل – لازم مؤتمر صحفي عاجل يعرض مشاركة المرتزقة الأجانب في السودان الحاصل في البلد ما عادي، والمعلومة البقت معروفة للكثيرين عن مشاركة مرتزقة أجانب في القتال جنب الدعم السريع، دي حاجة خطيرة ومفروض تتعرض للعالم كله بالصوت والصورة. ما معقول لحدي هسع ما طلع مؤتمر صحفي رسمي، ما في عرض للناس المقبوض عليهم، لا صور، لا أسلحة، لا حاجة. في الوقت العالم كلّو بيشتغل على الصورة والمعلومة، نحنا لسه ساكتين؟ البرود الحاصل ده غريب جدًا، كأنو الموضوع بسيط، وهو أخطر من كده بمراحل. المفروض الحاجة البتتعمل هسع: •مؤتمر صحفي كبير، فيهو المتحدثين الرسميين من الجيش والشرطة والاستخبارات. •عرض مباشر في تلفزيون السودان للفيديوهات، الصور، الاعترافات، والأسلحة البتأكد وجود مرتزقة أجانب. •حملة إعلامية واسعة توضح للناس في الداخل والخارج إنو الحاصل ده تدخل أجنبي في السيادة السودانية. •خطاب إعلامي قوي، يضخّم الحدث، ويدّيهو حجمو الحقيقي ككارثة وطنية. ما مفهوم السكوت ده، ولا ضعف التغطية. لو نحنا ما قدرنا نوري العالم الحقيقة، العالم ما حيجي يسأل. الحدث ده لازم يتفجر إعلاميًا، وده واجب مش خيار. ناصرجلال ٣اغسطس ٢٠٢٥

17,292 views