مشكلة | نصيحة

شروط استقبال المشاكل ونشرها الشروط العامه: - لازم تكون المشكلة حقيقية وواقعية، وأي مشكلة يثبت إنها وهمية أو مبالغ فيها بشكل واضح، صاحبها بيتعرض للحظر بدون نقاش. - ما يسمح بإرسال مشاكل خيالية أو تخمينية لازم تكون المشكلة تخصك أنت أو شخص قريب منك بشكل مباشر . - ما يسمح ارسال مشاكل تناقش قضيه مجتمعيه. - لازم تكتب المشكلة بتفاصيل واضحة ومحددة (مثلاً: وش اللي صار، من الأطراف المعنية، متى صارت المشكلة، وش تأثيرها عليك)، المشاكل اللي مبهمة أو عامة جداً مثل: "أنا حزين، وش أسوي؟ ما راح تقبل إلا إذا كان فيها تفاصيل كافية. - ممنوع استخدام أي لغة مسيئة أو غير لائقة في وصف المشكلة، سواء كانت سب أو كلام خارج أو تهديدات ، أي مشكلة فيها كلام غير محترم برفضها على طول وبيتم حظر صاحبها. - ما يسمح بإرسال نفس المشكلة أكثر من مرة، سواء بنفس الصياغة أو بصياغة مختلفة. - المشاكل لازم تكون شخصية ومحددة (مثل مشاكل عائلية، اجتماعية، دراسية، أو عاطفية)، ما يسمح بإرسال مشاكل عامة أو سياسية أو دينية أو تثير جدل مثل الخيانات المشكوك فيها او العلاقات الحميمه وغيرها. - كل شخص يقدر يرسل مشكلة واحدة فقط كل أسبوع، هذا الشرط عشان امنع التلاعب أو إرسال مشاكل وهمية بشكل متكرر من نفس الشخص ومنها اقلل عدد المشاكل المنشوره شروط اضافية ممكن احتاجها للتأكد من جدية المشكلة: - في اسألة تحقق برسلها للشاكي تدور حول مشكلته ، سؤال وجواب الي يمتنع من الرد او يرفض بتجاهله. - لو المشكلة معقده أو فيها شك ، بطلب إثبات بسيط (مثل صورة رسالة، شاشة محادثة، أو أي دليل بسيط يثبت إن المشكلة حقيقية) مثل صدت محادثة لزوجي او زوجتي ، غالباً بالمشاكل الي يذكر فيها الشاكي انه شاف دليل ، والاكثر بمشاكل التفتيش والتجسس ، طبعاً بدون أي تفاصيل شخصية حساسة (مثل أسماء أو صور واضحة). - لو صاحب المشكلة رفض يقدم أي إثبات أو قدم شيء مب مقنع، المشكلة بترفض "الاثبات مابنشره ، لي انا بس اتاكد ان المشكله صحيحه". - كل مشكلة بتاخذ وقت للتحقق (ممكن يوم أو يومين) قبل ما تنشر، لو صاحب المشكلة عنده مشكلة مع الانتظار أو يحاول يضغط علي عشان ينشر بسرعة، المشكلة بتنرفض خصوصاً المشاكل الي فيها شك. - أي شخص يرسل مشكلة وهمية أو يكذب بشكل واضح بياخذ تحذير أولي، لو كرر نفس الشيء، بيتم حظره نهائياً من إرسال أي مشاكل مستقبلاً وبنزل فيه تغريده امنشن فيها كل حسابات المشاكل ، اغلب المؤلفين حساباتهم وهميه مجهزين الدوا قبل الفلعه بس عشان حسابات المشاكل تعرفهم. - لو تم اكتشاف إن الشخص يستخدم الحساب للتسلية أو الاستفزاز (مثلاً يكتب مشاكل مضحكة بشكل مبالغ فيه أو غير منطقية)، بيتم حظره على طول بدون تحذير. شروط متعلقة بالمحتوى - المشكلة لازم تكون بلغة واضحه ، قصيره مب طويلة عشان ما تكون طويلة جدًا ومملة ومرتبة بنظام فقرات يعني مب متصله كلها بسالفة وحده. - ممنوع ذكر أسماء حقيقية، أماكن محددة (مثل اسم دولة او جنسية اومدرسة أو مستشفى)، أو أي تفاصيل ممكن تعرض صاحب المشكلة أو غيره للإحراج لو وجدت تفاصيل مثل هذي، المشكلة برفضها أو بيتم تعديلها قبل النشر لو ماكان عندي التزام. - ما بنشر مشاكل قديمة (حدثت اكثر من سنة)، لازم تكون المشكلة حديثة (خلال الاشهر الأخيرة) عشان تكون ذات صلة وممكن حلها. - ما يسمح بإرسال مشاكل تتطلب تدخل قانوني أو طبي (مثل: "تعرضت للضرب، وش أسوي؟" أو "أحس بأعراض كذا، وش العلاج؟ او "وش الحكم الشرعي لـكذا وكذا") هالنوع من المشاكل لازم يتوجه صاحبها لجهة مختصة (محامي أو دكتور او مفتي). - المشاكل النسائية سواء مستحضرات تجميل او استفسارات مكياج وصوابين او بعض الاستفسارات المحرجه مرفوضه ، الحساب عام وفيه رجال توجهوا للحسابات المختصه بالنساء. لو شخص خالف الشروط، برسل له تحذير أولي وبوضح فيه وش المشكلة (مثلاً: "مشكلتك ما وضحت تفاصيل كافية، وضح أكثر أو مشكلتك تحتاج طبيب او محامي وغيره او مشكلتك تخص علاقة حميمه او جنسيه ماننشرها") لو كرر الشيء نفسه، بحظره. فالنهاية كل المشاكل الي بتنرفض اذا كانت مثيره للجدل بنعرضها على قروب تقييم وبننصح بالخاص.

127,251 views