RANA TV (رڼا ټلوېزیون)
@RANATVAF • 6,468 subscribers
RANA TV (https://t.co/lA3KmzzGfz) is an independent Afghan media network based in London, UK, Broadcasting across all major social media platforms, YouTube, satellite.
Videos
وروسته تر هغې چې په یو بحث کې د پاکستاني پوځ د اړیکو او تبلیغاتو د ادارې ګمارل شوي ژورنالیست حسن خان، پر پکتیا د وحشي بمباریو مظلوم شهیدان ترهګر وبلل او سپکاوی یې ورته وکړ، د افغان سیاستوال او شنونکي ډاکټر نجیب ننګیال له لوري ورټل شو او د هغه دريځ یې وغنده. ښاغلي ننګیال له رسنیو هم وغوښتل، چې داسې اشخاصو ته دې د زهر شیندلو فرصت نه ورکوي. د پاکستان د پوځ د اړیکو او تبلیغاتو ادارې (ISPR) کوښښ کړی، چې د حسن خان په څېر ظاهرا پښتانه شنونکي او ژورنالېستان وګماري تر څو د افغانستان پر ضد د تبلیغاتو لپاره ترې کار واخلي.
RANA TV (رڼا ټلوېزیون)25,341 Aufrufe • vor 9 Tagen
افغان وتلي هنرمند جاوید امیرخېل ویلي، یو کس ترې غوښتنه کړې وه، چې د «پاک سرزمین» په نوم د پاکستان ملي سرود ووایي، خو نوموړي ځواب ورکړی چې زه افغان یم «هغه به دې ستا پلار ووايي.» جاوید امیرخېل د پاکستان د ملي سرود له ویلو ډډه کړې او پر ځای یې د خپلې مشهورې وطني سندرې دا بند زمزمه کړ: «اخ جانان دې وطن» د هغه دغه څرګندونې په ټولنیزو رسنیو کې د ګڼو افغانانو له هرکلي سره مخامخ شوې دي.
RANA TV (رڼا ټلوېزیون)69,132 Aufrufe • vor 1 Monat
د اتصالات مخابراتي شبکې یوه پخواني کارمند ادعا کړې، چې یاده شبکه به د هغو افغان کاروونکو لپاره چې په خپلو سیمکارتونو کې یې بستې نه فعالولې، د هغوی له اجازې پرته بستې فعالولې. نوموړي ویلي، چې د دې کار له امله به د کاروونکو له سیمکارتونو څخه پیسې کمېدلې او هغوی به له دې موضوع ناخبره وو. د هغه خپره شوې ویډیو په وروستیو کې پراخ غبرګونونه راپارولي دي. ګڼو افغان کاروونکو هم ادعا کړې، چې مخابراتي شبکو د انټرنټ د بنډلونو قیمتونه لوړ کړي او د هغوی له سیمکارتونو څخه پیسې کموي. تر اوسه د اتصالات شبکې د دغو ادعاوو په اړه رسمي غبرګون نه دی ښودلی.
RANA TV (رڼا ټلوېزیون)14,695 Aufrufe • vor 16 Tagen
جنرال سمیع سادات د یو پاکستاني خبریال سره په مرکه کې وایي، چې پنجاب پښتانه محروم ساتلي او د پاکستان د وګړو په سترګه ورته نه کتل کیږي او تل د پښتانو د یو لوی اکثریت په پرتله پنجاب غوره بلل شوی دی. د سادات په وینا، دغه سبب شوي، چې نن ورځ پښتانه په پاکستان کې بغاوت کوي. #وېډیو
RANA TV (رڼا ټلوېزیون)16,822 Aufrufe • vor 2 Monaten
د ډیورند فرضي کرښه! ډیورند فرضي کرښه په ۱۸۹۳م کال کې د پښتون قوم د جبري ټوټه کېدو په موخه کښل شوې ده. دا کرښه شاوخوا ۲۶۰۰ کیلومتره اوږده ده، چې د افغانستان د پښتنو او بلوڅو قومي سیمې یې په دوو برخو وېشلې دي. ډیورند ته ځکه فرضي کرښه ویل کیږي، چې تراوسه رسمي نه ده منل شوې، دا د استعمار په دوره کې د فشار لاندې ټاکل شوې وه. د دغه کرښې دواړو غاړو ته خلک یې کلک مخالفت کوي، ځکه چې قبایلي او قومي یووالی یې مات کړی دی.
RANA TV (رڼا ټلوېزیون)17,223 Aufrufe • vor 3 Monaten
د مرحوم عبدالله مقري زوی د خپلې نوې سندرې «دا دې ازادۍ خاوره» د خپرېدو خبر ورکړی او ویلي یې دي، چې دغه ملي ترانه یې د نوې زمانې له موسیقۍ او احساس سره بیا راژوندۍ کړې ده. میر خان مقري ویلي، دا ځانګړې هنري پروژه یې له شفیق مرید سره په ګډه ترسره کړې، څو د عبدالله مقري تلپاتې هنري میراث ته درناوی وشي او د افغانانو ملي احساسات او ارمانونه تازه وساتل شي. د نوموړي په وینا، دغه بیا جوړونه د عبدالله مقري د نه هېریدونکي غږ، احساس او وطنپالنې د ستاینې لپاره شوې، هغه هنرمند چې سندرو یې د نړۍ په بېلابېلو هېوادونو کې افغانان یووالي، مینې او ملي ویاړ ته هڅولي دي. میر خان مقري د خپلې وینا په پای کې د خپل پلار روح ته دعا کړې او ویلي یې دي: «الله دې پر عبدالله مقري ورحمېږي او هنري میراث دې یې تل ژوندی وي.» دا سندره د میرخان مقري پر یوټيوب موندلی شئ
RANA TV (رڼا ټلوېزیون)11,580 Aufrufe • vor 2 Monaten
د واخان یو اوسېدونکی، رڼا سره خبرو کې د خپلې سیمې حال بیانوي.
RANA TV (رڼا ټلوېزیون)12,262 Aufrufe • vor 3 Monaten
Keine weiteren Inhalte verfügbar