Vudi Xhymshiti

⛔ Ezan në TV? Jo në shtetin tonë laik! 🇽🇰 Dua ta bëj të qartë që në fillim 👇🏼 Nuk kam asgjë kundër Islamit, Krishterimit apo Judaizmit. 🙏 Çdokush ka të drejtën e patjetërsueshme të besojë dhe të lutet sipas ndërgjegjes së tyre, dhe unë e respektoj plotësisht këtë të drejtë. Madje, do ta mbroja me çdo kusht lirinë e secilit për të ushtruar fenë e tyre. 📺🕌 Por futja e fesë në mediat publike dhe hapësirën shtetërore është një gabim i madh. 🇽🇰 Kosova është një shtet laik me Kushtetutë dhe si i tillë, nuk mund të favorizojë asnjë fe mbi tjetrën. Kur një televizion transmeton Ezanin – thirrjen fetare islamike për lutje, nuk po i flet vetëm besimtarëve myslimanë, por po krijon një precedent ku feja pushton hapësirën publike, duke e kthyer atë nga një çështje personale në një mesazh shoqëror e kulturor të detyruar. Kjo nuk është çështje besimi, por e neutralitetit shtetëror dhe ruajtjes së identitetit shqiptar. 🇦🇱 Historikisht, shqiptarët janë bashkuar rreth kombit, jo fesë. Kjo ka qenë forca jonë, fakti që asnjëherë nuk e kemi lënë fenë të na ndajë. Por kur televizioni promovon një fe specifike, ai pa dashje (apo me dashje) po krijon një ndasi të re mes shqiptarëve, duke i ndarë në “ne” dhe “ju” mbi baza fetare. ⛪️ A duhet të fillojmë të transmetojmë edhe lutjet e së dielës nga kisha? 🕍 A duhet të japim çdo të premte shërbesat hebraike? Jo, sepse shteti dhe media nuk janë vend për këtë. 🗣️ Feja është personale. Kombi është i përbashkët. Këtë duhet ta mbrojmë me çdo kusht. Ata që po lejojnë këto ndërhyrje në hapësirën publike duhet të mbajnë përgjegjësi. Nuk duhet të lejojmë që një axhendë e tillë të rrënojë unitetin tonë kombëtar. 📢 Feja është e shenjtë – për atë që e beson. Kombi është i shenjtë për të gjithë ne. Dhe ai duhet mbrojtur ❤️ 🇦🇱

29,622 Aufrufe