Wisam Zamout 2
@WisamDeutsch • 4,760 subscribers
سوري ألماني 🇸🇾🇩🇪 ألماني سوري ما بتفرق بالحالتين تاج راسك . الحياة عبارة عن حلب و برشلونة وأهلي حلب وفنجان قهوة وسيجارة و شوية أشياء مالها لزوم
Shorts
Videos
كلام ممكن يكون طويل شوي عن بعض انطباعاتي عن زيارة حلب مدينة وريف شمالي وما طلعت برات حلب نهائيا . الإيجابيات : - الحمد لله البلد آمنة جدا والأسواق شغالة ٢٤ ساعة وحلب بلشت ترجع المدينة التي لا تنام . - رجال الأمن والشرطة بالشوارع قمة بالطيبة والأخلاق - المطار تحسن كثير عن أول من ناحية المعاملة والاستقبال ، ودوائر الدولة عموما صار التعامل فيها آدمي أكثر يعني الورقة ممكن تحصل عليها خلال نص ساعة ونظام الدور حضاري جدا . - البسطات انشالت من كل شوارع حلب و الكهرباء الحمد لله جيدة جدا والشوارع منورة لوش الصبح . حتى الانترنت كنت متوقعه أسوأ بس كان ماشي حاله . - المواضيع الكبيرة يلي بنحكي فيها هون خارج اهتمامات البشر هونيك نهائيا ، الناس همها الأول تأمن لقمة الخبز . - البلد هي هي ما فيها تشدد اش ما بدك تلبس واش ما بدك بتعمل ومثل زمان كل حارة أو بلدة الها قوانينها الاجتماعية الخاصة . وسهرات وطلعات واللي بدك ياه السلبيات : - الزبالة متراكمة في بعض المناطق بشكل كثير كبير و الموضوع بده تعاون بين الدولة والشعب لأنه للأسف ثقافتنا كشعب عموما بنهتم ببيوتنا وبس ، الموضوع بده غرامات شديدة وتطبيقها عالجميع مع إيجاد حلول لترحيل و إتلاف أو تدوير القمامة قبل كل شيء . - أسعار المطاعم وأماكن الترفيه أغلى من أوروبا و حتى السلع العادية ما في رقابة تموينية أبدا وكل من عايش على كيفه . - السواقة بحلب شبيهة بمدينة الملاهي ، تنظيم الشوارع سيء جدا ومناظر التكاسي والسيارات القديمة شيء مخجل و موضوع المرور والطرقات واستبدال السيارات ومنع الموتورات بده شغل خير الله . - شمال حلب لسه عمليا تابعين لتركيا ما ضموهم لملاك الدولة و كل تعاملهم بالتركي وهناك فعلا شيه تقسيم فيدرالي نفسي بين حلب المدينة والشمال والناس فعلا ضايجة كثير بهديك المناطق . -العقوبات ارتفعت على الورق بس أما سويفت في البنوك والتعامل اون لاين كله مو شغال إلا بشروط و أماكن محدودة جدا . وأخيرا شفت كثير بعثية وكتيبة تقارير وشبيحة رأي سابقين صايرين مدراء ومعاونين مدراء . #حلب #سوريا
Wisam Zamout 2294,147 次观看 • 4 个月前
آخر كلام عن حفلة أيقونة الشرق #أصالة الناس محدودة الإدراك مفكرة أنه كل هذا الحب لأصالة هو حب للطرب والغناء فقط . "" باختصار أصالة هي قصتنا كلنا "" شعب كان قبل سنتين منتشر في بقاع الأرض وما عنده أمل حتى يشوف بلده الغصة كانت بحلق كل واحد فينا وأنا من الناس يلي وصلت لمرحلة أني سلمت أمري لله وكنت أقول بيجوز رب العالمين مو كاتب لي شوف وطني مرة ثانية . و لكن إرادة الله كانت فوق كل شيء ومن بعدها دماء شهداءنا من 2011 لليوم هي من غيرت المعادلة . والحمد لله رجعنا وشفنا بلدنا طاهر مطهر من رجس الأسد . لا تفكروا كل هالاحتفاء بأصالة لأنها مطربة كبيرة فقط أصالة هي قصة كل سوري ولأنها الأشهر فينا قدرت تحكي وجع كل سوري بسيط بطريقتها الخاصة . الله سبحانه وتعالى أعطاكي الشي يلي استحقيتيه يا حرة : الموقف راحة الضمير حب الناس في كل مكان #اصالة_في_سوريا #أصالة
Wisam Zamout 264,450 次观看 • 1 个月前
0:21
Sensitive content
This media may contain sensitive content.
هذا الفيديو من تصويري لما طلعت من مطار فرانكفورت شوف بس الكتلة الخضراء 83% من مساحة ألمانيا كتلة خضراء الشجر مقدس ما حدا بيسكن بمركز المدينة غير المجبور ، كل العوائل الراقية بالضواحي والمناطق الريفية التابعة للمدن حتى الشجرة المعمرة ما فيك تقرب عليها بحديقة بيتك بدون إذن البلدية . بتوصل لبلادنا المنظر من فوق بيبكي والله 14 سنة حرقوا فيها البشر والحجر والشجر ولكن شعبنا بدو 100 سنة تعليم وتثقيف لحتى يرجع يعرف قيمة الغابات والمساحات الخضراء والحفاظ عليها
Wisam Zamout 213,532 次观看 • 3 个月前
没有更多内容可加载