Abdulrahman Alamri
@xabdul • 32,147 subscribers
خبير تحليل التهديدات السيبرانية CTI في الشرق الأوسط OSINT , الحساب شخصي
Shorts
![المدير وهو يقرأ الإيميل اللي توني أرسلته للعميل: .. عزيزي [اسم العميل]، تحية طيبة،](https://image.24vids.com/tw-2038767132847091767/amplify_video_thumb/2038766196577681408/img/vrTl-zAVTPNwRO1s.jpg)
Videos
يا أخي السعودية دولة عجيبة. قبل مئتين سنة، إبراهيم باشا جاء من مصر بجيش الدولة العثمانية، حاصر الدرعية ستة شهور، وبعدين هدمها على روس أهلها وحرقها وقال خلاص انتهت. اليوم الدولة العثمانية في كتب التاريخ، وأسرة محمد علي راحت سنة 52، والدرعية اللي حرقوها الناس تحجز لها تذاكر عشان تشوفها. وبعدها طلعوا آل سعود من الرياض للكويت، وقال اللي قال خلاص انتهوا. وبعدها بعشر سنين رجع عبدالعزيز بأربعين رجال وأخذ الرياض بليلة، ووحّد الجزيرة كلها في دولة وحدة. والشريف حسين قال أنا ملك العرب وبعدين انتهى منفي في قبرص. وعبدالناصر أرسل سبعين ألف جندي لليمن عشان يطيح السعودية من الجنوب، وطلع من اليمن مكسور. وصدام قال الكويت محافظتنا التاسعة وبعدها بعشر سنين كان في حفرة. والقذافي حاول يغتال الملك عبدالله وهو ولي عهد، وبعدها بكم سنة سحبوه من أنبوب مجاري. وهذا من الخارج. أما من الداخل، فجهيمان دخل الحرم بالسلاح سنة 79 وقال المهدي معي والدولة انتهت، وبعدها بشهر ونص كان مقطوع الرأس في ساحة. وبن لادن، اللي حاول عشرين سنة يسقط الدولة باسم الدين وفجّر الرياض والخبر وينبع، وقتل الناس في رمضان، انتهى ورموا جثته في البحر، والقاعدة اللي ما بقي لها غير التسجيلات القديمة. وداعش اللي قالت الخلافة راحت أسرع منهم كلهم. وبعدين جاء الربيع العربي. سنة 2011 كانت الدول تطيح وحدة ورا الثانية، والإعلام الغربي يعد الأيام ويقول السعودية الجاية، والليبراليين الأمريكان في الصحف ومراكز الأبحاث يكتبون إن النظام ما بيكمل السنة، وإدارة أوباما تخلت عن حلفائها واحد واحد. وش صار؟ تونس ومصر وليبيا واليمن وسوريا تعرفون وش صار بعدها. والسعودية اللي قالوا عنها الجاية، طلعت من العشر سنين هذي أقوى مما دخلتها، وبدأت رؤية 2030 وهم لسى يكتبون مقالات عن سقوطها الوشيك. وبعضهم للحين يكتب نفس المقال كل سنة ويغير التاريخ. وهذي على مستوى الدول والتنظيمات والإعلام. أما على مستوى الناس، فالقصة ما تختلف. تجي السعودية بخير، يحسدونها. تصيبها مصيبة، يشمتون فيها. تبني، يحاولون يهدمون. تضرب، يقولون طغت. وأنا والله ما أقول هذا الكلام غرور. التاريخ قدامكم اقرأوه بنفسكم. كل اللي حاول يكسر هالدولة من أول يوم في الدرعية إلى اليوم، راح، وبقت هي. وما بقت بس، صارت أكبر اقتصاد في المنطقة وعضو في مجموعة العشرين والدولة اللي العالم كله يحسب لها حساب. وهذا اللي قاله الأمير عبدالعزيز بن سلمان قدام وزراء طاقة العالم في الرياض: "لا يمكن لأحد أن يكسر شوكتنا، فنحن مثل العنقاء، ننهض من الرماد دائمًا وفي كل مرة." قالها وهو يعرف التاريخ. فاللي يحسد ويشمت ويتآمر اليوم، ما هو أول واحد، وأكيد ما هو آخر واحد. والنتيجة نفس نتيجة اللي قبله.
Abdulrahman Alamri1,153,938 views • 12 days ago
🚨 حقيقة صادمة عن ChatGPT. كنت حاسس من قبل إن الوضع مو طبيعي والحين عرفت
Abdulrahman Alamri492,703 views • 16 days ago
وحدة في أمريكا لقوا في سيارتها 41 كيلو شبو، والقاضية أسقطت القضية كاملة وطلعت المتهمة زي السلام عليكم. السبب إن الشرطي اللي وقفها استخدم نظام ذكاء اصطناعي يقرأ لوحات السيارات عشان يبحث عنها ويتتبعها، بدون أمر قضائي وبدون أي شبهة. القصة إن شرطي في أوكلاهوما شاف سيارة لوحتها من كاليفورنيا على الطريق السريع. ما عليها بلاغ ولا مخالفة ولا شي، بس لوحة من ولاية ثانية. وهو يسوق فتح اللابتوب وبحث عن اللوحة في Flock، وهذي شبكة كاميرات ذكية منتشرة في آلاف المدن الأمريكية ومربوطة ببعض، تقرأ كل لوحة تمر قدامها وتخزنها. طلع له 79 رصد خلال شهر من 11 جهة مختلفة، كاميرات محل في ميزوري وشرطة تكساس ونيومكسيكو وأريزونا. رسمت له رحلتها كاملة من ميزوري لكاليفورنيا ذهاب وعودة وكل وقفة في الطريق. وقفها بحجة إنها غيرت المسار بدون إشارة وقال لها بس تحذير، وبعدين قعد يسألها عن رحلتها. طلب يفتش سيارتها ورفضت، فطلب دعم وحجزها وفتشوا السيارة ولقوا الشبو. القاضية قالت السبب الوحيد للبحث إن اللوحة من كاليفورنيا، وإن تتبع تحركات إنسان شهر كامل بدون أي شبهة انتهاك لخصوصيته حتى لو كان في الشارع، وسمّته مراقبة جماعية عشوائية. وكل الأدلة اللي طلعت بعد البحث ساقطة، بما فيها المخدرات. والشركة نفسها طلعت لها هالسنة فضائح، بحث لصالح الهجرة بدون صلاحية، وبحث عن امرأة سوت إجهاض، وشرطي يتعقب طليقته. رئيسها التنفيذي اعتذر، وولايات ومدن ألغت عقودها.
Abdulrahman Alamri174,094 views • 10 days ago
3:26
Sensitive content
This media may contain sensitive content.
وصلني مقطع لـ"هاكر" داخل قوائم داخلية بتطبيق Instagram (Developer / Internal Settings)، يستعرض خيارات وإعدادات مو مفروض تظهر للمستخدم العادي. هذي بالأساس إعدادات الموظفين الداخلية، ومعروف إن واجهاتها تنفتح بتعديل التطبيق من زمان. بس السؤال: هل هي مجرد قوائم ظاهرة بالشكل، ولا فعلاً عنده وصول شغّال على الـ backend؟ الصراحة ما أدري إذا فيه شي جديد بالمقطع، ولا نفس الطريقة المتداولة من زمان؟
Abdulrahman Alamri394,934 views • 4 months ago
الهكر الأخلاقي | فيصل الشمري من يوم يقول " يسد " الثغرات وانا غاسل يدي 😂
Abdulrahman Alamri147,367 views • 2 months ago
وش سالفة الهكرز المبزرة؟ والهكر الأردني اللي تم القبض عليه؟
Abdulrahman Alamri40,269 views • 24 days ago
قرأت اليوم تغريدة لواحد يتكلم عن تطبيق هدهد Hudhud Maps | خرائط هدهد من منطلق #السيادة_الرقمية وأنه ضروري يكون عندنا تطبيق ( سعودي ) خاص فينا عشان نكتفي بأنفسنا ونمنع سيطرة أحد على الخرائط ومن هالكلام.. يا جماعة، مو كل شيء سيادة رقمية… خلاص حلبتوا المصطلح حلب. هدهد تطبيق مثل أي تطبيق: عجبكم استخدموه، ما عجبكم خلّوه. الخرائط تُقاس بدقة بياناتها وتغطيتها وتجربة استخدامها، لا بجنسية مالكها. ولما نحوّل النقاش إلى سيادة، نحرم المنتج من أهم شيء يحتاجه ليتحسّن: نقد صريح من مستخدمين حقيقيين. وهذا الشيء اللي Faisal حرص عليه الفترة الماضية. مدحنا اليوم ما ينفعهم إذا خذلهم الواقع بكرة. ونقدنا اليوم ما يضرّهم إذا أنصفهم المنتج بكرة. الميدان يا حميدان.
Abdulrahman Alamri110,769 views • 2 months ago
مسلسل Seinfeld تنبأ بالـAI قبل 35 سنة زي ما نشوفه اليوم😏
Abdulrahman Alamri48,895 views • 1 month ago
توني راجع من #LEAP5 وينكم ما قابلتوا معي عشان اقول لكم سو كرهي لكلمة " ذكالي"
Abdulrahman Alamri53,380 views • 1 month ago
