Yasir 𒅀𒊍𒊏
@yasirmo • 1,600 subscribers
لا شيء ثابت في هذا العالم وكل ما نملكه حقا هي اللحظة التي نعيشها.
Videos
#قصة_اغنية هذه الاغنية كادت تنهي مسيرة #كاظم_الساهر باول خطواته نحو النجاح بذاك الوقت كانت الاغنية العراقية بالثمانينات بعدها تمشي على النمط الكلاسيكي السبعيني اجا الشاعر #عزيز_الرسام وكتب كلمات اغنية تلدغه الحية الرسام حذف منها الشطرين الاولين وسلمها للفنان طالب القره غلي اللي كان يشغل منصب مدير بالاذاعة والتلفزيون ووافق عليها حتى تسجل ولمن طلع عزيز الرسام من يمة ضاف البيت الاول اللي يگول التلدغه الحية بيده ونطاها لكاظم الساهر وسجلوها بس الساهر كان متردد من انه يتقدم ويغنيها بالاذاعة لان يعرف شنو ممكن يصير ومصيرها الرفض وبالصدفة كان اكو برنامج تقدمه الاعلامية #فرقد_ملكو وكان عندهم تصوير بالجنوب وطلبوا من الساهر يجي وياهم ويقدم اغنية الساهر جهز اغنيتين الاولى كلك على بعضك و الثانية ام الحية وشات الاقدار ان شريط اغنية كلك على بعض ما اشتغل و عزيز گال للساهر شوف هاي قسمة هاي الاغنية حتى تنبث و فعلا اول مرة تطلع بيها الاغنية تكون بمدينة #الديوانية وبين اهلها و انبثت الحلقة من دون ان تمر الاغنية على الرقابة وانسمعت التلدغه الحية وهنا قامت القيامة ويقال ان #سعد_البزاز منع دخول الساهر للاذاعة والاغنية انمنعت حتى صار تحقيق مع القره غولي اشلون وافق عليها !! بس اشلون تنمنع اغنية والجمهور سمعها الاغنية وصلت للناس وصارت تنسمع بكل مكان وتنطلب بكل مكان والمضحك من هذا كله ان #طالب_القره_غلي كان يقسم ان توقيعه موجود على الاغنية بس ما شاف هذا النص موجود وبحكم الجمهور ومحبتهم للاغنية انطلقت مرة ثانية وصارت من المحطات المهمة ببدايات كاظم الساهر وبعدها اجت اغنية غزال وما يصيدونه واستمر الساهر بالتألق والنجاح مرات الاذاعة تگدر تمنع اغنية بس الجمهور ما يگدر احد يمنعه من انه يحبها #كاظم_الساهر
Yasir 𒅀𒊍𒊏57,016 views • 19 days ago
#قصة_اغنية كلنا سمعنا اغنية #للناصرية باصوات مطربين مختلفين وصارت من الاغاني الشعبية اللي بقيت حاضرة بالذاكرة العراقية لعقود طويلة لكن من اقدم الاصوات اللي ارتبطت بيها المطربة العراقية #صديقة_الملاية واسمها الحقيقي #فرجة_عباس واللي كانت من ابرز نجمات الغناء الشعبي العراقي في عشرينيات وثلاثينيات القرن الماضي وسميت بالملاية لانها كانت تنشد في مجالس العزاء وللي ما يعرف قصة الاغنية يمكن يعتقد ان المقصود هو مدينة الناصرية العراقية لكن بحسب الرواية المتداولة فان الناصرية المقصودة هي #الناصرية #الاحواز والتي ارتبط اسمها بالشيخ #ناصر_بن_محمد_الكعبي من شيوخ قبيلة كعب ثم تغير اسمها لاحقا الى الاحواز في عهد الشاه اما ابو عبيد المذكور بالاغنية فتربطه الروايات بالشيخ #خزعل_الكعبي امير المحمرة والذي كان معروفا بالجاه والنفوذ وقوة الكلمة ولهذا تقول المرأة انها تروح لمضيفه وتبچي عنده علّه يجعلها ضيفة ويرجع الها حبيبها ساهي العين وتزداد القصة اهمية لان صديقة الملاية نفسها عاشت فترة في المحمرة وتعلمت اصول الغناء هناك فارتباطها بالمنطقة مو مجرد ذكر عابر داخل اغنية وانما جزء من تجربتها الفنية والثقافية ولهذا فان للناصرية تحمل اكثر من معنى بيها حكاية حب وعتاب وبيها صورة للمضيف والجاه والعادات الاجتماعية وبيها ايضا اثر واضح من العلاقة التاريخية والثقافية بين العراق والمحمرة والاحواز والاجمل ان الاغنية عبرت الزمن وتناقلتها الاجيال باصوات مختلفة لكن تبقى صديقة الملاية من اهم الاصوات التاريخية المرتبطة بيها ومن خلالها وصلتنا قطعة من ذاكرة الغناء الشعبي العراقي والاحوازي الاغنية بصوت #انطوانيت_اسكندر
Yasir 𒅀𒊍𒊏67,445 views • 1 month ago
#حدث_في_مثل_هذا_اليوم #ميلادي 🎂❤️ في مثل هذا اليوم 12 ايلول ما صار حدث عابر بالتاريخ بهذا اليوم انولد حضرة جنابي Yasir 😎 ومن ذاك اليوم والتاريخ صار عنده معنى ثاني مو مهم شنو صار بالعالم بهذا اليوم المهم ان واحد عراقي اسمه Yasir دخل الدنيا وقرر يضيفلها شوية سوالف وقصص وذكريات 😇❤️ كل سنة تمر مو بس رقم يزيد بالعمر هي سنة تنضاف للذكريات ناس نلتقي بيهم وناس نفتقدهم مواقف تضحكنا ومواقف تعلمنا واشياء تمنيناها وصارت واشياء بعدها بالطريق واليوم اوگف شوية واگول الحمد لله على كل سنة مضت وعلى كل شخص كان جزء من حياتي وعلى كل لحظة حلوة عشتها وحتى على الايام الصعبة لان هي اللي علمتني اكثر 12 ايلول يوم ميلادي 🎂 علي السلام 😇 واذا احد سألني شنو صار بهذا اليوم اكله بكل بساطة انولد ياسر 😇❤️ وكل عام واني بخير وكل عام وقلبي بعده يحب الحياة وكل عام والجاي احلى من اللي راح 🤲
Yasir 𒅀𒊍𒊏18,081 views • 9 days ago
يروى ان الشاعر ناظم السماوي بعد ان كان في الكويت سلم الى السلطات العراقية واودع في سجن نقرة السلمان لسنوات طويلة وكان هناك مع مجموعة من المثقفين والشعراء مثل مظفر النواب وزهير الدجيلي و الفريد سمعان واخرين وبعد خروجه من السجن مع الشاعر زهير الدجيلي سال هل خارج السجن يوجد مثقفون واصدقاء افضل من هؤلاء الذين كانوا معنا فكان الجواب لا فعند باب السجن قال عبارته مو بدينا نودع عيون الحبايب لتكون بداية قصيدة عن الفراق والوداع والرفاق الذين جمعهم السجن القصيدة لاحقا لحنت وغناها المطرب العراقي فؤاد سالم واصبحت من اشهر الاغاني العراقية هذه الاحداث تعود الى ستينات القرن الماضي .. #فؤاد_سالم
Yasir Al-42,888 views • 7 months ago
من تتوكل تنتخب انتخب الصح مو الي سلم ثلث العراق لداعش و بسبه ١٧٠٠ شاب ماتو غدر بسبايكر .. لا تصير ذاكرتك ذاكرة المطي و تنسى مجازر الطائفية و لا تنسى صورهم القديمة اشلون كانو حفاي و هسة اغتنوا براسك و انت مخلصها مناشدات .. ختاماً نقول ( إن الله يحب إذا عمل أحدكم عملاً أن يتقنه ..) #الانتخابات_العراقية
Yasir 𒅀𒊍𒊏50,598 views • 11 months ago
No more content to load