ZAWIA NEWS
@ZawiaNews • 151,417 subscribers
Uncensored news from Afghanistan. Banned by the Taliban, but not silenced. #Resistance #FreePress #AfghanNews #پښتو_خبرونه
Shorts
Videos
د اريانا افغان هوايي شرکت الوتکه پرون په کابل هوايي ډګر کې د ناستې پر مهال له ځغاستليکې وتلې ده. په همدې الوتکه کې موجود مسافرينو دغه ويډيو له زاويه نيوز سره شريکه کړې او ليدل کېږي، چې الوتکه د ځغاستليکې ترڅنګ پر چمن درېږي، خو په دې پېښه کې الوتکې او مسافرينو ته زيان ندی اوښتی. مسافرين وايي، د اريانا شرکت موجوده رهبري د پرلپسې بې کفایتۍ له وجې د افغانستان دغه لرغونی شرکت د سقوط له ګواښ سره مخ کړی دی.
ZAWIA NEWS32,291 просмотров • 3 дней назад
د طالبانو خلاف اهل تشيع هېوادوالو وروسته له هغه لاريون وکړ، چې طالب استخباراتو په کابل کې د خاتم النبيين پر مدرسې هجوم یوړ. د اهل تشيع اړوند د دغې ديني مدرسې زده کوونکو تالاشي دسيسه بللې او وايي، ځينې استادان يې نيول شوي. ماسخوتن ناوخته د مدرسې مخې ته پيل شوی دغه لاريون واټونو ته غځېدلی دی. دوی د طالبانو خلاف شعارونه ورکوي او دا يې د اهل تشيع پر حقونو او مذهب تېری بللی دی. طالبانو بيا پر دغه ديني مرکز د نننۍ چاپې د لامل په اړه څه ندي ويلي.
ZAWIA NEWS20,251 просмотров • 4 дней назад
د مدرسې له کم عمره هلکانو څخه د ساعتېرۍ استفادې د يوې بېلګې په توګه، دغه ويډيو له پکتيا پوهنتون څخه د زاويه نيوز يو لوستونکي استولې او وايي، دغلته نږدې د يوې مدرسې استاد هر مازيګر يو کم عمره هلک د پوهنتون احاطې ته بوځي او په ساعتونو يې له ځان سره بوخت ساتلي وي. #مدرسه
ZAWIA NEWS226,997 просмотров • 2 месяцев назад
د افغانستان ازادۍ جبهې پر خپله اېکس پاڼه دغه ويډيو خپره کړې او خبر يې ورکړی، چې د اګست پر ۲۸مه د جمعې په شپه یې د غزني ولایت په واغظ ولسوالۍ کې پخپلو لومړنیو چریکي عملیاتو کې د طالبانو د ۰۶ حافظ بدرالدین قطعې مرستیال ملا عمر صدیق وژلی دی. د یادې جبهې په وینا، دغه قوماندان د اب کلا په سیمه کې په نښه شوی او له هغه څخه یو میل کلاشینکوف او یوه تومانچه هم د ازادۍ جبهې ځواکونو لاس ته ورغلې ده.
ZAWIA NEWS34,354 просмотров • 11 дней назад
له کابل ښار څخه يوه ډله خلکو دغه ويډيو زاويه نيوز ته استولې او وايي، د ماشومانو په خوراکي توکو کې خزنده ليدل شوې او ښيي، چې د پروسس پر مهال د نظافت خيال نه ساتل کېږي. دوی يو غږ هم شريک کړی، چې پر وټس اپ يې ياد شرکت ته د وضاحت غوښتنې په تړاو استولی دی، خو بیرته ورته ځواب ندی ورکړل شوی. خلک وايي: «موږ د کورنيو توليداتو بشپړ ملاتړ کوو. خو دوی دې هم د نظافت خيال وساتي او زموږ د ماشومانو له راتلونکې سره دې لوبې نه کوي. اړوندې ادارې دې خپل څار زيات کړي.»
ZAWIA NEWS36,266 просмотров • 19 дней назад
نن مازيګر د لغمان ولايت مرکز مهترلام ښار په عصمت چوک کې چاودنه شوې او زاويه نيوز ته په رسېدلې ويډيو کې ليدل کېږي، چې امبولانس ساحې ته رسېدلی او ټپيان انتقالوي. د ځايي اوسېدونکو په وينا، چاودنه زوروره وه او تر لرې يې غږ اورېدل شوی دی. تر اوسه د چاودنې څرنګوالي، هدف او پکې د اوښتو تلفاتو جزييات ندي ترلاسه شوي. #امنيت
ZAWIA NEWS21,482 просмотров • 12 дней назад
زاويه نيوز د نورستان ولايت لپاره د طالبانو د استخباراتو رييس قاري ضياء الحق ياسر د دوو هغو کارکوونکو د اقرار دغه ثبت شوی غږيز کليپ ترلاسه کړی، چې د پارون پشکي کلي کې يې د سيند پر غاړه پر نورستاني نجونو د جنسي تېري هڅه کړې ده. د طالب استخباراتو دغه دواړه غړي «همدرد او اسرار» پر مقابل لوري فشار راوړي، چې سيرلي، غوايان او هر څه چې غواړي ورته به يې ورکړي، خو دوی دې دغه قضيه نه افشا کوي. اسرار د نورستان د استخباراتو رياست کې د تحليل او تجزيې مدیریت مرستيال دی او همدرد بيا د لويې لارې امر دی. نورستانيان وايي، د نورستان د استخباراتو رياست هڅه کوي دغه قضيه د زور له لارې حل کړي او دغه غږ، چې د جنسي تېري هڅه کوونکي طالبان پکې وايي، «دغومره به هم بېغېرته پښتانه نه وي، چې سبا له شويو ژمنو پر شا شي»، اوس له خپلو ژمنو پر شا شوي او قربانيان يې ګواښلي دي. د پشکي کلي ځوانانو زاويه نيوز ته وويل، د طالبانو د استخباراتو دغو غړو د کلي شورا ته خبر استولی، چې په پټ ډول به يوه اندازه مال يا يو سېرلی يا غوا دوی ته ورکړي او دوی دې دغه قضيه پټه حل کړي او له هغه پرته به په زور موضوع چوپ کړي او بيا د ټولو لاس خلاص. پر نورستاني نجونو د طالبانو د استخباراتو دغو غړو د جنسي تېري هڅو په تړاو زاويه نيوز څو ورځې وړاندې خبر خپور کړی دی.
ZAWIA NEWS36,516 просмотров • 23 дней назад
د زابل د شاجوی ولسوالۍ کجيرخېل کلي کې، د ميلاد النبي ورځې نمانځلو پر سر جنجال تر اخ و ډب ورسېده.
ZAWIA NEWS18,010 просмотров • 13 дней назад
په جمهوري دولت کې د کورنيو چارو وزارت ارشد معين خوشال سادات د دوحې قرارداد پر اساس د امريکا او طالبانو له يوې پټې معاملې پرده پورته کړې ده. نوموړي د ايکس په يو بحث کې هغه کيسه کړې، چې طالبانو څه ډول د امريکا لخوا يو ورسپارل شوی ماموريت ترسره کړی دی. دی وايي، د دوحې قرارداد پر اساس امريکا طالبان د خپل نظامي ماموريت لپاره ګمارلي دي.
ZAWIA NEWS35,253 просмотров • 28 дней назад
طالبانو له پاکستان سره د غير رسمي سوداګرۍ پيلولو هوکړه کړې ده او دا مهال د رسمي سوداګرۍ ځای له دواړو خواوو قاچاق نيولی دی. دا د همدې يوې ورځې مخکې ويډيو ده، چې په قاچاقي لاره پاکستان ته له کندهاره تازه انګور رسېدلي دي. لارې خو بندې دي!!! سرچينې وايي، هره شپه له پاکستان څخه هم افغانستان ته د قاچاقي توکو موټر اوړي. د کابل په بازارونو کې پریمانه پاکستانۍ کيلې موندل کېږي. سوداګر وايي، د جګړو په ډرامو تړل شوې رسمي لارې دې نور د سوداګرۍ او خلکو پر مخ پرانېستل شي: «قاچاق تور کاروبار ته زمينه مساعده کړې، له پاکستان او طالبانو دواړو خواوو پکې ښکېلو څو مشهورو قاچاقبرو ته ګټه رسېږي.» #اقتصاد
ZAWIA NEWS20,923 просмотров • 18 дней назад
د بدخشان جګړه؛ د طالبانو خپلمنځي جګړه پنځمې ورځې ته غځېدلې او دا هغه طالب جنګيالي دي، چې تېره شپه د طالبانو ناراضه قومندان جمعه خان فاتح نيولي دي. بدخشان کې د کانونو پر سر د طالبانو او د هغوی د ناراضه قومندان تر منځ جګړه کې تر اوسه دواړو لوريو ته درانه تلفات اوښتي دي.
ZAWIA NEWS27,643 просмотров • 25 дней назад
له ۱۶ کلنې نجلۍ سره د تخار د خواجه بهاوالدين د سپين ږيري اوسېدونکي «حاجي قربان»، واده د ټولنيزو شبکو ګرمه موضوع ګرځېدلې ده. دغه سپين ږيری وايي، کومه تېروتنه يې نده کړې، په شرعي نکاح يې دغه نجلۍ واده کړې ده او ګواښ کوي، چې که په هر هېواد کې پرې چا انتقاد وکړ، نو همالته ورته کس لري او ټول به ترور کړي. داسې معلومات خپاره شوي، چې دغه کم عمره نجلۍ د پور په بدل کې پلار دې سپين ږيري ته ورکړې ده. د طالبانو په واکمنۍ کې د پيسو لپاره زړو ته په دريمه او څلورمه ښځه د کم عمره لوڼو وادولو څخه وروسته، آن چينايانو ته هم افغان نجونې ورکړل شوې او د حاکم فقر له وجې د ګڼو وادونو موضوع په چټکۍ روانه ده.
ZAWIA NEWS49,513 просмотров • 1 месяц назад
0:32
Sensitive content
This media may contain sensitive content.
له یوې ښځې سره د طالبانو د یو پولیس د جنسي اړیکو خپره شوې دغه ویډیو په خواله رسنیو کې ګرمه موضوع ګرځېدلې ده. طالبان له یوې خوا پر عامو ښځو محدودیتونه لګوي، حتا له محرم سره پر لاره تګ هم ورته سخت شوی، خو بله خوا د طالبانو خپل غړي په اخلاقي فساد او نامشروع اړیکو کې ښکېل دي. که څه هم د ویډیو کره ځای او وخت څرګند نه دی، خو د طالبانو د پوهنې وزیر حبیب الله اغا د وينا له مخې، که دا کار د پیسو یا موقتي نکاح پر اساس شوی وي، پر طالب سرتېري حد نه جاري کېږي او یوازې سپارښتنه به ورته وشي.
ZAWIA NEWS40,208 просмотров • 1 месяц назад
د جنرال سميع سادات په مشرۍ د متحدې جبهې د وروستي تصميم په تړاو د جمهوري دولت د يو پخواني نظامي غبرګون: «په تېرو پنځو کلونو کې تا د کوم نظامي د حال احوال پوښتنه کړې، چې نن په وطن کې پاتې پخواني نظاميان ستا مشروع هدف وګرځېدل او ورته د مرګ ګواښونه کوې!؟ موږ چې څه کوو يا مو کړي، د ځان او کورنۍ د ژغورنې او خونديتوب لپاره يې کوو. ته زموږ له مجبوریتونو خبر يې، چې په دې ګناه زموږ د وژلو پرېکړه اعلانوي!؟ موږ تاسې يوازې پرېښودئ او که تاسو موږ يوازې پرېښودو!؟ په دې څرګندونو بايد ته د افغانستان له ټولو امنيتي او دفاعي ځواکونو څخه بښنه وغواړې.» دغې جبهې اعلان کړی، چې پنځلسو ورځو کې دې ټول پخواني نظاميان له طالبانو سره دندې پرېږدي او کنه له هغه پرته به يې هدف وګرځي. #امنیت
ZAWIA NEWS23,105 просмотров • 22 дней назад
د کابل د بګراميو ولسوالۍ اړوند د ولي خان مېنې اوسېدونکي وايي، يو څو وسله وال له واک او ټوپک څخه په استفادې دغلته د پارک لپاره د خالي پرېښودل شوې ځمکې د غصب هڅه کوي. ځايي خلک وروسته له هغه له دې ټوپکوالو سره په لانجه واوښتل، چې هغوی غوښتل په ياده خالي ځمکه کې د ابادۍ چارې پيل کړي. خلک تور لګوي، چې د دغو وسله والو تر شا ځايي زورواکي او يو شمېر طالب قومندان لاس لري او په غير قانوني توګه د دغې ځمکې لاندې کولو هڅه کوي.
ZAWIA NEWS31,672 просмотров • 1 месяц назад
