ZAWIA NEWS
@ZawiaNews • 146,642 subscribers
Uncensored news from Afghanistan. Banned by the Taliban, but not silenced. #Resistance #FreePress #AfghanNews #پښتو_خبرونه
Shorts
Videos
دا د جلال اباد لپاره د طالبانو د ښاروالۍ د مارکېټونو د تنظيم امر قاري احمد ذکي ملنګ دی، چې له ښځو سره يو ځای نڅا کوي. دا مهال د طالبانو د امر بالمعروف قانون پر اساس، په افغانستان کې د عامو خلکو لپاره د خوښۍ په مراسمو کې هم د موسيقۍ غږول منع دي او هغوی چې په خپلو کورونو کې خوښي نمانځي طالب وسله وال يې د دروازو شاته ولاړ وي. تازه په هرات کې له واټونو څخه نجونې بندیخانو ته وړل شوې دي او امر بالمعروف په کتابونو کې د ذيروح عکسونو په څيرولو پسې ستړي دي، خو د دوی په وينا، د خپل نظام د غړو منکرات نه ويني. #امربالمعروف
ZAWIA NEWS33,173 次观看 • 2 天前
د طالبانو په استخباراتو کې يوې سرچينې زاويه نيوز ته وويل، د دوی د سرحدي پوليسو وياند عابدالله عقاب فاروقي د بچه بازۍ ګڼې دوسيې لري او له واک او ځواک څخه په ناسمې استفادې تورن دی. نوموړي يوه خامه خوله هلک ساتلی، سره له دې چې هېڅ راز رسمي دنده لري، خو دولتي زرې موټر يې ورته سپارلی، د کورنيو چارو وزارت مقام ته د داخلېدو خلاص لاس صلاحيت لري او د پوليسو د روزنې ځانګړو ځايونو ته يې له ځان سره بوځي. د دغې سرچينې په وينا، دغه شخص ته يې د کابل ښار د ۱۲ ناحيې په يو مشهور ښارګوټي کې ځای کرايه کړی او له مازيګر وروسته ورته جوړه تګ راتګ کوي: «په دې ښارګوټي کې تفنګچه په لاس ګرځي. خلک ګواښي. د ښارګوټي د هټيو مخې ته بدمعاشي کوي، ورسره خبره کول د مرګ ګواښ دی.»
ZAWIA NEWS24,463 次观看 • 6 天前
د کابل لپاره د طالبانو د علماوو شورا رئيس «پير دين محمد»، چې د شرکياتو په غږولو مشهور دی وايي، ساينس او ټکنالوژي فضول يا عبث علم دی او نبوي يا ديني علم هم کله فرض او کله بيخي فرض نه وي. نوموړي وايي، ټول ديني علم لا پر ښځه فرض نه دی، ساينسي علم خو بيخي لرې خبره ده. ښځې مدرسو ته لا نشي تللی، «سکول» ته تلل، خو يې بيخي مطلق حرام او منع دي. خليفه دين محمد وايي، که ښځې د ديني علم زده کولو لپاره هم له کوره وځي، نو ببر سر به يې وي او خيرن کالي به يې اغوستي وي: «که پاک او منظم لباس يې اغوستی وي، ان د مدرسې علم هم پرې ناروا دی او عصري علم خو مطلق حرام دی.» #امربالمعروف
ZAWIA NEWS24,422 次观看 • 12 天前
1:37
Sensitive content
This media may contain sensitive content.
د طالبـ.ـانو په ليکو کې د پاکستاني فکر او تابعيت لرونکو اشخاصو د افشا کولو په لړ کې، نن درته د ميدان وردګو ولايت د تازه ګمارل شوي امنيه قوماندان ملا عبدالحق حقاني په اړه معلومات شريکوو. زاويه نيوز د ملا عبدالحق حقاني د ۲۰۱۹ کال ويډيو ترلاسه کړې، چې نوموړی پکې د پاکستان په ملاتړ او د هند خلاف د جـ.ـهاد اعلان کوي. د جنوبي وزيرستان د تحصيل «توی خله» اوسېدونکی ملا عبدالحق حقاني د کشمير په ملاتړ او د هند ضد يوه غونډه کې دغه وينا کړې ده. د ترلاسه شويو معلوماتو پر اساس، د نوموړي کور، اولادونه او کاروبار همدا اوس هم همالته دي او دغلته د پاکستان ضد تبليغاتي اجنډاوو د افشا کولو لپاره د ای ايس پي ار د عامه اړيکو دفتر سره دوامداره اړيکې پالي. نوموړی د روان ميلادي کال د مې مياشتې پر ۱۰ نېټه د طالبـ.ـانو د مشر ملا هبت الله لخوا د ميدان وردګو امنيه قوماندان په توګه وټاکل شو.
ZAWIA NEWS19,768 次观看 • 18 天前
زاويه نيوز ته په رسېدلې دې ويډيو کې ليدل کېږي، چې د کابل ښار په شهرنو سیمه کې د طالبانو د دفاع وزارت شپږو کارمندانو د نور اغا په نوم يو ترافيک په څلورلارې کې مرګونی ډبولی دی. دغه پېښه د تېرې پنجشنبې په ورځ رامنځته شوې او ياد ترافيک په غاړه او ملا کې د شديدو دردونو له امله دا مهال په روغتون کې بستر دی. د ياد ترافيک يو خپلوان د دغې پېښې په اړه وويل، په شخصي لباس کې دغه کسان د طالبانو د دفاع وزارت کارمندان دي او دا چې ترافیک په لايزري ګروپ ياد موټر د توقف په حالت کې څلورلارې ته له داخلېدو څخه منع کاوه، نو هغوی دا خپل سپکاوی وباله او ترافيک يې د دندې په حالت کې مرګونی وډبوه: «دا د طالبي لنډغرۍ يوه بېلګه ده.» #عدالت
ZAWIA NEWS16,731 次观看 • 16 天前
له تېر لوی اختر څخه څو ورځې وروسته، د طالبانو د يوويشتمې حوزې يو طالب جنګيالي، چې د حوزې د امر «زوم» هم کېده د شمس آغا په نوم يو ځوان د موټر لپاره شهيد کړ. هغه مهال دغه قاتل طالب جنګيالی ونيول شو او د کامرې مخې ته ودرول شو، خو د مقتول د کورنۍ يو غړي اوس زاویه نيوز ته وويل، چې طالبان هڅه کوي قاتل خوشې کړي. د نوموړي په وينا: «زموږ ټول ټينګار پر همدې دی، چې قاتل د موټر لپاره زموږ د کورنۍ غړی شهيد کړی او بايد د شريعت د حکم پر اساس قصاص شي، خو د قاتل خسر او نور طالب نظاميان د حکم د تطبيق مخه نیسي، محکمو کې فساد اوج ته رسېدلی او ټوله هڅه دا ده، چې هغه بې ګناه ثبات او خوشې کړي.» نوموړی وايي، قاتل طالب او د هغه خسر د اروزګان ولايت دي او تر شا يې ملا برادر ولاړ دی، چې محکمې هم بې طرفه پرېکړه نشي کولی. قاتل طالب د کابل پلچرخي ساحه کې د شمس آغا موټر ته لاس ورکړی و، چې تر يو ځايه يې بوځي او کله چې نوموړي خپل موټر ته پورته کړی و، نو ده له شا پر سر ويشتلی و او بيا د موټر تښتولو لپاره يې د مقتول جسد د موټر ډاله کې اچولی او د تښتې هڅه کوله، چې ونيول شو.
ZAWIA NEWS337,841 次观看 • 1 年前
دا د خوست د اسماعیل خېلو او مندوزیو ولسوالۍ په ځدراڼ کوټ کلي کې د سراج الدين حقاني د کاکا ابراهيم حقاني کور دی، چې دېوال يې په عمومي لاره کې جوړ کړی او په کليوالو يې لاره بنده کړې ده. ځايي اوسېدونکي وايي، د شاوخوا کورونو او په ځانګړي ډول مخامخ کور والا په نوموړي پسې د دغې ځمکې اسناد هم اېستلي، چې دا عمومي لاره ده او هغه يې بايد خوشې کړي، خو تر اوسه يې د خلکو او جرګو او مرکو وړانديزونه ندي منلي. نوموړي خلکو ته خبرداری ورکړی، چې نور ورڅخه د دغه دېوال د لرې کولو لپاره غوښتنه ونکړي.
ZAWIA NEWS13,534 次观看 • 17 天前
8:46
Sensitive content
This media may contain sensitive content.
زاويه نيوز په کندهار ښار کې د ملا هبت الله تر ږيرې لاندې د جنسي کاروبار (مورده ګاوي) يوه دوسيه موندلې، چې ښيي د طالبانو امنيتي حوزې، طالب جنګيالي او ان قومندانان په قوادي يا جنسي کاروبار کې شريک دي. په دغه غږيز کليپ کې د رويا په نوم (اصلي نوم، شريفه د ولي جان لور) د کندهار ښار د لويې ويالې يوه اوسېدونکې مېرمن، له يو شخص سره د شپې لخوا د جنسي بوختيا د څرنګوالي او قېمت پر سر چانې وهي او د شکريې او حسنا په نوم د شريک کاروبار د نورو مېرمنو نومونه اخلي، چې د ځان لخوا يې په بانډار کې د ګډون ډاډ ورکوي. د مورده ګاوي کاروبار دغه مشره مېرمن په همدې کليپ کې تشريح کوي، چې د طالبانو اوله، دويمه، دريمه او يوولسمه امنيتي حوزه، په عينو مېنه کې طالب قومندان حاجي عبدالله او د عمر په نوم د عینو مېنې يو برحاله طالب امنيتي مسوول ورسره شريک دي او په کومه شپه چې دوی مجلس ولري د هغوی لخوا د امنيت او خونديتوب بشپړ ډاډ ورکول کېږي. د رويا په نوم د جنسي کاروبار دغه ماهره مېرمن دا هم تشريح کوي، چې څه ډول پخپله حوزه او جنګيالي ورته د خلوت په شپه نشه يي ټابلېټ ورکوي او طالب مسوولين په کوم ډول په مورده ګاوۍ او د نشه يي توکو په کاروبار کې ښکېل دي. زاويه نيوز د طالبانو د امر بالمعروف لخوا په څو ولايتونو کې د جنسي کاروبار په تور په دُرو د ګڼو کسانو د وهلو راپورونه خپاره کړي، خو دغه کليپ ښيي، چې خپل جنګيالي او قومندانان يې په ازاده همدغه کاروبار مخکې وړي.
ZAWIA NEWS246,730 次观看 • 1 年前
دی د کابل لپاره د طالبانو د ترافيکو پخوانی او اوس د کندهار د ترافيکو رئيس، ملا خيال محمد مشهور په «ملا خيال محمد غاور» دی. ملا خيال محمد غاور د جمهوريت پر مهال په کوئټه کې د نانوايانو (ډوډۍ پخوونکو) اتحاديې مشر و او په دې ويډيو کې ليدل کېږي چې هغه مهال په يو خبري کنفرانس کې د نورو نانوايانو ستونزې شريکوي. ملا غاور د غزني د اندړو دی، خو په کوئټه کې اوسېږي، همدا اوس هم هلته کاروبار او کور لري. د لومړۍ ښځې اولادونه يې همالته کوئټه کې کاروبار او زده کړې کوي: «دوه نانوايانې يې اوس هم په ګوواري روډ او جان محمد روډ فعاله دي. ټوله کورنۍ يې کوئټه کې ده.» د ترلاسه شويو معلوماتو پر اساس، ملا غاور د دندې پر مهال د اندړو ولسوالۍ په نوري کلا کې لويه کلا جوړه کړې او وروستی ځل له کندهار څخه اندړو ته په نظامي چورلکه کې تللی و: «په رخصتۍ همدا اوس کوئټې ته ځي.» د ويډيو په پای کې يې د برحاله دندې ويډيو او عکسونه ليدلی شئ. د طالبانو د اکثريت غړو دندې په افغانستان او کورونه د پاکستان لخوا د افغانستان پر قابضه خاوره پښتونخوا او کوئټه يا پنجاب کې دي، خو دغه ډله پخپلو ډرامو کې پر پاکستان د افغانستان تاسيسات او مهمات ويجاړوي او عام خلک پرې وژني.
ZAWIA NEWS46,900 次观看 • 2 个月前
د کابل د علماوو شورا لپاره د طالبانو رئيس «پیر مولوي دين محمد» د يو خليفه کيسه کوي، چې په خپل زور يې يو خر په هوا کړی و. نوموړی چې د شرکياتو په غږولو مشهور دی او شيخ او خليفه په صفاتو کې له الله تعالی سره شريک راوړي زياتوي، خليفه او پير د الله تعالی په څېر ناممکن کارونه هم ممکن کولی شي.
ZAWIA NEWS11,019 次观看 • 15 天前
په چمن کې د لغړي اتحاد مشر منډولی وايي، په سپين بولدک دروازه کې دواړه لوري «پاکستاني نظاميان او طالبان» د چمن د ازبکانو له يوه هوټله ډوډۍ خوري او پخپلو منځو کې يې کاروبار شريک او جوړ دی، خو زيان يې د دواړو خواوو عامو خلکو ته رسېږي. نوموړي زاويه نيوز ته په استولي دې پيغام کې ادعا کړې، چې د چمن - سپين بولدک جګړه ډرامه ده او د پاکستاني او طالب مسوولينو نومونه اخلي، چې پر دې تجارتي لاره يې د فساد له وجې پریمانه پيسې پيدا کړې دي.
ZAWIA NEWS13,559 次观看 • 21 天前