ZAWIA NEWS
@ZawiaNews • 149,104 subscribers
Uncensored news from Afghanistan. Banned by the Taliban, but not silenced. #Resistance #FreePress #AfghanNews #پښتو_خبرونه
Shorts
Videos
له ۱۶ کلنې نجلۍ سره د تخار د خواجه بهاوالدين د سپين ږيري اوسېدونکي «حاجي قربان»، واده د ټولنيزو شبکو ګرمه موضوع ګرځېدلې ده. دغه سپين ږيری وايي، کومه تېروتنه يې نده کړې، په شرعي نکاح يې دغه نجلۍ واده کړې ده او ګواښ کوي، چې که په هر هېواد کې پرې چا انتقاد وکړ، نو همالته ورته کس لري او ټول به ترور کړي. داسې معلومات خپاره شوي، چې دغه کم عمره نجلۍ د پور په بدل کې پلار دې سپين ږيري ته ورکړې ده. د طالبانو په واکمنۍ کې د پيسو لپاره زړو ته په دريمه او څلورمه ښځه د کم عمره لوڼو وادولو څخه وروسته، آن چينايانو ته هم افغان نجونې ورکړل شوې او د حاکم فقر له وجې د ګڼو وادونو موضوع په چټکۍ روانه ده.
ZAWIA NEWS47,939 次观看 • 4 天前
د تېرې جمعې په ورځ د بدخشان د يفتل پاين ولسوالۍ د سقوط په تړاو، دا د بدخشان د راغ ولسوالۍ لپاره د طالبانو د امر بالمعروف آمر مولوي فضل الله غږ دی، چې د سقوط څرنګوالی تشريح کوي. نوموړی پخپلو استخباراتي او امنيتي مسوولينو په غوسه دی، چې په دې سقوط سره يې د دوی «ابرو» يوړله. #امنيت
ZAWIA NEWS11,570 次观看 • 3 天前
دا د اريانا افغان هوايي شرکت الوتکه ده، چې د ښکته کېدو پر مهال يې د کابل نړيوال هوايي ډګر پر ځغاستليکه ټايرونه چاودلي او الوتکې حادثه کړې ده. زاويه نيوز ته سرچينې وويل، دغه الوتنه له اورمچي څخه کابل ته وه، چې د ښکته کېدو پر مهال دغه پېښه رامنځته شوې، خو چاته پکې ځاني زيان ندی اوښتی.
ZAWIA NEWS52,379 次观看 • 22 天前
په دوبۍ کې يو شمېر افغانان چې د سوداګر ميرويس عزيزي له شرکت څخه يې اپارتمانونه اخيستي وايي، د نوموړي کمپنۍ ترې د اپارتمان پيسې اخيستې دي، خو نه ورته اوس بېرته پيسې ورکوي او نه هم ورته اپارتمان او اسناد يې تسليموي. په دوبۍ کې دغو مزدورکارانو زاويه نيوز سره د بانکونو هغه چکونه، د عزيزي شرکت د هغو کارکوونکو معلومات او په بېلابېلو قسطونو کې د تسليم شويو پيسو عکسونه او ويډيوګانې هم شريکې کړې دي، چې د دوی په ادعا د دوبۍ په «عزیزی رویرا، میدان» کې يې پرې اپارتمانونه اخيستي دي. دغه کسان وايي، دغه پيسې يې په اول ځل يوه اندازه نغدې «۳۶ لکه او ۳۳ زره درهم/ يو شخص» د عزيزي منېجرې زینب او د هغې ورور احمد ته ورجمع کړې دي، او ورته په رسيد کې ليکل شوي، چې په دوو مياشتو کې به اپارتمان درته تسليم شي، خو اوس پرې ۹ مياشتې اوړي او ورته بهانې کوي: «زما په څېر په ګڼو خلکو اپارتمانونه پلورل شوي، خو اوس نه ورته د اپارتمانونو اسناد ورکوي او نه هم خپلې پيسې. موږ چې کله په زینب او احمد پسې ورشو، موږ ته وايي، دغه پيسې مې د عزيزي اکاونټ ته جمع کړې دي او نور تاسو پوه شه او کار مو. دواړه د عزيزي رسمي کارکوونکي دي. دغه سوداګريزه معامله د ميرويس عزيزي په دفتر کې شوې او موږ يې ټول اسناد لرو، خو نن هېڅوک ځواب نه راکوي.» په دوبۍ کې مېشت دغه افغان کارګر وايي: «اول چې درته کور وښيي، په پنځه ويشت، دېرش، پنځه دېرش او تر څلوېښت لکه درهمو پورې يې بيه کوي. له جوړجاړي وروسته يې چې درباندې وپلوري، يوه لويه برخه پيسې هماغه اول کې درنه اخلي او بيا به ورپسې ګرځې. اوس نه کور راکوي او نه هم پيسې. ډېر يې ستړي کړي يوو.»
ZAWIA NEWS35,764 次观看 • 16 天前
د پاکستان د جيونيوز ټلويزيون خبريال حامد مير له برهان الدين رباني سره خپله پخوانۍ دغه مرکه خپره کړې او د افغانستان او پاکستان تر منځ اوږدو جنجالونو ته يې اشاره کړې ده. په دې مرکه کې برهان الدين رباني، چې هغه مهال موقت ولسمشر و وايي، د خپلې دندې پر مهال مې د ملي امنيت يا استخباراتو په چوکاټ کې هغه رياست لغوه کړ، چې په قبايلو کې يې د پاکستان ضد فعاليت کاوه. نوموړی وايي، د استخباراتو له چوکاټ څخه د دغه رياست د لغوه کولو هدف او دليل دا و، چې پاکستان زموږ دوست او يو «اسلامي» ملک دی او د «جهاد» پر مهال يې هم له موږ سره ډېره مرسته او تعاون کړی دی.
ZAWIA NEWS29,271 次观看 • 16 天前
د ملي جمهوري غورځنګ مشر محسن داوړ وايي، د دوحې قرارداد له لارې پر افغانستان د طالبانو واکمنولو کې د پاکستان همکاري د همدې لپاره وه، چې پښتونخوا او بلوچستان کې پرې راپورته شوې ملي داعيه وځپي. نوموړی وايي، په پښتني سيمو کې ناامني، د وسله والو ډلو حضور او دغو وسله والو ډلو ته د هر راز ملاتړ برابرول د پاکستان لخوا د همدې هدف لپاره کېږي. محسن داوړ دغه وينا د کوئټې پرلت ته کړې ده.
ZAWIA NEWS16,537 次观看 • 10 天前
د طالبانو غړي مبين، چې ځانته جنرال مبين وايي، دريم واده وکړ. زاويه نيوز ته د دغو مراسمو ګډونوالو تاييد کړه، چې د هغه د واده مراسم تېره شپه د لوګر په «ستاره ای لوګر» هوټل کې ترسره شول. نوموړی چې د پاکستان ضد څرګندونو له امله د طالبانو د رييس الوزرا ملا محمد حسن اخند په امر بندي شوی او د دوی نظامي محکمې پر يونيم کال بند محکوم کړی و، د تېر لوی اختر په مناسبت ازاد شو. د طالبانو مشر د يو فرمان له لارې خپل غړي له دويمو يادونو منع کړي، خو دغه فرمان تر اوسه ندی تطبیق شوی. د دويمو وادونو د منع، د سمارټ موبايلونو نه استفاده کولو او په ادارو کې د خپلوانو د نه مقررۍ په اړه د ملا هبت الله فرمانونه د دوی خپلو غړو ته د کاغذ تشناب هومره اهميت هم نلري.
ZAWIA NEWS32,007 次观看 • 21 天前
د طالبانو د حقاني شبکې غړي او د پوهنې وزارت يو جګپوړي مسوول «الحاج مولوي عقيل خان روحاني» وروسته له هغه ځان په زندان کې زيندۍ کړی، چې يوې کورنۍ ته د بې عزتۍ اړولو په قضيه کې بندي شوی و. د طالبانو په زندان کې يوې سرچينې زاويه نيوز ته وويل، نوموړي د خپل کلي، قوم او خلکو له شرم څخه د خلاصون لپاره د ځان وژلو هڅه کړې، خو طالب ساتونکي پرې پر وخت خبر شول او هغه يې ژغورلی دی.
ZAWIA NEWS42,829 次观看 • 1 个月前
د افغانستان ازادۍ جبهې په يو شمېر ولایتونو کې له نظامي عملیاتو وروسته، د لغمان په دولت شاه ولسوالۍ کې هم خپل موجوديت اعلان کړ. دوی ادعا کوي، چې د طالبانو پر وړاندې به په دې ولسوالۍ کې هم خپل بريدونه پيل کړي. طالبانو بيا د دغې ډلې د اعلان په اړه څه ندي ويلي، خو وړاندې يې بار، بار ويلي، چې دا مهال پر ټول افغانستان دوی حاکميت لري او بله هېڅ ډله په افغانستان کې نشته. #امنيت
ZAWIA NEWS34,390 次观看 • 28 天前
1:26
Sensitive content
This media may contain sensitive content.
د کونړ د غازي اباد ولسوالۍ حاجي اباد مدرسه کې خپل مدرس دغه ماشوم مرګونی ډبولی دی. د نوموړي د کورنۍ په وينا، هغه د ناوخته تللو له وجې دومره وهل شوی، چې د لاسونو او پښو ګوتې يې ماتې شوې دي او په وجود يې د قمچينو نښې ليدل کېږي. زاويه نيوز ته د ماشوم د کورنۍ يو غړي وويل، کله چې دوی د ماشوم مدرس پسې مدرسې ته ورغلي، نو هغه ورته ويلي: «هغه وخت هېڅ په ځان پوه نشوم، اعصابو مې کار ونکړ، څومره مې چې زور رسېده ومې واهه.» #مدرسه
ZAWIA NEWS29,998 次观看 • 24 天前
دغه لاسي ګنډه ماران يا کوچني قاچاقبر دي، چې په تورخم کې د قاچاق پر ضد د اقداماتو په سلسله کې د طالبانو لخوا نيول شوي او ډبول شوي دي. د ويډيو په پای کې د هغه تنکي ځوان حالت هم ليدل کېږي، چې په تورخم کې له کمر څخه لاندې غورځول کېږي. خو ګنډه ماران بیا وايي: «که پيسې ورکړو، راسره همکاري هم کوي، خو که پيسې ورنکړو، دغسې عمل راسره کوي. هغه د لويو قاچاقبرو پر وړاندې هم کيسه همداسې جدي ده؟» #قاچاق
ZAWIA NEWS16,640 次观看 • 15 天前
د کابل د بګراميو ولسوالۍ مومن اباد کلي قلعه محسن کې وروسته له هغه مېرمنې له طالب جنګياليو سره لاس او ګرېوان شوې، چې دوی له پاکستان څخه په جبر د اخراج شوي يو افغان جوړ کړی کور بېرته ورنړولی دی. په ويډيو کې ليدل د يوې مېرمنې پړونی په کش او ګير کې غورځېدلی او د ۲۲ ناحيې رئيس کور جوړونکی ډبوي. د طالبانو د رييس الوزرا په لاسلیک خپور شوي يو حکم کې خلکو ته د عاجلې سرپناه لپاره په مشروط ډول د کورونو جوړولو اجازه ورکړل شوه، خو دغه اجازه لږ څه وخت وروسته بېرته لغوه شوه او اوس خلک وايي، هغوی چې پيسې ورکوي د ابادۍ اجازه ورکول کېږي، خو هغوی چې پيسې نه ورکوي د کار مخه يې نيول کېږي.
ZAWIA NEWS16,790 次观看 • 16 天前