زوربــا الســعودي
@ZoorBa10 • 58,123 subscribers
المد العالي يرفع كل قواربنا .
Shorts
Videos
وش يخلي الواحد يوصل للمرحله هذي مسخ هجين هل هذا تصرف إنسان طبيعي ؟ إنسان سوي متصالح مع ارضه ؟ سعودي يحاشر ويضارب وبيموت في المدرجات عشان يوصل لرئيس الفيفا يوقعله على علم مصر ! وش اللي وصله كذا ؟! لا أحد يقول لي هذي حالة فردية أو حماس كورة لابد ندرس التحولات الاجتماعيه اللي وصلته وغيرة الي كائن هجين الهوية . فيه لوثة اجتماعية وجائحة أممية بدون نكذب على بعض . نتكلم عن تشريح لمرض اجتماعي عشناه وتغلغلت في عروق مجتمعنا على مدار سبعين ثمانين سنة . ونتاج معامل تفريخ اشتغلت سنين على غسيل الأدمغة وتجريف الانتماء الوطني عشان يطلع لنا هذا النموذج المشوه . هذه الحالة ما جت من فراغ . ثمرة خطط لعبت في الاعدادات الاجتماعية عندنا . ولو رجعنا نفتش في الماضي بنشوف جذورها واضحة في أيام الصحوة . اللي فاهم التحولات الفكرية في العقود اللي راحت . يعرف كيف نجح رموز الصحوة بترتيب وتوجيه من شبكات وافدة سوريين فلسطينيين ومصريين إنهم يسيطرون بالكامل على الشارع وعلى عقول المجتمع . صارت عملية تجنيد منظمة . الاجنبي الحزبي تم تصديرة لصدر المجلس يفصل للمجتمع السعودي دينه ودنياه . بينما الأتباع صاروا مثل الموظفين والجند لهم ، يثبطون أي نفس وطني ووصلت حد السخرية من الهوية الوطنية يسونها دجاجة الوطنية . في مقابل تضخيم وهم الأمة الهلامي . الهيمنة هذه وصلت لمرحلة تخوف في كتاب زمن الصحوة لستيفان لاكروا اللي فتحت له الابواب ليكمل بحثه الدقيق ذكر وقائع تروع . لدرجة إنه ما كان يتعين عميد كلية في اي جامعه سعودية أو يمر قرار أكاديمي وثقافي إلا لما تشتغل شبكتهم الخفية وتاخذ الضوء الأخضر من موجه اجنبي يوضع "سي في" المعين امامه ويقرر . وصار الداخل عندنا مستسلم وجاهز يتلقى الأوامر من الخارج بكل أريحية . ولما تراجع هذا المد . استلم الدور لاعب ثاني ما يقل خبث . اللي هو الإعلام الإقليمي والخليجي الموجه . وعلى رأسهم شبكة الجزيرة وقنواتها الرياضية والسياسية . هذا الإعلام ما كان غبي . كان عارف حجمه وجغرافيته . وفهم إن ماله مدخل يسيطر فيه إلا إذا لعب على وتر الأممية الإقليمية . رفعوا سقف التماهي التام مع العروبة والقضايا المشتركة لأعلى شيء للضغط عليك لتصبح جزء من التفاعل سلب او ايجاب او دفاع عن نفسك راح تبدأ تزايد في حب قضاياهم وتعتبرها قضيتك وهذا اللي يبحث عنه عزمي . والهدف الحقيقي طول الوقت هو اختراق الداخل السعودي والتحكم في بوصلته . وعشان يربطون الخيوط صح . سلموا إدارة حسابات كبرى وقروبات مؤثرة في تويتر وسوشيال ميديا لأتباعهم . وصار شخص جالس في تونس أو بيروت أو الجزيرة يحرك الجميع بتغريدة منه ، ويوجه الوعي والبرامج الفكرية وهو مكانه . الصدمة الحقيقية . واللي يغبن فعلا هو التماهي اللي جالس يمر الان في الداخل . لما تجيك شخصيات محلية لها مكانتها . وبدال ما تحمي عقول الشباب وتوقف بوجه هذا الزحف . تروح تفتح الأبواب وتدعم هذا الفكر الأممي الإقليمي ربما بقصد المزاحمه للتاثير على المحيط .. ولكن اللي حصل العكس . الجيل الجديد والشباب لما يشوفون رموز كبار عندنا يبالغون في تمجيد وتضخيم الفن الإقليمي ، وشخصيات الغناء والسينما والإعلام اللي برا . وكأنهم قدوات ومراجع ، وش تتوقع تكون النتيجة ؟ الشاب المراهق بيشوف هذا التمجيد الثقافي شيء طبيعي وعادي . ويبدأ حتى هو يزايد في الموضوع ! هذا الدعم للخارج صنع أرضية هشة في عمق مجتمعنا . وبمجرد ما تختلف مع النجم اللي صنعناه برا في رأي او يتم الدفع له اكثر من اخرين . تلاقي الهجوم الشرس والجيوش الإلكترونية تجيك من شريحة بنيناها في الداخل بـالمحبة العمياء لشخصيات برا لانهم ابطاله . صار المؤثر الأجنبي . يملك زر تحكم يوجه فيه أبناءنا ضد وطنهم وضد كل واحد يرفع صوته حتى للرد عليه ! المصيبة الكبرى إن هذا الضخ المستمر خلق بيئة متقبلة نفسياً لكل شيء يجي من برا . وضعف الاعتزاز بالهوية الوطنية المستقلة . نعم . تلقى حب للوطن بس في الغالب هو ارتباط مشروط بحب الرفاهية والراحة والفلوس وليس وعي سياسي حقيقي ومتأصل . أو تلقى اعتزاز محصور في القبيلة والمنطقه وبس أما الهوية الوطنية السعودية الشاملة فيتم تأكلها بمعاول يسارية أحيان بنكهة تعدد العرقيات والثقافات وفتح الحدود والهجرة . أو يساري إسلامي وإقليمي بدعاوى اللغة والدين والامه ، يصفق للكل ويقدس الكل إلا أرضه وتاريخه . استمرار بعض النخب والقيادات في التعاطي مع هذه المواضيع بهوس ودون إدراك لأبعادها . يشكل تحدي مستقبلي وعبء حقيقي على وعي الأجيال . فالهوية الوطنية مو ثوب نلبسه ونفسخه في المناسبات . الهوية هي الوجود. وهي الحد الفاصل بين إنك تكون صاحب سيادة أو تابع لغيرك .
زوربــا الســعودي30,625 次观看 • 22 小时前
بما أن الليلة مكاشفة تعالوا شوفو الفضيحة والمهزله اللي مرت في دورة الالعاب السعودية . بدل نكتشف ونعد جيل سعودي ، الملايين راحت على مرتزقه فلبينين وهنود وغيرهم من المحيط . دورة العاب أُسست وهيئت بهدف اكتشاف المواهب السعودية والناشئين ودعم أبناء البلد . تحولت بقدرة قادر إلى ساحة للمنتفعين والمرتزقه من الخارج ! يجيك لاعب محترف أو معتزل من الفلبين من الهند ودول المحيط يدخل بفيزا زيارة أو يطلع إقامة سريع . لاحظو كيف بكل بساطه ويشترك في بطولتنا المحلية عشان يشيل مليون وعلى بلده ! ملايين ممكن نعد فيها ابطال اولمبيين سعوديين في اغرق الاكاديميات العالميه . تروح عشان نطلع كيوتين وشراكة إنسانية نوزع ملاييننا على مرتزقه ونحرم ابنائنا . تمكين المواهب السعودية مو شعار نكشخ فيه في المؤتمرات . تمكينهم يعني حمايتهم من هذا التحايل الفاضح المهين . ما يحدث هو تدمير ممنهج للجيل الرياضي القادم . وإهدار علني للمال العام . ويجب محاسبة المتسببين في هذه الثغرة والفضيحه المخجلة .
زوربــا الســعودي220,955 次观看 • 17 天前
الحين عرفنا سبب الهجوم الشرس على الوزير . تصريحه هذا يؤكد أن لديه موقف قوي ووطني من قضايا السعودة والتوطين في شتى المجالات . هذي التصريحات لم تعهدها اللوبيات اصابتها بحاله من الهستيريا ، مما أثار شبكات وأصحاب المصالح . وكانت الحملة من الخارج أشد شراسة وأكثر تنظيم تابعتها . لذلك الحملة كانت تنتظر اللحظة المناسبة فقط للهجوم جاهزة .
زوربــا الســعودي99,393 次观看 • 1 个月前
زاد عدد المتسولين مر من عندي سألته كيف وصل قال زيارة عنده اثنين معسكرين في الجهه الثانيه . برضه المافيا اليمنيه وهي الكبرى في هذا الصنعه دون منازع . اصبحت تستأجر اشخاص من جنسيات اخرى بعد ما استهلكت التعاطف الشعبي , الدوره الماليه هذي كلها تصب عند الحوثي والانتقالي والاصلاح كلهم معتمدين عليها على بالكم ايران والامارات الخ تصرف على الكائن هذا .
زوربــا الســعودي70,259 次观看 • 2 个月前
没有更多内容可加载