Skip navigation
Hyderabadi Style Ande ka Korma😋😋
0:00

Hyderabadi Style Ande ka Korma😋😋

#recipe #reelitfeelit #foodvlogging

Hyderabadi Style Ande ka Korma😋😋 #recipe #reelitfeelit❤️❤️ #foodvlogging #foodporn #virel Ingredients: 5 Ande ½ tsp Namak (ande ubaalne ke liye) 50g Moongfali 50g Khus Khus 50g Safed Til 50g Sukha Khopra 2 Pyaz (tal kar) 1 tsp Jeera 1 tsp Sabut Dhaniya 100 ml Tel 1 tsp Jeera Curry Patta 1½ tbsp Adrak-Lahsun Paste Namak swad ke hisaab se ½ tsp Haldi Powder 1 tsp Lal Mirch Powder 100g Imli (pehle se bhigi hui) ½ tsp Garam Masala Hara Dhaniya 2–3 Hari Mirch Method: Sabse pehle ek steel ke bartan mein paani daaliye. Usme ½ tsp namak aur 5 ande daal kar ubaalne ke liye rakh dijiye. Ab ek pan mein 50g moongfali, 50g khus khus, 50g safed til aur 50g sukha khopra ko halka sa roast kar lijiye. Saath hi 1 tsp jeera aur 1 tsp sabut dhaniya bhi roast kar lijiye. Ab in sab cheezon ko ek mixer jar mein daaliye. Isme 2 tale hue pyaz aur ½ cup paani daal kar ek smooth paste bana lijiye. Ab ek kadhai mein 100 ml tel garam kijiye. Tel garam ho jaaye to 1 tsp jeera aur thoda sa curry patta daaliye. Jeera halka sa chatakne lage to 1½ tbsp adrak-lahsun ka paste daal kar bhuniye. Ab swad ke hisaab se namak, ½ tsp haldi aur 1 tsp lal mirch powder daal kar masalon ko achhi tarah bhuniye, jab tak kacchi smell bilkul khatam na ho jaaye. Ab tayyar kiya hua paste daal dijiye. Jar mein ½ cup paani daal kar wahi paani bhi kadhai mein daal dijiye. Sab kuch achhi tarah mila kar dhak dijiye aur 6–8 minute tak pakaiye, jab tak tel upar na aa jaaye. Ab 100g bhigi hui imli ka ek cup khatta nikaal kar gravy mein daal dijiye aur kuch minute aur pakaiye. Udhar ubale hue andon ka chilka nikaal lijiye aur har ande par beech mein ek halka sa cut laga dijiye, taki masala ande ke andar tak chala jaaye. Ab andon ko ek-ek karke gravy mein daaliye. Upar se hara dhaniya, hari mirch aur ½ tsp garam masala daal kar low flame par dhak kar 4–5 minute aur pakaiye. Jab tel upar aa jaaye, gas band kar dijiye. Tayyār hai aapka lazeez Hyderabadi Style Anda Korma. Ise garma-garam roti, naan ya baghare chawal ke saath serve kijiye aur iska zabardast taste enjoy kijiye.

Comments

Comments from the original post on Instagram

No comments yet