إبحث عن الأم في كل حالة ، إذا الأم نظيفة، العائلة كلها نظيفة والعكس صحيح !

اغلب العزابية وصخين مايشيل حتى سرواله اللي يفصخه من مكانه 🙂 ونروح نرميها على الام !! دامك صرت رجل عاقل بالغ حر انت مسؤول عن تهذيب نفسك حتى لو كنت بدون ام او امك ماربتك زين

مفترض هالعينات ترفع أسمائهم لوزارة السياحة وتشهر بهم وحتى مواقع الحجوزات مفترض تحط تقيم النزيل مثل ما فيه تقيم السكن برنامج( أير بي ان )رهيب جدا في هالحركة تقرأ تعليقات وتقيمات العميل قبل يسكن افرح اذا قريت كلام اصحاب الشقق في غالب دول العالم وهم يشكرون ويمدحون مكارم الأخلاق نعمة

وش دخل الام كلشي براسها ممكن مامعهم ام مجرد بنات او عيال والاب وين دوره وهيبته هو اللي يأمر ويسمعون منه اكثر من الام بعدين اعرف نوعيات عكس امهم تماما يعني مالها علاقة

وش دخل الام من اول المقطع ادور اثار الام قلت ممكن ام جايبه اطفالها الين شفت الدخان واضح شباب صيع كل حياتهم مع ابوهم بالملحق والا بالشارع

لا هذي أماكن الرجال إذا طلعوا منها وهذا طبعكم، الأم ما بتقعد تلاحق عيالها بكل مكان ولا تستخدمونها شماعة تعلقون عليها أخلاقياتكم القذرة.

ياحووول يا هالأب دايم مجهول قدرة والله لو ايش ما كان ما اسلم غرفة والا شقة ولا حتى سيارة اجار الا مرتب قدر المستطاع ومنظف اللي اقدر انظفه واتعجب من هالعينات كيف تطيعهم أنفسهم ولا يخجلون

والله أغلب البيوت النساء فيها نظيفات والذكور هم القذرين، الزوجة ماهي ملزمة تربي الذكر العالة اللي أمه عودته تشيل بعده، ولاهي ملزمة تكون خادمة لابناءها الذكور وتطلعهم عالات. واللي يرمي موضوع النظافة على المرأة باين إنه قذر ومتعود إن حريم بيته ينظفون وساخته.

والاب وين دوره ولا بغيبوبة ولا ميت ولا خارج التغطية

ههههههه طبعا والاب من ذوي الاحتياجات الخاصة مسكين مايعرف ينظف بس يحوس ويرمي الاوساخ وراه زي الاخبل

إذا لم تتخذ إجراءات صارمة الجهات المسؤولة وغرامات. فسوف يتم العبث بمقتنيات الفنادق والشقق. وكذلك يجب أن يكون هناك غرامات مالية مرتفعة لإيقاف العبث في الممتلكات العامة من الحدائق والشواطي والمنتزهات العامة. وكذلك رمي النفايات والمخلفات في الشوارع. الموضوع لايحتاج الى جهد كبير بل يحتاج إلى موظفين في كل مكان يرصدون المخلفات وإعطاء غرامات مالية. فذلك سوف يوجد أجيال جديدة ترفض ظاهرة تدمير الممتلكات العامة والخاصة

حليلها الام كل شيء ع رأسها معروف الطفل والولد قدوته الأب الأب نظيف ومرتب ومايرمي وراه وينتظر الزوجة تشيل وتكنس تحته بيطلعون عياله زيه

يا هالأم اللي كل شي براسها ليش ماتعترفون أن فيه منكم عدد كبير مروح وقذر وبدليل شقق العزاب الذكور عبارة عن مزابل لأنكم اتكاليين و هالأم شماعة

غلطان يا عزيزي اذا كان الأب مخنز فلا تتوقع عياله بيطلعون عكس ابوهم اذا هو بنفسه علمهم الوصاخه في الشقق بيطلعون اقبح من ابوهم بعض الأمهات عاشت في بيئه عند اهلها نظيفه وتزوجت واحد معفن ومهما حاولت تحسن من زوجها تفشل لأن ابو طبيع ما يغير طبعه

هذا سلوك أطفال ابوهم كان يضرب امهم هذه الفوضى نسخه طبق الاصل من الفوضى داخل أرواحهم إذا رأيت الفوضى في حياة احدهم فأبحث عن العنف ضد المرأه

وليش تحملون اخطائكم المرأة دائماً..؟!! ليش مايكون العكس ..؟! لماذا تجعلون أنفسكم دائماً ملائكة ، والمرأة هى👹والسبب في كل شيئ اليس هذا فيه تعنصر وتنصل من اخطائكم ورميها ع الطرف الآخر كهروب المشهد فيه بقايا سجاير يعني الفوضى العارمةهذي ورها رجل ومادخل امه ..!!#وعي ياحماعة ..

ابحث عن الذكر اللي يساعد او الذكر العالة اللي يسبب كل الفوضى

من وجهة نظري ، اشوف اي احد يترك مكان متعوب عليه بهالصورة يتعمم اسمه على كل الفنادق ويحرم من توفير هذي الخدمة ويبلغ لمن يجي يحجز ويؤخذ عليه تأمين عشان يتربى ويتأدب ، اللي مايهذبه القران يربيه القانون .

لاحول ولا قوة الا بالله شنو ذا مستحيل ولا تربط سوء الشخص بامه او ابوه تصرفات فرديه لاتمت لاهلهم باي صله والله فيه امهات نظافه نظافه وترتيب لكن باليها ربي بنت او ولد رثه وصخه طمل سواء بلبسه او مجلسه او غرفته لاتربط الأفعال بالأم والأبو وربي بريئين براءه الذيب من دم يوسف

والاب وين دوره؟ وين راحت القوامه ؟ وين راحت الوصايه ؟ وين راح ولي الامر الامر الناهي والمتسلط والمتحكم واللي ماتطلع وتدخل الاباذنه كانها فاقده الاهليه والعقل والتمييز ناقصة العقل والدين كيف تحملها المسئولية وتتنصل منها ياكامل العقل والدين!؟

احيانا اروح عند اهلي اشتاق لهم مره ابغى اقعد كم يوم الى اسبوع ما يخلني اكثر من اسبوع ارجع بيتي يلق لق زوجي ينظف و يعرف يغسل و ينظف و يطبخ يقول أمي من احنا بالابتدائي علمتنا نعتمد على انفسنا و النظافة و أمي نفس الشي مع إخواني ما عندهم انت ولد ما تشتغل اختك تشتغل الكل يشتغل

كان الله في عون الام

الرجل صاحب المكان معه الحق كامل لكن انت يا استاذ سعيد هل الرجل مخلوق بلا عقل ! هل هو بهيمة ! إذا هو كان قاعد معهم معناها شاف هذا المنظر وبالرغم من ذلك طلع وتركه وحتى دخانه ماشاله ممكن نبطل نعامل الرجل كطفل ونحمله المسؤولية مع المرأة + إذا الام والاب نظيفين بيكون المكان نظيف

حطيتها براس الام !!! لو الرجال الاب حازم و نظيف كان ما يقبل تسليم الشقة وهي بهذا الشكل و بالأخير هي غرفة وصالة كأنها علبة سردين يكنسها بالمكنسة وتنتهي المشكلة ، ما يستاهل كلما طلع مستاجر رفعوا جوالاتهم وتبدا الحلطمة المعتادة

كل ماصار شيء قلتوا الام !! 😂 القذر قذر ولد والا بنت وحنا صغار كان الوالد يقول لنا تدرون من الي ياكل ويقوم ماضف الي عقبه ؟! الحيوانات تاكل وتسرح😂 وليومك كلنا مانتكل على احد ينظف عقبنا نرتب مكاننا وثيابنا ودولايبنا ويوم رحت للبعثة كنت ارتب المجموعة لاني عندي ابو علمني الصح

الرسول عليه الصلاه والسلام قال امك ثم امك ثم امك في القران الكريم (( ان اشكر اليّ ولوالديك))! من عظمة الام ايضاً ربطهما معاه قي الشكر والامنتاان! انت مين ياسعيد عشان تسقط مشاكلك العائلية اللي تشوفها قدامك على امهات العالم! وش هالذمة الوسيعة!! ليش قاعد تؤدلج العالم ع زوجاتهم!

واذا الاب قذر !! كثييير عاد اباء تشوفهم مثال لاولادهم وقذرين يكبون ويرمون بكل مكان اي شي والديل شوفهم بالسياره حقته تدخل تلاقيها مكب زباله مو سياره النظافه شي شخصي ماتحتاج احد يعلمك اياه النظافه من الايمان اذا تعرف تتوضأ وتصلي بتعرف نظفك مجلسك!!

الله المستعان كأنه خراب وتوسيخ متعمد اللي أجرلهم كيف يخليهم يطلعوا قبل ما يشبح المكان بها الشكل ويخليهم غصب ينضفوهوالمتكسر يصلحوه أو يدفعوا حقه... حرام عليهم ..

كل شي في راس الام! يد وحده ماتصفق اذا الاب ياكل ويرمي والعيال كلن ياكل ويرمي الام وش تسوي لوحدها؟ بعدين ماتشوف الدخان والدزرت يعني ٨٠٪ يكون رجال اللي مستأجر الشقه

مو معقوله ان ماتعرف الى الان ان الشخص البالغ هو المسؤول الاول والوحيد عن تصرفاته متى نتخلص من عقلية التبرير للجاني!واذا قرات القران ماتمر عليك اية ( ولاتزر وارزرة وزر اخرى) يفترض القران يعمل تشكيل لعقلك بحيث تقدر تعطي احكام !

الأم والأب وافق شن طبقة

تعليقك خلى الناس يركزون في الدفاع عن الام وتركوا الجريمه اللي نشوف ما اقول الا حسبه الله عليهم ونعم الوكيل الله ينتقم منهم عديمين الدين والذوق والمبادئ كلهم

الأم النظيفة هي سبب الكثير من الأتكالية بالذات الذكور على مر السنين دورهم تنظيف وتشيل من بعدها من هم أطفال إلى المشيب وكذلك الأب يعيش نفس الدور مع أمة فلا أحد يربي و القذارة سلوك نشاهدها في الحدائق العامة والشوارع و في السيارات الذي يفتح الشباك ويرمى قذارته على الماره بلا خجل😵‍💫

ويقول ابحث عن الأم في كل حالة . الله يعظم اجر الامهات على كثر ماحطوا برؤوسهم كل شئ غلط وظيفتها تغير رجال اذا تزوجته اذا كان فيه طباع مو زينة و تتحمله وتربي عيالها واذا عيالها كبروا و صاروا رجال و صدرت منهم تصرفات قالوا ماتربوا امهم ماربتهم.

عندما يطلق الشخص حكم سطحي ومتطرف ع هذه القضايا أو أشخاص أبرياء لا علاقة لهم بالمشكلة، فإنه يعكس قصر في طريقة تحليله للأمور وافتقار للعدالة في الحكم.

شدخل الام انت رويبضه و عاله ع كل مشكله فرد من ال(ذكور ) او خطأ من ال ( ذكر ) قلت الام و المرأة و الانثى و الحرمة مثير للاشمئزاز . اكثر القذرين و العاله هم ذكور حتى م يستحمون ولا ينظفون تحتهم ولا يقصقصون اظافرهم ولا يفرشون اسنانهم عالجوا مشاكلكم بعيد عن المرأة فهي بريئة منكم.