ابراهيم صالح: في حركة تفيدكم في السفر اذا طلبتوا تنظيف الغرفة في الأوتيل غصبًا عليه راح يرتب السرير اخر يوم في السفرة عندك الشنطة اللي تحط فيها الملابس الوصخه شيلها كلها وحطها فوق السرير واطلع واتحداه يرتب السرير بدون لا يرتب كل الملابس اللي فوق السرير.

الاشكال ذي اتكاليين وهمج مااقدر اوصف قبحهم وش دخل عامل الفندق بملابسك وملحقاتك الشخصية وطمالتك وبكل ثقه طالع يتكلم وينصح اللي مثلك المفترض يستحي ويستر على نفسه بس زمن عجيب

قلة ادب واستغلال للضعوف وبكل بجاحه يقولها ومبسوط واللي معه يضحكون نعنبوكم عاجزين تلمون ملابسكم القذره

اكبر خطأ في السفر تخلي شخص غريب يرتب شنطتك خطأ واحد يوديك سجن ١٠ سنوات

للامانه حركه وضيعه وتدل على طمالة الشخص اللي ساكن! نعم هذي اغراضك الشخصيه المفترض قبل يدخلون اساسًا تجمع كل اغراضك اما بالكبت او الشنطه لانها صدق شي خاص ومب ملزوم يسفط ويرتب ملابسك! هو مسؤول عن نظافة وترتيب الغرفه مب تسفيط ملابسك

عيب هالكلام .. مايصح استغلال الناس لمآرب شخصية ولعمل شيء خارج حدود عملهم. التذاكي في بعض الأحيان يكون منقصة على صاحبه.

لا طبعا انا انظف الغرفة قبل اطلع اصلا اذا فيه منديل طايح بالارض شلته اذا فيه كيس بارميه اخرجه جنب الباب برا ارتب حتى السرير ترتيب خفيف

فيه كيسين غسيل بكل غرفة حط ملابسك فيها وقفله وحطها بالشنطه !. الفلسفة الزايدة وحب الطمالة انتشرت بين الناس!.

هذي قلة أدب وقلة ذوق وقلة احترام والله العظيم إني أسافر الحالي وانبسط جداً ولا أحب أسافر مع شخص تطلع حركاته مثل ذا يخرب عليك السفر كامل بوساخته واحتقاره للآخرين عامل ضعيف راتبه يمكن ما يتجاوز الألف تتمنذل معاه بالطريقة ذي

وصل الكسل حتى ملابسك وشنطتك ماترتبها !!؟

مريض نفسي محتاج علاج

هذه اسمها دنفسه ودناءه من النزيل الواحد يخاف الله في تصرفاته ولا يتجبر على موظف ويحمله شغل ماهو شغله

ليه هاللفه كلها اطلب طبيعي I need your help ويساعد واهو مبتسم وراضي بدون استغفال وتذاكي

ليش حقين الرياض كذا اتكاليين و ما يقدر يخدم نفسه

هاذي حركات قليلين الأدب الي متعود علي همجيه في حياته شنطك و مقتنياتك مسؤوليتك الشخصيه انت ترتبها

انا اعرف انهم حتى اول ماتوصل يقدرو يفضلو لك الشنطة كاملة في الدولاب لكن اشعر ب انسانيتي لما اخلص اموري اللي اقدر عليها بنفسي ولو تعبت مثلا مرض لاسمح الله اكتبلهم في الورقة اني مش تمام واحتاج مساعدتهم في ترتيب شنطتي مع بقشيش غير كذا انا ادميه اشيل ورايا

هذي تربية بعض الامهات مع اولادهم الذكور ماتعلمه اي مهاره بالحياه حتى ابسطها ملابسه يرتبها او يغسلها ويكويها

اطلب منه يرتب الملابس وعطه بقشيش حق تعبه يستاهل الدعوى مهيب تذاكي

هههههه مرة بموت من الضحك ، هل كل شيء يقال وهل هو أسلوب حضاري وهل هذا الشيء يعتبر صحيح؟ اتمنى ان نغير نظرتهم عننا بالاهتمام بالنظافة العامة

اصلاً مايرتبها لك ياخذها ويحطها على الطاولة ويكمل ترتيب السرير هم نظامهم مايلمسون شيء للنزيل انا اخذ معي كوب خاص واحياناً اطلع من الفندق وهو يبي غسل مستحيل يغسله مع انه يغسل اكواب الفندق اللي بالغرفة ،ونقطة ثانية إحرص على ملابسك البيضاء ترى أحياناً يأخذونها بالغلط مع المفرش

يعني عادي عنك يمسك ملابسك الوسخة وهو ماهو عارف إنتوا ماتسمعوا ( لا يؤمن أحدكم حتى يحب لأخيه ما يحب لنفسه ) المفروض ملابسك الوسخة تجمعها بنفسك او يمسكها شخص عارف وراضي إنه بيغسل ملابس وسخة

من جده ذا؟

طيب عادي عطه المقسوم وكله رتب شنطتي ورتب الملابس ولى رتب ملابسك بشنطتك انت احسن وأمن.

كنت ابرد نفس ردودكم. بس قال في الاخير فيه ورقه وقلم على الطاوله اكتب ثانكيو وحطها داخل الشنطه اللي بيرتبها وحط مبلغ حسب قدرتك. هنا صراحه لطافه ومصالح متبادله الكل مستفيد

نصائح الكسالى والله ما احب اترك وراي شيء حتى الغرفة قدر الإمكان ارتبها واستمتع اني اسلمها مرتبه بقدر المعقول

هذا ابراهيم خيرالله موب ابراهيم صالح. وعموما شهاب الدين اضرط من اخيه. 😅

في كل دول العالم من أول ما أوصل أحط DND على الغرفة، والنظافة أجيبهم وأنا موجود عشان أضمن ما يلمسوا أغراضي، وأرتب غرفتي قبل المغادرة.

هي ملابس مو نظيفه المفترض في كيس داخل الشنطه تكون هالملابس فيه يعني الموضوع مو محتاج ترتيب والأهم من كذا الأسلوب جدًا وضيع 👎🏼

هذي وساخة مو تحدي

واحد وظيفته سيئة ومن اقل الوظايف رحمة بدل ما تصير خفيف لطيف وتشيل عنه، تزيد الوضع عليه بسوء طبعك وأخلاقك ليش أعوذ بالله

إنسان تافهه ومن يطبل له تافهين أكثر منه الناس ترتب المكان قبل لا تغادره حتى لو دافعه القيمه

نصائح ما انزل ﷲ بها من سلطان تأنفها أخلاق العرب والمسلمين….المسافر سفير لبلده وقيمة ودينه وعرقه.

يعني جايب سالفه مهمه الحين يخرب بيت فضاوتك

أكره الناس القذرة نحن ننظف كل شيء أول بأول وكأن المكان بيتنا لأننا نعيش فيه فما نقبل بالقذارة ولا يمكن أسمح لأي عامل يلمس ملابسنا النظيفة فما بالكم بالوسخة!

وليش ماترتب اغراضك انت انظف وافضل ماحب احد يلمس اغراضي ليش انتم اتكاليين

ليه أخليه يرتب ملابسي و يمسك أعراضي !!؟ رتب ملابسك بنفسك