ابطرده 🔥👌🏼 حي عينك يا شنب والله يكثر من امثالك صاحب السيارة الصغيره رفض الامتثال للدوريات وبكل وقاحه انحاش لكن روح الرجال وحسه العالي بالانتماء وسرعة بديهه قرر انه يساعد رجال الامن ( حتى انه عاش جو المطارده ) ♥️

تلقاه قصيمي مافيها كلام .. لعن الله ابو ذالوجهه يالوصخ ملقوووف .. لوصار فيه شي وانت تلاحقه ..

قصيمي يدور لحايس يحسب فيه مكافئه

لو اني مكان العسكري بمسكك انت وياه انت وش دخلك تطارد ، لو صدمت احد ومات بتقول كنت اساعدهم ؟؟؟

المشكلة معضم الي في التعليقات بزارين يكررون الكلام لاكن الصحيح ان المواطن هو رجل الأمن من الدرجة الأولى ولو حصله شي أثناء الملاحقه الدولة لن تتخلى عنه بما قام به من دور بطولي ومساعدة رجال الأمن بل ستقف معه وا المخطي يقاله اخطئت وا المصيب يقال له أصبت غير كذا مافيه

ابطردوه والله من اللقافة هههههه واذا كان بزر مظلل وارتبك وانحاش وتسببت به بحادث ؟ وشولوه تسذا

هذا المواطن الصالح شاف الموقف وقال أنا لها

الله من اللقافه بس ابطردوووه وش لك شغل يابو تراب لو انقلب الي قدامك بسبب مين؟ ولا هو من اختصاصك اصلا انك تلحقه ياملقوف الله يقلع ذا العينات اي والله

لقافة في غير محلها لو لاقدر الله صار حادث عليك او عليه وراح فيها ضحايا ؟؟؟ تتوقع يسامحونك يقولوا لك كفووو وش استفدت بتأكلها 10-0 مو شغلك شغل الدوريات وبيجيبونه لاتشيل هم

لعن الله ابو هالفرة صدق، شغل حكايم يا الاصلع المغوار وش دخل ابو شكلك مسوي عنترة و مساهم؟؟؟ بعدين هالمقطع كيف اصلا انرسل و طلع من عنده! ان كانه مسلمه للشرطة كدليل وهم نشروه فهذي كارثة، و ان كانه هو اللي ناشره للشعب عشان يتباهى فالمصيبة اعظم و النية كانت شو و ترند من البداية!!!

اثبات بسيط لمقولة سيدي ولي العهد محمد بن سلمان ان المواطن السعودي هو رجل الأمن الأول

والله فعلك طيب والمواطن رجل الامن قبل الدوريات ف اهنيك على بطولتك

شكرا وبيض الله وجهك وذي علوم السعوديه ومن سكنها

وش دخلك تطرد وراه

والله من اللقافه خلك في معرض التمور والرطيبات مالك ومال المطارد 😡

لو صدمه وذاك مات راعي السياره بيتحاسب 100% وتصير قضية جنائية عليه كويس انتهت على كذا

طريقة مراوغه لتشتيت الدوريات وتمرير سيارات ثانيه

الحمدلله ان راعي السيارة وقف بس والحمدلله ان العسكري مشاك

الجميع غلطان الهارب ليش تهرب راعي الفزعه غلطان مو شغلك لو مات محد ينغع يطبق فيك الشرع لانه تدخلت في شي مو من صلحياتك العسكري غلطان اذا سمح له يطرده لو مات راعي افزعه من المسؤل لازم ع الجميع يعرف انه فيه نظام يطبق ع الجميع لا حد يتدخل بشغل غيره تشوف شي غلط بلغ

مع احترامي له والله انها لقافة انك تتدخل في شغل غيرك هذا شغل الشرطة والدوريات لوً صاًر له شي لأسمح الله اهله ماراح يتنزلون.

ذنب وليس شنب

لو يصدم العامود ويموت اكلها القروي القصمنجي بالسجن يقولوله منهو موكلك تأخذ دور الحكومه انتبه بعض اللقافه تحني عليك طول عمرك

ابطردوه سجل رقم لوحته واطلع منها

اللي حز في نفسي الشماغ طار

بيض الله وجهه، ما قصر أبد، موقفه يدل على شهامة ووقفة مع رجال الأمن 👏🏼

ماهي شغلته ولا له علاقة والمفروض يتسطح هو و راعي اليارس في نفس الدورية

لو مات خلها تنفعك الفزعه

ليش مايكون المساعد رجل امن خارج الدوام و التعليقات السلبيه على انه ملقوف ماهي صحيحه ممكن يكون الهارب مطلوب أو معاه ممنوعات فيكون الفزعه في مكانها الصحيح والحافظ الله

طيب لو سوا حادث ؟ انت وش دخلك الدوله هي من تتدخل وقادره تجيبه شدخلك انت بالامور مثل هذي

لقافه

ياملا اللقف والله لو صادمك وقالبك

الي سواه اكبر غلط المفروض يوقف

وش دخلك 😂😂 تدري لو صار له شي انت تتحمل المسؤوليه كامله وخل رجل الامن الاول ينفعك 😂

على كذا كلن بيطرد ويقوم بعمل الشرطة . هو بالاول والاخير حتى لو هرب بيمسك محد يفلت من قبضه رجال الامن

@bekdbdo طيب لو طلع مسلح و ذبحك و بعدين؟

الي سواه غلط وراح يتعاقب لانه عرض حياته للخطر رجال الأمن قادرين أن يخلوه يطير في الهوى بس حكمه منهم عشان أرواح الناس الي في الشارع ماتتعرض للخطر