ابوه مسافر، وحضر عند جارهم يعزم ضيوفه رجولة مبكرة ، تبارك الرحمن

هياط ❌❌❌ وعادات وتقاليد ليس لها الا الخساير ومضيعة وقت .. وبعضهم الا اغلبيتهم لايعزم الا اصحاب المناصب والمصالح .. لكي يتودد له ويكون قلبه محبب للضيف .. وهيا كلها رياء وسمعه مصطنعه .. القيل والقال في مجالسهم واحيانا توصل للسب وللشتم بعد إكرامهم للمضيف .. ولااسباب عديده منها ينتقدون ويعيبون على المضيف حتى على اشكال التمر وطبخ العشاء .. وينتقدون حتى على مقاس حجم الذبيحه صغيره ويطعنون في كرمه ونزاهته . والاغلبيه ليس عنهم مبدأ .. ولا عندهم مكارم الاخلاق ولاتقدير المضيف لو كان فعلهم محبه وإخاء .

الأخ محمد الزهراني جرت العادة عند قحطان وكثير من القبائل اذا عزمك جارك او قريبك على مناسبة، تقوم وتعزم ضيوفه، تقديراً لصاحب المحل وتقديراً لضيوفه، والضيوف يوافقون او يعتذرون حسب ظروفهم، الولد قال له ابوه انا مسافر، احضر المناسبة وتعذّر الضيوف، والولد قام وعزمهم ورمى شماغه تأكيد على رغبته بإكرامهم، الضيوف اعجبهم موقف هذا الشاب الصغير، واكبروا فيه هذه الجرأة والثقة والفصاحة، واعتذروا منه بلطف وسلموا عليه ودعوا له بالخير والصلاح. هذه كل الحكاية ، وحتى وإن كان فيها ( هياط) كما ذكرت انت، فمرحبا بذلك الهياط، وهو افضل الف مرة من شباب الأساور والمكياج والدلع اللي نراها عند بعض الشباب هداهم الله ، وهم قلّة ، ولكن يجب ان ندعم الشباب الذين يتمسكون بعاداتنا الطيبة، ونرفض الميوعة والأمور التي لا يقبلها دين ولا عرف،، تحياتي.

ماشاءالله تبارك الرحمن ، الأبناء قرة عين وفخر الأمهات والاباء اذا الله اصلحهم👍👇🖤

أنعم وأكرم بالمربي والمتربي إذا شفنا منطوق الابن علمنا منطوق الأب القدوة اللي ماخذ منه علومه الطيبة وعلمه الغانم وعلّمه معاني الرجولة ويطلب منه احياناً تحت نظره يعزم ويتكلم وينطق بمنطوق البلاغة ويقوم مقامه حتى يتعود سلوم الرجاجيل !! وهذه التربية بالمحاكاة والتعويد

الله يحفظه لكن رميه للشماغ وقدام شيبان ماتصلح كان اكتفى برد الشايب عليه ،، وما نختلف الكرم من صفات العرب جميع

وينشأ ناشئ الفتيان فينا علي ماكان عوده أبوه مافعله هذا الفتي جميل جدا. ويرفع الرأس والاجمل أنه قوبل باحترام شديد من المدعوين ومن الحاضرين. وأنزلوه المنزلة اللائقة به في حسن الانصات وجميل الرد. انها شيّمنا وعاداتنا وتقاليدنا العربية الاصيلة . ورثناها كابرا عن كابر وسنورثها لأبنائنا بإذن الله.

ليش تحسسونا ان عاداتنا وتقاليدنا اشياء غريبة ؟ هذي عادات السعودي الاصلي في السعودية .

انشهد انه كفوووو … وانه رجال من ظهر رجال … والله يجزاء والدينه خير الجزاء .. انشهد انه علم وادب واحسن التربيه

ياليت يلتفت لدراسته ومستقبله ويخلي عنه الهياط المبكر هذا الفيدو راح ينتج منه رجل مهايطي يبحث عن الشهرة خلاص أبوه مسافر مو لازم يعزم الناس ماهي في صحراء مقطوعه والموضوع واضح مرتب للتصوير

الانتقادات اللي في الردود امركم غريب ياخي الله يحفظه لـ أهله ماشاء الله تبارك الله ونعم التربية . فصاحه وثقل 👍🏻 ما سوا شيء غلط 🫡