اتحدى باقي المشاهير يصورون كذا 🤭😂وربي انك كفو جابلهم الغش على بطنه 😂😂😂

باقي اهم فقره يسوي عروض باسعار تنتهي ب٩٩ ويجيب مشهور سلتوح يعلن له عن مسابقة وجائزه سياره روز موديل ٢٠٠٩ ويجي ممثل وزارة التجارة ويسحب الجائزه وبعدين تمتلي المستشفيات من اثار التلوث والحساسيه والربو والجيوب الانفيه وتتكلف وزارة الصحه بمعالجتهم

العود ينقسم لاربع اقسام : ١- طبيعي غابات وهذه نادر وغالي وصعب الحصول عليه ٢- طبيعي مستزرع وهذا متوفر بكثرة وهو الغالب الان في سوق الطبيعي وسعره متوسط ٣- محسّن خشب العود مطبوخ في مادة الرسين او الرزين مع الميناثول ٤- صناعي خشب عادي مطبوخ في الرسين مع الميثانول

هههههههههه أحسه على نياته

ص صدقت هو على نيته

هذا غش ؟؟؟ ياخي حرام عليك تدلي بدلوك وانت جاهل يأخي هذا اسمه العود المحسن خشب خاص لصناعة العود وبعد تكسيره بأشكال معينه ويدهن بماده من عصارة العود وبعده ينزل للاسواق ومعروف اسمه العود المحسن ومنه انواع افضلها المروكي والكلمنتان وهذا مراحله لكن انك تغرد بالغش فأنت شخص جاهل للاسف

الغش في العود والعسل وزيوت وكفرات السيارات منتشرة من زمان ولا عندك أحد

عود طبيعي ( غابات او مستزرع ) عود محسن ( خشب عود ولكن جودته رديئة ) ويضاف له مادة الريسين عود صناعي ( خشب خشب ) ويضاف له مادة الريسين نصيحتي ابتعد عن المحسن والصناعي وعليك بالطبيعي لو كان أقل جودة

هذا عود مصنّع وموجود من ضمن الاختيارات بكل محلات بيع العود واللي يفرق إن فيه من يُفصح للعميل بأنه صناعي والبعض يمارس الغش ويقول بأنه أصلي او يتلاعب بالألفاظ ويقول محسّن وجودة ثانية ...الخ ، المهم أن هذا شكله واضح للجميع احفظوه حتى لا تكونون ضحايا

كثر غش في العود العسل و الزعفران معروف ، مستلمه ابو يمن شوفو المعيقليه بالرياض أكوام ومن البائع 😃

ماهو غش! هذا عود صناعي ومعروف إنه صناعي يصنّع من مادة الريسين الغش اللي يبيعك إياه على إنه طبيعي وللمعلومية سعره رخيص ومناسب لذوي الدخل المحدود اللي يحب منهم رائحة العود. الطبيعي صار أسعاره فلكية أوقية (30 جرام) على ألفين وثلاثة

استغفرالله وش ذا الغش و الجماعه يحلفون انه طبيعي وكذا آخر شي حطب يقص و يحط له كيماويات وتحسينات هذا اكبر ⚠️ ‼️ خطر على صحة الناس المستهلكين يا ناس اتقو الله لا تغشونا نريد الصحة والعافية والصدق في البيع والشراء ومخافة الله قبل كل شيء احذر اخي المستهلك العود المصنوع خطر ⚠️ علينا

هذا عود صناعي يقّطعونه بأشكال مختلفه يسبب السرطان زرت مصنع بين كولالمبور وسنغافوره مع عميل لنا عراقي إبن حلال عايش بين ماليزيا واندونيسيا يبيع العود الطبيعي والمصنع الذي زرناه كله غش للناس وطريقتهم يطبخون العود في زيوت عطريه وزيت الخردل وهي مضره يبقى ٤٨ ساعه على نار هادئه ثم يخرجونه للتنشيف ، وبعد ذلك يدهنونه ببوية الأحذيه اكرمكم الله اللون البني والأسود ، واذا وضعوها المستخدمين على النار تزبد والسبب الزيوت والجاهلين في شراء العود يفرحون يفكرون انه عود طبيعي وسبق ان حذّرو من استخدام هذا العود قبل عدة سنوات في جريدة عكاظ اعتقد ،،،،، وللأسف شاهدت في المعيقليه اكوام كأنها اكوام حصى في المحلات ويشترونه برخص هذا مااحببت اوضحه والله من وراء القصد

العود ولحم الإبل أوسع مجالات الغش والاحتيال وأبعد ماتكون عن الكشف لغير أهل الخبرة والمعرفة .

هو يصور بنية صافية بس فضحهم وهو مايدري واضح ان المصنع غير نظامي ويديرونه عماله مخالفه

هاذاء الشمالي الرويلي جاب من المصنع الان يبيع الكيلو بالف ريال

متى يترجل واحد يطلع طريقة غش زعفران المحلات اللي عندنا وعلى رأسهم خيوط الزعفران اللي يجيبون شرش ذرة ويرشونها بنكهة زعفران يبيعونها بمبالغ فلكية اللي مستغربته كيف ما احد من اللي يشترون منه عرف مع انه واضح لاي حمار مايعرف الزعفران ولا قد شافه ع الاقل شاف شكل شرش الذرة

ليت الحمير يفهمون أن مافيه حيوانات أو غزلان تكفي الشعب كله وهم ماغير يبخرون . يا غبي أنت وياة ماعاد فيه عود جاي من بطن الغزلان او من الأشجار الطبيعية أو من بطن الحوت و الله لو غابات الأمازون كان انتهت و انقرضت جميع انواع الحيوانات.

والله الاشياء هذي روائح مسرطنة والناس ماتدري هذي امراض ومواد كيميائية مسرطنة ومواد تهلك الرئه والجيوب الانفية .. ويجيك واحد مدرعم ومسوي فاهم يقول عود محسن لو توجه له سؤال كيف محسن ماعرف يرد

من الهند مباشرة انواع مختلفة من ٥٠٠ ريال الى 15 الف حتى يختبرونك عطر الي عندهم بالشرب لو كان مو طبيعي يتضرر

طيب ذا موب غش، هذا العود المحسن او الصناعي ويوضح البائع انه محسن او صناعي

بطل فضحهم هم فكروه يمدحهم

هذا مضر للصحة وفي تقارير تقول يسبب سرطان محسن صحيح لكن شنو نوع الخشب؟ وهل الدهن عود بهذه الكميات طبيعي اكيد لا ومستحيل، ادهان عود صناعية ومو طبيعيه والأسعار تثبت ذلك الله المستعان

✋🏻العود الاصلي قليل جدا والاسعار خياليه بسبب قل الأشجار والأغلب الموجود في السوق مصنع كلهم مثل بعض لاتغركم الأسماء التجاريه

لا والعامل يشتغل ولاهمه مكمل الشغل شغل النصب والاحتيال هذا عود المهرجانات والحدايق

هذا العود الي كتم انفاسنا في المجالس والمساجد . تلقى الرجال يخسر له خمسة الاف على خروفين ولا جا العود حط من ذالصناعي كسرتين بعشره ريال

طيب كلامه مافيه اي شي هذا العود المحسن والمصنع اذا ماتعرف معناها مشكلتك ماهي مشكلة البائع وسعره يقدر عليه الكل،اما العود الطبيعي الاصلي ينباع بالتوله وغالي جداً على حسب ندرته وفيه انواع لو تشم ريحته من الاصلي ماتتقبله وبتفضل المحسن عليه الشي الثاني فيه عود مستزرع بعد ويعتبر اصلي

الصنف هذا معروف وهو المحسن ومن خشب عود طبيعي مافيه رائحة .. العود الطبيعي الزراعي موجود وبعض أنواعه اقل سعراً من الطبيعي المحسن والعود البري موجود والسوبر منه وأعلى زبائنه محدودين لانه مرتفع السعر وين الغش في الموضوع تبغى عود عليه الكلام ادفع ومحد يغشك

ترى العالم تدري ان في شي مصنع .. حتى حقين العود المحترمين يعلمون الزباين في شي مصنع وفي شي محسن ..

هذا مو غش هذه طريقة صنع العود الصناعي وكذلك العود المحسن والفرق بين الصناعي والمحسن هو نوع الخشب المستخدم ، فمثلاً في المحسن يستخدم خشب شجرة العود اوخشب الصندل بينما الصناعي اي خشب عادي.

اهم شي ريحتها زينه🤣

اخوي ما شرحت المحتويات التي يطبخ فيها هذا الخشب لكي يصل ريحته مثل رائحة العود المروكي وغيره ابحث وتجدها سبق ان عرضة في احدا المواقع لكن انا كتبت مسبقاً اذا الرائحه مقاربه للعود لا تقربوها لانفكم او تشموها عن قرب اجعلوها بعيده لانها مضره وممكن تسبب مشاكل صحيه على الجهاز التنفسي✍️

هذا اكثر شخص قذر وشوه صورة السعوديين عند الدول والاجانب انا اتكلم على ذاته ولا قبيلته والي ينتمي لها محشومين ..

هذا العود الصناعي او المحسن مو عود طبيعي ومعروف ان سعره رخيص جدا ... وهذا المصنع مو في المملكة في دوله شرق اسيا

سكة الطيب @sokkat_alteeb يصور وهم يقصون الشجره تحصل قناته يوتيوب