اتخيلو ناس بتابعها الاف الناس وبتسمع رايها وبتفرح بالمقابلات معها لانها رح تسمع ارائها بمختلف المواضيع العامة، وبالتالي مرات من محبتها رح تعتبر رايها مهم ويحتذى به، بتلاقي عم يقول: ما بتجوز سيدة مطلقة! هيدا اذا ما سألنا الاعلامي: انو معقول بعد فيه اعلامي بيسأل هيك سؤال؟ #النُخَب

وصدقا مش قادرة اتخطى مضمون الفيديو، سؤال وجواب…النفحة الذكورية بإعتبار النساء مادة جدلية للسؤال، وحياتهن وصيرورتها بتتوقف ع رأي حدا متل هالثنائي العظيم

شو حكي غلط الرجل؟هل ممنوع يعبر عن رأيو؟ هل كل رأي ديمقراطي يصبح ذكوريّ متل ما قال المذيع؟ هل يحق للإنسان الرجل أن تكون له إرادة أم تردن رجالا مسيّرين؟ ما الذي أخطأ فيه؟؟؟

انا ماني لا مع ولا ضد بس بعتقد كل حداً حر بتفكيره وبمعتقداته ..ما في حاجه نهاجم لان هوي حر هيدا رايه لا يمثل الا نفسه متل ما انا ما رح اقبل اتجوز حداً مطلق لان هيدا تفكيري ومقتنعه فيه كمان هوي ما بتجوز مطلقه ومش تقليل من المطلقين .. وعادي نتقبل الرأي بما انو رأي .

طيب اذا رايي انو ما عندي مشكلة بزواج بنت عمرها ٩ سنين،بتعتبريه حرة برأيي وهيدا شي بيخصني وحدي؟ هيدي الناس مفروض رايها بيأثر عشريحة من الناس لي بتابعها، واساسا مش مفروض يكون فيه سؤال بيتعلق بخصوصيات المرأة وحياتها وظروفها النساء وحياتهن وحياة البشر بشكل عام مش مادة لاسئلة جدلية

معليه خلي الاعلامي يسأل هيك سؤال لنشوف فنانيننا كيف بيفكروا يا ريتو نافق وكذب اقله لنضل قادرين نشوفو عالشاشة حاسة بقرف من هون لتخلص الدني

والله ما قادرة اتخطى تعابير وجهو

عفكرة في امهات ما بيقبلو إنو إبنن يتزوج إمرأة مطلقة وبتجبر ابنها على عدم الزواج وبتكون سبب بتركها فبهل حالة مرأة حاربت مرأة.. بالنهاية كل إنسان عندو حرية إختيار شريك حياتو ما في شي معيب او مسيء قالو بحق المرأة

اصلاً المرأة المُطَلقة لا تتزوج هيك مساطر لأنها بتكون اتعلمت الدرس من أول زواج وبصير بدا شخص اعمق من هذه النماذج!

طوني ليش؟ليش يا طوني؟

والله العظيم ما بتعرفي ليه هيك بيجاوبو ! مثلا ما بيفكرو عالقليلة حتى لو رايهن هيك مريض انو في ناس عم تحضرهن وتابعهن؟!