🔴 اتصل على وزارة التجارة يشتكي على أسعار مغسلة ملابس 🧺 .. قالوا له: مو اختصاصنا، كلم البلدية. ☎️ اتصل على البلدية.. قالوا: كلم وزارة التجارة! طيب وش الحل؟ الرجال ما قصّر.. شبك وزارة التجارة والبلدية في مكالمة جماعية وقال: تفاهموا أنتم وحددوا مين المختص.

مره شكيت على مغسله وراح موظف التجاره للمغسله ودق بعدها علي يفهمني النظام ان اذا المحل حاط التسعيره بالمبلغ حتى لو مرتفع عن السوق مالهم علاقه ب اسعار المحل ولا يتدخلون فيه المخالف ان يذكر لك سعر ماهو باللائحه او اعلى من المذكور

شيء يزعل صراحة رغم فكاهية الموضوع ، كثير من المشاكل عندنا تنتهي بعدم معرفتنا لجهة الاختصاص الفعلية و لما نوصل للجهة المختصة من خلال منصة بَينة ، الافادة ما تكون كاملة و يرتفع ضغطك و بالنهاية تتبخر السالفة و الفاسدين ينتصرون و يقلدهم الامعة و تنتشر المشكلة على اساس انها ( طبيعية ).

نفس الاشكالية في مشاكل السفلته في الطرق العامه.. تحار بين البلديه والأمانه والنقل.. كلن يحدك ع الثاني .. فين استبيانات رضا العميل وفين الالتزام فيها؟ وفين مركزية البلاغات وتوزيعها؟

ههههههههههههه الفكرة ذكية ومضحكة جداً لكنها مفبركة مستحيل يردون بنفس الوقت يمغطونه تحويلات يخلص من واحد وهو ماكلم الثاني

السوق السعودي سوق حر ولا فيه تحديد أي سعر إلا السلع المدعومة من الدولة أما التسعير فهو مفتوح ولا تتدخل الدولة في الأسعار التجارة اختصاصها الغش التجاري والعيوب والضمان وغيره الأمانه مالها دخل بالأسعار الشي الوحيد اللي تخالف عليه هو عدم وضع سعر للخدمة ولا تتدخل في السعر المكتوب

زحلقة الشكاوي أصبحت ظاهرة .

يتصل على مركز بيّنة ويوجهونه للاتصال المناسب 935

لا يمكن النظر في شكوى غلاء الأسعار إلا في حالة مادة اساسية واحدة ؛ وهي حليب الأطفال فقط غيرها يفتح الله يقولك فيه بدائل روح مكان ثاني لا تبثرنا !!

من حق صاحب أي نشاط تجاري يحط السعر اللي يشوفه بما يراه مناسباً لتكاليفه وجودته واستراتيجيته. ومن حق المستهلك يختار اللي يناسبه، إذا ما يعجبه السعر فعنده بدائل كثيرة في السوق. السوق يقوم على العرض والطلب، أما الشكوى لمجرد أن السعر ما يعجبك فليس حقاً ولا حجة، بل خروج عن منطق المنافسة الحرة.

الثمن حق العاقد فإليه تقديره والأصل حرمة التسعير بالإتفاق لقوله ﷺ: ((إن الله هو المسعر،القابض الباسط الرزاق، وإني لأرجو أن ألقى ربي وليس أحد منكم يطلبني بمظلمة في دم ولا مال)) ولقوله تعالى ((إلا أن تكون تجارة عن تراض منكم)) وإلزام البائع بسعر محدد ينافي الآية والسوق مفتوح

انا بلغت على اعمدة إناره في الحي تعمل ليل نهار وما خليت وسيلة تواصل الكهربه تحولني على الأمانه والأمانه ما تعالج المشكلة وللأسف ان هذا هدر للمال العام وعدم اداء الأمانه .

بالنسبة لاسعار مغاسل الملابس مافيه تسعيرة ثابته كل مغسلة تضع السعر المناسب لها بشرط وضع قائمة اسعار بلوحة واضحة في المحل موضح فيها جميع الاسعار للخدمات المقدمة وللزبون الحق والاختيار في المغسلة المناسبة له

الأخ ذيب الحركة عيب «غلا السِّعْرُ على عهدِ رسولِ اللهِ صلَّى اللهُ عليه وسلَّم فقالوا له لو قَوَّمْتَ لنا سعْرَنا فقال إنَّ اللهَ هو المقوِّمُ أوِ المسَعِّرُ إني لَأَرْجُو أنْ أُفَارِقَكُمْ وليس أحدٌ منكم يَطْلُبُنِي بِمَظْلَمَةٍ فِي مالٍ ولَا نَفْسٍ» الراوي : أبو سعيد الخدري

غير الاسماء في الجوال وحطها ارقام الجهات الرسمية وكلم اخوياك وتصير ترند👏👏

نفس وضعي عندي مشكله و الخدمه ذي تقدمها وزارة الموارد البشرية ورافضين يساعدون يقولون روح لمكتب العمل و مكتب العمل يقولي لا الموضوع عند قوى وقوى تقول لا عند الموارد البشرية وعلى ذا الحال الله لا يوفقهم

الاسعار .. ونظاميتها الموضوع لا هو عند البلدية ولا التجارة الموضوع عنده هو "العميل" . . اترك المغسلة الغالية وتوجه لمغسلة ثانية .

ملاحظة موظف التجارة راقي و مهني و أسلوبه مهني كذلك. موظف البلدية تحس انه ممشيها فهلوة

يعني خدعوه ولا ايش مافهمت؟ ولا بس ماعجبته اسعار المغسله ويبي يبلغ

نفس الي نشوفه داخل قطاع واحد كل موظف يقول مو عندي القسم الفلاني المشكلة عدم وضوح السياسة والضبابية مزعجة جدا جدا هل نشتغل على المشكلة ونحلها؟ لا ادفن المشكلة الين يسكت وتتراكم المشاكل بدون حلول للاسف

يحط السعر اللي يبيه ماعجبك روح لغيره الدولة تلتزم بضبط سعر السكن والغذاء والدواء وتمنع الاحتكار الباقي رفاهية

تسممنا كلنا فوق 10 من مكان وبلغنا قالو دقو ع التجاره دقينا قالو دقو ع الصحة دقينا قالو دقو ع المستهلك 😂😭

يتصل على بينة

مندوب وزارة التجارة صادق قال : لنا علاقة فقط في اسعار المنتجات مغسلة ملابس يُعتبر خدمة يغسل بريال او ريالين او عشرين ريال يستخدم ملطف ملابس و يستخدم مجفف او يحطها في الشمس كل محل و له سعره مشكلة إذا الشخص ما يعرف الفرق بين السلعة و الخدمة

دائما أردد: أنظمتنا قوية لكن الخلل في عدم التطبيق سبق ودقيت على الرقم المرفق في البيان اعلاه ببلغ عن عمال يشتغلون احساباتهم الخاصه قالوا ماهو من اختصاصنا! قلت وتعميم الوزارة؟ قال الوزارة ما يدرون ان الواقع مشتبك واختصاصات كثيره كيف نلحق العمال في الشارع! ف الاخير قال تعال القسم🤣

تمثيل ، اصواتهم واسلوبهم تعرف انهم مو موظفين استقبال اتصالات

لا البلدية ولا التجارة مسؤولة عن الاسعار ما عجبتك اسعار المغسلة رح مغسلة غيرها ما عجبتك اسعار المغاسل اشتر غسالة وغسل ملابسك في بيتك

مالهم علاقة بالأسعار إذا كانت معروضة سواء في بطاقة السعر ويبيع بنفس سعر العرض مهما رفع الأسعار هذا عرض وطلب فيه غيره يبيع بسعر رخيص لا تشتري من عنده فيه مواقع تبيع بسعر أقل اشتري منها وزارة التجارة تتدخل إذا كان عارض سعر ويبيع بسعر مخالف

هذا الحاصل مع كل جهة كلاً يرميها على الجهة الأخرى

الصح رقم موحد للبلاغات الكل الوزاراة تقول للموظف طبيعة الشكوى ومن نوع بلاغك يحولك الجهت الاختصاص تقولهم البلاغ والمكالمه مسجله كامله عند الطرفين الي حول بلاغك والي استقبلها

والله هذا الشيء دارج للأسف! تشتكي جهة تحوّلك لجهة ثانية، والثانية ترجعك للأولى، والثالثة تقول: مو اختصاصنا! وفي النهاية المواطن هو اللي يدور بين الجهات. المطلوب أن تتفاهم الجهات فيما بينها، لا أن يصبح المواطن حلقة وصل بينها. #خدمة_المواطن #جودة_الحياة

رهيب ذا هههههههههههههههه

تتصل على بينه يوجهونك لذوي الاختصاص وبعد ماتتواصل معهم وتقول وجهوني بينه لكم يقولون لك مو عندنا هذا حال التجارة والصحة

ههههههههههههههههههههه

@abduilaziz_ اعتقد مالهم صلاحية كلهم لانو التاجر حط سعر تبي ولا شوف مغسلة ثانيه المخالفة اذا متفقين ع رفع الاسعار

أي شكوى تتعلق بالأسعار فهي تندرج ضمن اختصاص وزارة التجارة ، البلديات مالها علاقة بشكوى الأسعار .