أتمنى صراحة يصدر قرار من البلدية بمنع مواقف السيارات العامودية .. وتكون المواقف المائلة هي المعتمدة دائماً

تفضل

المشكلة ليس بالعامودي او المائل المشكلة عدم الالتزام بالخطوط او عدم تخطيط المواقف اصلا

المشكلة مو مشكله مايله او عمودية المشكله مايلتزمون بالموقف صح ويطلعون عن الخط نفس المشكله بتصير اذا مافي التزام + العموديه تاخذ مساحه اكبر ويالله يالله المحلات او المؤسسات موفره مواقف زي الناس.

المواقف ترسم بدون أبعاد دقيقه واخذ بالاعتبار انواع السيارات المختلفه يعني مو معقول تخطط مواقف على مستوى سياره صغيره وتبي جمس XL يوقف بأريحية. التركيز على عدد المواقف سبب كبير لضيق الموقف أصلا ناهيك عن عدم احترام الوقوف على حدود التخطيط من الاساس ولكن المشكلة سببها مشكلة تاسيس

قاتل الله الجهل الغلطان انت مو صاحب الجمس انت واقف غلط وميل سيارتك مقدمتها خارج موقفك عشان كذا صاحب الجمس ضروري يوقف بميلان

اللي قاهرني اكثر صاحب المقطع بكبره واقف غلط😂 و واضح الفورد واقف مستقيم (عامودي) يعني هو بداها بوقفه غلط ويلوم الناس اذا قفلو عليه دق ع المرور وعطهم لوحته يتصلون عليه 😅

يعني بالله اخسر موقف إضافي عشان طويزات الدب رح الله لايهينك وقف بعيد في برحه وامش لحد ماتنحف وتستفيد من المواقف العامودية

مواقف السيارات لدينا مشكلتين رئيسيتين: الاولى: التخطيط من الأساس خاطئ الثانية: تصرفات و اخلاق السائقين .. ماشين على مبدأ (أنا و من بعدي الطوفان)

المواقف اللي مثل هذي امسك موقفين ولا علي من احد

كفو يالذيب

في بانوراما مول المواقف الخارجية مائلة وكثييير مايعرفون يوقفون مايل وخذلك إنتظار وزحمة سيارات لين السيارة توقف مايل

والله دايم اقول مواقف الزاوية سيئة جداً حوادثها كثير في الدخول والخروج انه يحك السيارات حولها + في عرقة مافيه خدمة ياكثر الحوادث سببها ان الي واقف وهو طالع ياخذ مسارين عشان يطلع ويصدمه واحد ماشي، وأمس تعشيت في مطعم رجعت لقيت أحد مقفل علي بابي اضطريت ادخل السيارة من باب الراكب🙂

المشكله ماهي عامودي او زاوية! المشكله في مساحة الموقف!! يعني ليش يسمحون لصاحب المنشأه بتخطيط عرض الموقف أغلبها مايجي مترين ونص؟!! أهم شي عندهم كثر المواقف وليس تنظيمها للأسف! لابد يتركون مسافه لفتح الأبواب ويبدأ بعدها تخطيط الموقف الثاني.

كلهم مخطئين صاحب اللكزس والجمس لم يقفا الوقوف الصحيح لو تلاحظون الخطوط الصفراء تبين لكم

يارجل خلهم يحددون مقاسات (قياسية) لعرض ومساحة الموقف ، كل يوم عشر هوشات و شكاوي و دعاوي بسبب مواقف السياكل -كل سيارة تضرب باللي بجنبها- ؛ و إذا قدرت توقف ، ما قدرت تنزل أو تركب.. ما تكلمنا عن وضع و معاناة كبار السن أو أصحاب الهمم...

المفروض البلديه تسوي مواقف بين سياره وسياره رصيف وتكتب نظراً لوجود متخلفين تم تصميم هذه المواقف

@abusaud75 يا نواف الرجال اللي مصور المقطع هو الغلطان وقوف خاطيء اجبر صاحب الجمس يوقف خطأ مثله

المفروض كذا التخطيط

و الله يا نواف حتى المواقف المايلة يسكرون عليك ... ودك و الله برقابة صارمة بالمواقف اي واحد ما يوقف زين يتخالف ب ١٠٠٠ ريال ملينا من بجاحة و همالة بعض البشر

صارت لي وانا حامل في التاسع ماترك مسافه ابد في مواقف المستشفى ويوم حاولت ولا قدرت طبعا زوجته في السياره كلمتها تنادي زوجها قالت لي في الصيدليه انتظري الين يخلص طبعا هي في السياره مكيفه وانا تبيني انتظر الساعه ٣ العصر في شهر يونيو طبعا كلمت الشرطه وجابوه يحركها

هو اصلاً من الأساس وقفته غلط

لهذا السبب اسفط بعيد علشان لحد يسفط جنبي ويصكر على الباب للأسف في ناس ماتستحي همه نفسه مو مهم غيره تعبان مريض كبير بالعمر لا اهم شي يخلص شغله

. " اول ما قصيت الليسن كنت ناقد على مفهوم ( القيادة فن و ذوق و أخلاق ) و اعتبرها اوڤر بس مع الوقت استوعبت ان لو الجميع طبقها يمكن حتى ما نحتاج شرطة لتنظيم السير " 🙇🏻‍♂️

المواقف عامودية وهذا واقف غلط ويشتكي، زين ما سوا فيه راعي الجمس

باين عليه حتى هو مقفل على صاحب الفورد قبل وجاء صاحب الجمس ورد الغلطه مثله وتورط

العامودي ياخذ عدد اكبر

ذا اللي بالمقطع هو واقف غلط بعد

من آمن العقوبه اساء الادب

اللامبالاة اسوء فئه نواجها نظام ( الانا ) والباقي طز

حتى المواقف المايلة يصير فيها ذا الشي وانت الصادق خل يوسعون الموقف وش المشكلة يصير ٣ متر لسيارة عرض

مواقف بعض المحلات من ضيقها حتى وانت واقف صح اللي جنبك ما يمديه يطلع فلابد واحد من السيارات ياخذ موقف ونص علشان يصير فيه مساحة لفتح الباب والدخول .

مالك الا ذا الوقفات الخايسه صورها لكلنا امن

أريح وأسهل حتى ما احسها تاخذ مساحه زي العاموديه 🫢

بيجيك واحد راسه مايل كلوه واحد ي قصيمي 🌹،

كيف العموديه ؟ فيه سوء فهم او سوء مفهوم لمعنى كلمة عموديه