أحد الزميلات بيتها في الشمال وتعمل في احد المستشفيات بوسط الرياض. صارت تخلي سواقها يوديها للمحطة القريبة من بيتها وتروح باقي المشوار بالباص. واسعاره رخيصة ساعتين =٤ ريال ٣ ايام=٢٠ريال ٧ ايام=٤٠ ريال ٣٠ يوم=١٤٠ ريال و المشاوير مفتوحة لك خلال المدة بمعنى خذ لك تذكرة لشهر أوفر واريح... لك من معاناة زحمة الرياض.show more

بسبب تواجدي في أيرلندا آخر ٣ سنوات واستخدامي اليومي للباصات هنا لدرجة اني استغنيت عن السيارة لما شفت الباصات بالرياض والشرقيه انبسطت جدا وقررت أجربها وجربت باصات الشرقيه في شهر رمضان وكانت التجربة رهيبه بعطيكم الفرق بين الباصات في أيرلندا والسعودية ١- باصات السعوديه مكيفه .. واللي هنا غير مكيفه وبالصيف نخيس فعلياً والريحة تكتم 😷 ٢- الباصات بالسعوديه تجي على الوقت .. وهنا تتأخر بين ٥-٢٠ دقيقة ٣- هنا في مسارات للباصات وممنوع اي سيارة تدخل المسار الايسر لانه مخصص للباصات إلا إذا كان الشارع فاضي تماماً .. بالسعوديه للاسف ما فيه هذا الشيء ٤- هنا محطات الباصات في كل حي تقريباً .. بالسعوديه للاسف لازم ما فيه تغطيه لكل الاحياء ٥- محطة انتظار الباصات هنا مفتوحه .. بالشتاء يذبحنا البرد وحنا ننتظر .. بالسعوديه غرف مكيفه ونظيفه ٦- هنا حسب اتجاهك راح تلقى باص راح يوديك .. بالسعوديه وبالشرقيه تحديدا إذا بغيت اطلع من غرب الدمام مثل الفيصلية والمنار للخبر راح اضطر اطلع لوسط الدمام وبعدين اخذ باص ثاني للخبر بشكل عام الباصات في آلسعوديه تتفوق على الباصات في إيرلندا وبريطانيا بس تحتاج وقت وشغل عشان تصير مناسبة لجميع الناس وفي جميع الأوقات

اول مرة اعرف ان فيه باصات بالشرقية

النقل العام الهدف من استخدامه هو الوصول السريع وليس التكلفة مع انها مهمه لكن الأهم هو الوصول السريع كذلك استخدامك لها ليس فيه نقص في مكانتك الاجتماعي لو اشتغل المترو قد يستغرق المشوار الذي من شمال الرياض الى وسط الرياض اقل من ٧ دقايق وفي السيارة اقل شي ٣٠دقيقة الوقت اهم من المال

اتفق معك وانا استخدم المواصلات العامة لما اسافر ولا ارى بهذا انتقاص مني. لكن مثل ماتفضلت الأوليات مختلفة بالنسبة لي الأولوية سهولة الوصول لها (يعني قريبة مني مشي) وسرعة الوصول وتوفر المواقف

تدفع راتب للسواق وتدفع للباص عشان بس تلاقي حل للزحمه وتوصل للدوام 🙂

هي محتاجة السواق للبيت ومدارس اولادها فراتبه مدفوع مدفوع. لكن كذا وفرت المشاكل والضغط النفسي والبنزين وزحمة الطرق ومشاكلها والمخالفات السواق يوصلها لمحطة البيت ماياخذ خمس دقايق مقارنة مع ٤٥ دقيقة رايح و٤٥ راجع سالتها عن طول المشوار قالت انها توصل بالوقت وميزة الباص تغفي عينها مقارنة مع السواق الي يوترها وكل شوي بريكات

هذا فقط مسار او مسارين فقط انا طلعت من الحمراء مخرج ٩ الى جامعة الملك سعود مسار واحد وصلت بعد ساعتين لان الباص يكون بالخدمة و يوقف عند الاشارات كلها و يترك الطريق السريع 😂

طويلة ساعتين بالسيارة ماياخذ نص ساعة لمكان يبعد عن بيتي ربع ساعة لاحظت بالتطبيق انه اوصل في ساعة ونص وهو مكان عمل لهذا اتمنى ينظروا لموضوع الوقت لأنه مبالغ فيه ان توصل بعد اربع اضعاف الوقت كذا ماحيكون مغري

جيد ولكن كون اني استخدم السيارة من اجل الذهاب الى محطة الحافلات هنا انتفت الحاجة كليا من النقل العام.. حتى تستخدم النقل العام بكفاءة لابد ان يكون ارخص واسرع واسهل من السيارة!

اتفق معك تماما وكذلك أن يكون اسرع من السيارة تفاجات من طول مدة الرحلة وانها اطول من المدة بالسيارة اعتقد لو حققوا @riyadh_bus هذه المعادلة بأن يكون ارخص، اسرع، اسهل وصولا،من السكن إلى الوجهة سيقبل عليه الناس اكثر