( احد يبيعني كرسيّه من الصغار ) تصرف شيخ حكيم .. ومازال هذا الموضوع اكثر موضوع يسبب احراجات بالمناسبات !

(نبا نقدرك حدنا حيين وانت حي) لازم جيل الشباب الحالي والصاعدين بارك الله فيهم ينتبهون لهذي الجمله ويتمعنون معناها عمييييق

وفاء وتقدير واحترام كبار 👍🏻

والله تصرفه حكيم … دايم في المناسبات الموضوع هذا احراج يجي شيخ قبيله او رجل مسؤال وتجد على الكراسي شباب واهل محل !!! هذا ان قلت له عط مجال لضيف ياخذ المحل زعل وابتلشنا ما يقدر انه راعي محل او شباب

بديهياً مفروض يقوم .. من غير مايحرج نفسه ويحرج المعازيب والضيف

صدقت اخوي ماجد تجي للزواجات تحصل شباب واطفال لايقدرون الضيوف وكبار السن تجدهم جالسين ويشاهدون كبار السن والضيوف واقفين يحرجون قريبهم وايضا عند العشاء تجدهم يسابقون الضيوف وكبار السن على الكراسي ناس المواجيب والمرجله ماتعلموها ضروري تعالج مثل هذه الاشكالات

نسأل الله السلامة !

اي والله انك صدقت فعلا احراج للمعازيب يجون شيوخ القبايل والضيوف مايلاقون محل يجلسون فيه .والكراسي متربع بها الشباب وبعضهم من عيال عم المعازيب ..وسبق اني كتبت ابيات في هذا الموضوع لأهميته فعلا .. 👇

هذي والله.. مشكلة فعلا.. الواحد يتجبّس على الكرسي والكبار والشيوخ يدورون

فعلاً

من الآداب أن يجلس الرجل إلى حيث مانتهى به المجلس ولو كان صاحب جاه او علم فمكانه الذي يجلس به هو صدر المجلس وسيقصده الناس اينما جلس. استمعوا للشيخ العلامة ابن عثيمين