احد يعرف منو هذا و شنو سالفته؟ طلعت لي مقاطعه شو كلامة موزون و مرتب مو مال واحد مسجون و ما عرفت شمسوي.

عيوني ملاك هذا الشخص قتل زوج اخته لان اخته عزيزة عليه ومايتحمل اذيتها زوجها كان مأذيها ومايحترمها مرة من المرات ضاربها ضرب قوي جاية عليه رايح عليه مكسرة تكسر، وميت هذا عنده غيرة على اخته ماتحمل اذيتها

اي عرفت من التعليقات هسه يعني والله ما اكدر ما اشوفه زلمه على تصرفه ما قبل على اخته تنكسر و تنهان بس يعني لو بس مشبعه كتل من دون ما ياخد روحه و يصير قاتل

هي مرات تصير لا ارادياً صارت وياية 🤣بس ربچ ستر شگيت عينه ورضوض بجسمه وانحلت بودية لان اني الطرف المعتدى عليه

الله ستر 🙃 الغضب يعمي و مشكله اذا الواحد ما عرف يضبط اعصابه ممكن طول عمره يبقى يدفع ثمن لحظة ما سيطر بيها على نفسه.

اي صح الغضب يمي والله واني جربتها بس هسه لا افكر بكل تصرف اتصرفه حتى لا اتندم بالمستقبل واني اتأذه واهلي يتأذون من بعدي

اخته متزوجة وزوجها ضربها ف هو كاتل زوج اخته لان تعدى عليها

هسه اريد امدحه لان ما قبل اخته تنهان و تنضرب بس المصيبة يبقى قاتل للأسف

اني معبالي قتله قتل يعني عبالي بس ضربه

اي و بالأول عبالي مسوي له سالفه بسيطه گلت يعني ما تسوى و شكله خوش زلمه ليش ما يعفون عنه 🌚

بغض النظر عن اجرامة او اسائتة لأن ماعرفة ولا أعرف عنة شي بس هو مبين زلمة وبطل مالي علاقة بأولياتة وشنو تفاصيلة آني احجي عن شخصيتة وطريقتة بالكلام مبين وحش

والله شخصيتي الثانية عجبها😄 حسيته هيج سبع و زلمة و مكثر من شفته يحجي بس نصدمت من عرفت بيه قاتل. طلع قاتل زوج اخته لأن يضربها هسه عفيه عليه و رجال لأن ما يقبل اخته تنهان و تنضرب بس بالنهاية يعتبر قاتل و اخذ روح إنسان يعني مو هين اللي سواه

كلامج الي حجيتي كُلة آني متفق وياج بي وهو نفسة الي دار بدماغي بيني وبين نفسي وهذا رأيي بالضبببببببط بهالشخص

تقريباً اكثر التعليقات شفتها تدافع عنه و تمدحه لهذا ما اجه ابالي يكون قاتل

آني أعترفلج انو آني عندي مبدأ بحياتي احب اي احد شجاع واحب الانسان الي مينغلب واحب الانسان صاحب الموقف واحب اي أحد ميحب ينوكل حقة بغض النظر عن هذا الشخص او شنو الهستوري مالتة

اتصور اكثرنا نحب الشخص الشجاع و اللي ياخذ موقف وما يسكت على الغلط ولا الآذية بالتحديد الرجال اللي تاخذه غيرته وما يقبل مرأة تنظلم لو تنضرب ويسكت. بعيداً عن جريمة القتل هذا الشخص مبين شجاع بس للأسف ما عرف يحكم عقله و يضبط اعصابه و تصرف من دون تفكير

كلامج عين العقل

هذا يفتح بث ع تيك توك

شلون هو غير مسجون

طلع من السجن وره هذا الفيديو بفترة

مسوي جريمة قتل و طلعوه غريب

هذا قاتل زوج أخته لأن ضاربهه … وبحسب تواجدي بوسط هاي النماضج كوني اعيش بمنطقة شعبية ذولة نفسهم متحرشين حتى أطفالهم ابالسة ومشيطنين ..

ما توقعت يكون قاتل طلعت لي مقاطع اله من ديسولف كلامة يكول انسان عاقل و يعرف يفكر و يحجي

السجن بي الدكتور والمهندس والقاضي ورجل الدين حتى داعش بيهم حملة الشهادات والأكاديميين... التربية هي الفيصل ويبقى الكائن البشري جين الشر السائد .

هم صحيح اكو هوايه اصحاب شهادات و من تشوفهم تگول واعين و مثقفين بس قراراتهم و ظروفهم بالأخير توصلهم لهيج مكان.

للمعلومة ترى الثقافة مو بحفظ المعلومات ولا بلغة الخطاب والكلام المنمق والدبلوماسي … الثقافة بالإنتاج فقط مثلاً نمتلك مصانع إنتاجية مثل مرسيدس وڤولڤو الخ غير هذا مجرد كلاوات يتزين بيهه الحيوان الناطق 🤷🏽🤓

ههههههه هو الإنتاج جزء مهم من الثقافة والتقدم و الثقافة هم تشمل العلم والفكر والفن والقيم و طريقة تعامل المجتمع ويه المعرفة. لعد شگد مجتمعنا يفتقر لهالأشياء...

أنتِ گوه تحچيني ... خلي اسكت

🤭

خطية فتهمت من تعليقات قاتل زوج اخته لان ديدافع عليها مسكين والله

اي ما تعرفين تتعاطفين وياه لو تكولين قاتل

هذا علي فاضل انسجن سنة ٢٠٠٤ بسبب قتل زوج اختة كال يعاملها بضرب فد يوم اجتة وشكت عنده راح لبيتة وقتلة وحسب ما سمعت امثل بي بساطور وهسة طلع من السجن ويفتح بثوث صالة سنة من طلع يفتح بثوث على التك توك اسمة علي فاضل

هذ على اساس قاتل ماخذ ثأر وهسه هوه طلع ويفتح لايفات

ماخذ ثار لو قاتل زوج اخته لان يضربها ما ادري شلون قاتل و يطلعوه

وسوه ترند وطلع مدري شلون وهسه هوه موجود بالتيكتوك

شبي هذا !

طلع قاتل زوج اخته لأن يضرب اخته

اغلب الناس يقيمون البشر بالأقوال الحياة علمتني اقيم البشر بالأفعال الكلام الموزون يعتبر موهبة من الله مو مقياس لشخصية الرجل

أخته أزوجت وصارت مشاكل هيَ وزوجها وهنا الأخ صاير شقاوجي ضرب زوج أخته وقتله خلاص وهسه بالسجن ودا تسوي لقآء ويا هذهِ البنية داخل زنزانته !

اكثر التعليقات شفتها تدافع عنه و تكول رجال و لازم يطلع ما سوه غلط بس ماچنت ادري شمسوي

هذا الشخص دخل السجن ب2004 وطلع ب2024 كان مسجون معه الجولاني حسب كلامه ان الجولاني تم اغتصابه والاعتداء عليه في داخل السجن وكان عباره عن خادم للمساجين العراقيين كونه السجين الغريب الوحيد بينهم

هذا تلكيه مسجون بقضية مخدرات او قتل🤣

هو طلع قاتل زوج اخته لان ضارب اخته😶

اي قااتل يخوف 🌚🤣

طلع من السجن وحاليًا يبث بالتيك توك اسمه علي هادي

شريف هذا

التطبيق القانوني يٌجيز حكم الإعدام لهذا الشخص حسب القانون العراقي الذي لدينا شرعاً وقانوناً هذا يُعدم !

طشر صماخ زوج اخته

مدري

گاعد يغازل وحدة ميعرفها وين الموزون والمرتب ؟

مسجون .وبايع ومخلص .خوشي

علي هادي البدري من اهالي الكوت المقطع يعود الى سنه 2024 وحاليا موجود يلعب جولات على التيك توك قاتل نسيبة وجان محكوم 20سنه

شنو حكمه؟ شوكت يطلع؟

ساعه يكول اني كتلت كتال ابوي واني مخلص تمريض ساعة يكول كتلت رجل اختي ما ينعرف

😍

كلامة يوحي هو جنتل مان بمعنى الكلمة 😍 ضرب زوج اخته ودخل السجن