💡 احذر من الغش في تفصيل المطابخ خذ فكره وانتبه

قلناها لهم قالوا هذي زاوية تبين والا توكلي🤨

تم النقاش لأكثر من مرة ولكن جميع المحلات بعد بحثي نفس الطريق وعند المناقشة يرد عليك تبغى والا الله يستر عليك وكأنهم عبارة عن لوبي

للأسف هذه جميع محلات المطابخ تطبق هذه الطريقة. جيت افصل مطبخ عند محل تفصيل مطابخ وطبق الطريق وعندما حاجيته ورفضي قال هذه طريقتنا وجميع المحلات تطبقها .. وطلعت من عنده. لكن اين دور @MCgovSA بإلزامهم بتطبيق النظام المحتاج يضطر إذا لم يجد جهة تحميه .. الجهات الرسمية مشاركة بالظلم

ما جيت جديد حتى الكنب نفس الشيء الزاوية تعتبر مدبله

ماهو غش طالما اتفقتوا من البداية، ثانياً من الغلط انك تساوم بالمتر، كذا بيرفع عليك السعر، ساومه على الإجمالي، ثالثاً ، ساومه على انها زاوية كاملة 75 مستقله من غير الأمتار الأخرى، وبعدها ساومه على كل متر لحال، بتطلع نفس النتيجة .

مافيها غش الناس تدري ان اهل المحلات يحسبونها الغش يكون بشي ماتم الاتفاق عليه انا قلت لا تحسبها لواحد قال من عيوني سعر المتر يرتفع 100 يعني فيك فيك لا تلف وتدور

والغش الاكبر احيانا يحسب عليك مساحة البوتجاز مع ان مافيها رخام ويحسب عليها امتار المغسله ويضيف سعر حوض الغسيل اضافي ع سعر الرخام

الزاويه ماتنحسب صحيح بس يزود عليك عمقها ب 200ريال بس وللامانه اوصخ محلات هم اللي يفصلون المطابخ لا ذمه ولا ضمير وعقودهم تدفع نص المبلغ ونص المبلغ قبل التركيب ويجيب لك ارفف الالمنيوم غير موزونه ويحطك امام الامر الواقع واذا بتشتكي ما معك الا وزارة التجاره وحتمال ماتنحل مشكلتك

كلام غير منطقي السوق له صانعين وهم يحددون المعايير والمقاييس وإلا كل واحد يفتح له ورشة في حوش البيت ويسوي اللي يبيه

رحت لمحل وقلت له لا تحسب علي الزاوية مرتين قال:هذا مكسبي في الشغل قلت: لا اذا بتحسبها ما راح افصل عندك قال:الله معك وش الحل مريت كم محل كلهم متفقين على الموضوع هذا . 100٪ كلها محلات تستر والعمال يشتغلون لحسابهم الخاص .