احذروا الاحتيال الجديد، الذي يبدأ بالطمع وينتهي بالسجن🚨…

للأسف هناك ثغرة نظامية تسمح بهذا الإحتيال دون تحمل أي مسؤولية.. وهي: تنقل سجل الشركة إلى شخصين حتى لو واحد منهم يملك ١% والثاني ٩٩% وما يكون الشخص الثاني من أقارب الأول. عندها تصبح الذمة المالية للشركة مستقلة تماماً عن الأفراد ويفلتون من العقاب.. وأتمنى أن تتم معالجة هذه الثغرة

يدري انه مايقدر يسدد ؟ بس يبي يقضب الكاش ..ويفلها ..وبعدها ..ربك يحلها ...!!!

ولذا يفترض أن يربط سريعا بموافقة طرف ثالث وهي وزارة العدل…

المفروض ؟ ماتتم اي بيعه ..الا بشرط يكون الشاري لديه رأس مال يعادل او يفوق الديون اللتي سيتحملها ..!!

اذا النظام يسمح بهذا الأمر ويفتح الباب للنصابين ،، وايقاع الأغبياء فهذه ثغرة كبيرة .. ووزارة التجارة مشاركة بهذا العبث وتوريط الناس ..لأن عقلية الناس ليست سواء

اللي داقته الدنيا وعليه ايقاف خدمات وخربانه معه في كل اتجاه من الطبيعي يوافق لانه ما عنده شي يخسره

الشعب نصه في منصة فرجت فرقة علينا كم واحد يزود يعني ؟؟ الي عنده سجل تجاري فيه خمسين ويسلمني 35 موافق انا ابييه. نبي نعيش يامسلمين نشغل الي نشغل والمسهل الله ماتدري لو بكرا جاني الدريم وقالي يبه 😂

الناس ذبحها التيك توك والسناب شات.. كلهم يبغو يصيرو زي عالم التيك توك فشخرة ومضرطة ما همهم فلوس حرام ولا غيره المهم انهم يبغو يعيشو وخلاص.. على اساس انه مافي شي اسمه الله في الوجود.. صار اكل الحرام عندهم عادي وفلوس الربا عادي ويقولك اخرتها إيقاف خدمات طيب ويوم الحساب وش بيكون؟

3 ايام 4 ليال 3000 شامل العلاج والاقامه

الكارثة ان الغالبية من يقبل هذا العرض من النساء وعن طريق جالية عربية اعتادت على الفهلوه ومخالفة القوانين والانظمة يقومون بتحويل السجل المتستر عليهم لإحدى المغفلات ويفتحوا سجل جديد ويخالفوا ومن ثم يبحثوا عن ضحية جديدة المفروض المديونيه ماتتنقل أبدا حتى يتم السداد

نقل السجل دون اشعار الدائن بالنقل لا ينقل المديونيه للمالك الجديد للسجل

لازم يكون النسبه في سمه 750 الرجال والنساء800 نقطه غير كذا م تقدر تنقل

كلمني عليها شخص يعرف مكتب يسوي العقود.. لها اشتراطات عن نفسي ما انصح فيها الا اذا تقدر تسدد الدين مثلا ينقل سجل تجاري بإسم شخص ويكون دين السجل مثلا 50 مليون ياخذه وياخذ شيك بنص قيمة الدين يعني 25 مليون امس تحرر شيك لشخص بقيمة 50 مليون ماخذ سجل عليه ديون 100 مليون

شي بعقل، لو جاني أحد وأعطاني العرض، بأقول طيب أنت ليه ما تشغل المبلغ اللي بتعطيني وتسدد مديونيتك طيب دامك تبي لي المنفعه، ليه ما تنقله لأحد من أخوانك وتنفعه أفضل من الغريب لاكن للأسف ما إنتشر هالشي إلاَّ لأنهم يلقون لهم ناس مغفلين ويلحفونهم المديونية

يارجال فيه ناس طالع من بطن امه عليه ايقاف خدمات لو تعطيه 300 الف شال الدنيا بكبرها البيت والسياره بسم اخوه والحياة ماشيه

الموضوع كله ماشي بطريقة واضحه للجميع + ما فيه اي تزوير او مخالفه للنظام و كل شخص بيقدم على الموضوع بيكون عارف التفاصيل و كل واحد عقله براسه و هو حر بتصرفاته لا تقول لأحد لا و تمنع الناس و انت ما لك علاقه فيهم و الدولة ابخص و احرص من اي احد المهم اللي يخبر له 50 مليون يرسل لي 🤣

كيف ينقل السجل وهو عليه مديونيه !

يقولك عندك سكور في سمه فوق ٧٥٠ 😂 اعطيك ٧٠ مليون واحط لك مديونيه ١٤٠ مليون

اذا هذا قانون موجود ومسموح فعلا فهو قانون يساعد على الاحتيال الا اذا كان هناك شروط لنقل الشركة باسم شركة اخرى مصنفة وليس لافراد

يا اخوان انا موافق عطوني ٥٠ مليون وحطوا ديون العالم كلها عليه

بالاخير نفس كذا وضعه 🚨

السؤال الأهم شرعا هو تبرئ ذمته اللي نقل السجل خلك من الدنيا هو رتب حاله ولقى أهبل وضبط أموره لكن شرعا وش يحل لك فاتوره الاخره أكبر من فاتوره الدنيا

ياعالم هذي كلها كذب بكذب اوهام مثلها مثل مكاين سنجر … الشعب انهبل من يومهم يصدقون كلش … اتحدى احدى نقل مديونية بطريقتهم الكذبية ذي سكور ما سكور كلها كذب بكذب

اصلاً مافيه سجن خذ المديونية وعيش حياتك راس مالها إيقاف خدمات لايقدم ولا يأخر

وين هي هذي السجلات اذا نظامية انا ابي اخذها ، انا اصلاً خدماتي موقفة وطفران

أستاذ سعود، بالضبط! أنا بصراحة ما أستوعب كيف شخص ياخذ قرض فيه فائدة ربوية عشان يفتح مشروع. يعني من أولها يدخل في مال حرام، ويتوقع من وراه بركة وربح؟! لا والله ما أسويها، ولا أنصح أي أحد فيها. نصيحتي لأي إنسان يفكر يفتح مشروع: لا تبدأه بمال ربوي و اطلب الرزق من باب الحلال، حتى لو كان بسيط، لكن فيه بركة، وراحة، وما فيه ذنب. أنا عن نفسي ما أدخل مشروع مبني على قرض ربوي،ولا أرضى أشتغل بمال من أصله حرام، لأن المال اللي يخرب علاقتك بربك، ما هو مال يستاهل.

اول شي انا والله لا لي ناقه ولا جمل وولا اعرف اي شي عن هذي الاشياء بس كيف تقول نصب واحتيال وهو شارح لك وموضح لك ان عليه مديونه وان المبلغ اللي بيجيك كذا ودينه كذا اذا جيت واخذت هذا شي راجع لك الرجال ماكذب عليك والله اني استغرب من بعض الكلمات اللي تطلع من الناس بهالسهوله

في شي ناقص في هذا الموضوع وغير منطقي حدوثه السجل التجاري إذا كان عليه ديون فالديون مقيدة على صاحبه باسمة الشخصي من خلال سندات امر إلكترونية وقد يكون منفذ ضده شخصيا بهذه السندات وهذا المنطقي والدارج حدوثه. عند نقل السجل لايمكن بأي حال نقل سندات تنفيذية بإسم المالك لمالك جديد

يا ناس فكروا بعقلانية شوي أنتم تابي وتمارا عجزتوا تسددونهم وهي مبالغ ما تتجاوز العشرة آلاف ريال كيف تبغون تتحملون مديونية بخمسين مليون ريال هذا مبلغ فلكي ودين راح يخليك تجلس باقي حياتك في السجن وترى ما فيه مثل الحرية إسألوا عنها أي مسجون سابق وبيقول لكم هذا الشيء واحمدوا ربكم

انقل سجل تجاري مديون بأسمي بمقابل مبلغ مالي من لديه الرجاء التواصل خاص

جيبها انا اخذها وعلى البرازيل ب ١٠ مليون وخلي الديانه ينتظروني 🤣🤣

وين بيروح مديونيه وكل شي ب اسمه يتصادر شبيستفيد ؟؟ غير كذا مايطلع عليه تمويل وعليه مديونيه ولو حاول يتهرب يتم سجنه👍🏻 للتوضيح

ليه انقل سجل تجاري ،؟ ليه ما افتح جديد ،،،!

25 بالميه اخذه ونقله باسمي

معقوله يعطون كاش بملايين 😧 طيب وش مصدر الاموال ومن اين لك هذا