أخبار جميله لحي المهديه

الدعايات غير مجديه والعقار متضخم جداً لازم يصحح بقوه

هذه ماهي دعايات هذه واقع

انت متحدث رسمي عن الحي الاحظ لك مقاطع كثيرة تحاول انك تجمل الحي لك عقارات تبي تبيعها فيه اذا كان نعم ترى الكلام اللي تقوله محسوب عليك بمعنى اذا احد اشترى في الحي ولم يتم تنفيذ الكلام اللي تقوله هنا اشكالية كبيرة

لا انا ولا انت متحدثين رسميين عن الحي نحن مواطنين ومخلصين للبلد الذي ننتمي إليه

الكلام واضح اذا انت مطور في نفس الحي وتطلع بفيديو وتقول نصا بيفتحون ٣ مخارج جديدة وقطار ويطلع الكلام غير صحيح هنا اشكالة كبيرة عليك

@dlel_almhdia مطور قديم و كبير صحيح بس يقول معلومات إنها مؤكدة من البلدية و الأمانة النوايا الله اعلم بها

@Azaam40 امين يارب الله يعطينا على قد نيتنا يارب

اعلان الهيئة الملكية للرياض ماقالو إلي ذكرت حتى بالخرائط والصور ماهو موجود ، القطار السريع للان غير مرسى وكذلك ماهو واضح أنه من المهدية

كل واحد يسولف من كيسه

المهدية مثل قطر .. مالها منفذ بري الا مع سلوى ..

هذا كان زمان

طبعاً هذا يعتبر غش وكذب وتلاعب ما لم تعلن الهيئة الملكية ان المهدية مشمول فأنت تسوق لعقاراتك @RCRCSA @REGA_KSA @MCgovSA @Gmedia_SA

بس ما جا طاري للجده مع المهدية الشرقي

شف الاهبل 😂🤣 يارجال المهديه راحت فيها متوسط الاسعار للمتر 1100 ريال

حياك الله اخي الكريم أبو فهد إذا عندك شي بهذه الأسعار ممكن نشوفه وعندي مشترين له

بالنسبة لطريق القدية، الطريق الرسمي والمُعلن هو امتداد طريق الطايف في لبن وليس امتداد طريق الدهناء في المهدية كيف اللي في لبن يجي المهدية ويطلع من هنا ويروح والمشروع والطريق عندهم اصلاً !!! امدح وطبل بس خلك دقيق اخي الكريم.

الله يصلح قلبك ويهديك ركز في الشرح عشان تفهم القصد منه

ويصلحك ويهديك هذا كلامك ماجبت شي من عندي.

ما ذكروا متى يبدون المشاريع هذي؟؟

المخرج الي بيجي من شمال للجنوب تم اعلانه من الهيئة الملكية يوم الجمعه الماظي المخرج الشرقي ماأعلم المخرج الي في آخر المهديه شغالين فيه الان تقدر تروح توقف في آخر شارع السيل الكبير وتشوفه في الجهه الجنوبيه تشوفه بشكل واظح جدا

@Turki_alsahle1 وين يودي أخر المهدية مافيه للى جبل هاوي تحت

@dlel_almhdia بينه وبين طريق الطايف ( لبن) شعيب تحت ممكن جسر يوصل بينهم

@max_x334 نعم وليس ممكن بل اكيد والي يروح هناك في آخر الشارع يقدر يشوفه ويتاكد بنفسه

@max_x334 المثبت مقدم على النافي

ماشاء الله تبارك الله حريص بتفاصيل المهدية ابو عبد العزيز جزاك الله خيرا وان شاء الله تتحسن المهدية بشكل كامل باذن الله واحد الاحد

انتهت معاناه حي المهديه بهذا الشكل ولله الحمد والشكر

كلامك غير صحيح الهيئة لم تعلن عن اي جسور جديده في المهدية . الاعلان اللي صدر من الهيئة فقط توسعة المخرج الاول الوحيد

بس في الاخير مخرجين نحط فيها 2 سيكورتييه قفلو المهدية😂

مثل البحرين له مخرجين

@RCRCSA السلام عليكم هل الكلام هذا صحيح

القطار اللي من تحت بيكون فيه محطه للمهديه ولا بس مرور ؟

هذا المسار السابع الخط الأصفر

بس بتكون فيه محطه ولا لا ؟

ماأعلم

كلامك غير صحيح مخرج واحد وفي الصباح يتجاوز الوقت نصف ساعه وقد يزيد للخروج علي الدايري وفي المساء يتوقف الدايري الغربي بسبب مخرج المهديه التطبيل وتسويقك غير جيد والتصحيح قوي والبدايه من اليوم شكرا سمو سيدي شوف لك طريقه اخرى

السلام عليكم عندك خبر عن امتداد شارع الإمام مسلم لطريق عائشه وش الأحياء اللي يشملها النزع والشوارع جزاك الله خير

وعليكم السلام ماعندي معلومه عنها

الكذب حرااااااام أخي الفاضل

صدقت أخي الكريم

بشرك الله بما يسرك اخوي الغالي ابوعبدالعزيز .. دائما سباق في الاخبار الجميلة .. بارك الله الجهود وحفظ قيادتنا الرشيدة وكل من يعيش فوق هذه الارض المباركة

امين يارب

النتيجه النهائيه مخرج واحد تطير توقف اكتاف يدين يبقى مخرج واحد المخرج الثانيه نهاية المهديه لا يخدم الحي بشكل كبير فقط يخدم القديه

ردود بعض الناس عجيبه الله يصلح الحال

امين يارب

ناقص بس يحطون السيل الكبير طريق سريع ويلغون الاشارات خاصة اول اشارتين يحطون مديور او يشوفون حل

سوالف مسوق عقاري😂

هالمعلومات وش مدى قوة تنفيذها

سؤالك غير واضح

يعني هي كلام ينقل والا معتمد الان وسيتم تنفيذه لاني ماشفت اعلانات رسمية عليه

لو تقترح عليهم ياخوي فهد يلغون الاشارات في التقاطعات ويسوونه مثل طريق الثمامه حر وفيه يوتيرنات ، بيريحون المسلمين . لحد يقول الثمامه زحمه ، الثمامه ناقل للحركة من الرمال واحياء ضخمه من الغرب للشرق وعدد السيارات فيه كبير ، المهدية كثافته اقل بكثير .

المهندسين والمسئولين ابخص ويرون شي نحن لانراه

صح ، بس عادي نقترح 😄

أسوأ مافي المهدية مدخلها واحد ومخرجها واحد وكل ما في المقطع من حلول كلها تصب في نفس المداخل والمخارج

عندما ترى النور هذه المشاريع راح تتذكر القصد الذي نعنيه

المهديه ماتحتاج مداخل اضافيه ماتحتاج الا دوارات عند المدخل الرئيسي وعند الاشاره الاولى

@az118r طريق جده المقصود فيه طريق الملك خالد حاليا الي يروح السفارات

@az118r نعم 👍

يعني مخرج واحد جديد غرب المهدية ناحية القدية والبقية هي تطوير وتوسعة للمخرج القديم اللي عالدائري ياليت يبوعبدالعزيز يطالب سكان المهدية بمد المسار المترو البرتقالي للمهدية مرورا بلبن حيث المسافة من محطة طريق جدة الى اقرب نقطة بالمهدية 6 كيلو فقط هذا الذي سيحقق نقلة نوعية للمهدية

الي حصل فيه البركه

اجل الله يوفقكم ويعينكم على زحمة المدخل (الوحيد شرقا) مهما تعددت الأكتاف واللفات في الأخير كلها تصب على طريق واحد اللي هو طريق السيل وبالتالي شي طبيعي ان المستأجرين يفضلون لبن الغربي على المهدية مالم ينزل ملاك المهدية الإيجارات لأقل من لبن الغربي الأفضل مداخل وخدمات لجذب المستأجر

ماراح ترتفع الاسعار لاتحاول

طيب نفس الحكايه مخرج واحد اللي الكل يدخل ويطلع منه

كيف نفس الحكايه

قال انفخ يا شريم قال ما من برطم.

من وين جايب هالاخبار عن المشاريع اللي ذكرها وين المصدر الرسمي لها ظني كلها هبد في هبد ماشفنا اي جهة اعلنت هالتفاصيل