أختلف مع المتحدث تماماً180 درجة وأعتقد الكثير سيخالفك الرأي فالقريه لا اسواق ولا كفيهات ولا مطاعم ولا فواتير كهرباء عاليه والايجار لايتجاوزالفين او ثلاثه او اربعه ولا يودي ويجيب المدرسه والمركز الصحي جنب البيت والامراض قليلة .بالله وين يبي يصرف فلوسه؟

هذا الاخ عكسها ابتعد عن المدينة يقل مصروفك وصحتك تزين وحتا نومك يصير له طعم ٠

بالعكس اللي عايشين بالقرى أكلهم لبن حليب ووووو كله من بيئتهم .. الماء من الابار القريبه التمور الخضروات من مزارعهم ماعندهم إيجارات عاليه أغلبهم منازلهم ملك . الأمراض قليله ونفوسهم جميله بعيدين عن الضغط النفسي الموجود بالمدينه . حياتهم سهالات .

أنا إذا جيت القريه المبلغ اللي اصرفه في المدينه في شهر يعيشني سنه في القريه كفايه مبالغات

@991_mf احنا عايشين بقريه ونطفر بسبب ان كل شيء بعيد وحتى البنزين مكلف

صاحب المقطع متفلسف في المدن 4 اضعاف القرى مو العكس

صدقني هذا عقاري ناشب في مخططات اطراف المدن يبي يصرفها.. القرية تسكن بيت ب 700 الف، تركض به الخيل. المدينة تحتاج 1.3 مليون أقل أقل شيء و200 متر لو تتمغط طلعت على جارك، الفرق هذا تشري فيه 3 سيارات دفع رباعي 😎 هذا غير الأمراض النفسية من الزحمة والتلوث وقطع التواصل الحيّ ووو..

أنا ابوي عايش بقريه العيش فيها مكلف بنزين شهري ٢٠٠٠ ريال مستشفى بعيد سوق بعيد عمال شغله بالبلد تخلصها ب ١٠٠ يجونك ب ٤٠٠ صح مافي ايجار بس الحياه مكلفه فيها غير كذا ضيوف بالقرى كثير من نفس المدن شهريا ذبيحتين ثلاثه غير المصاريف ذي الحياه فيها كسيفه جدا أنا عشت فيها ١٣ سنه

كنت في الرياض ونقلت للأحساء رغم وجود كفيهات ومطاعم ويوماً انا متواجد فيها الا ان فرق 180 درجة عن الرياض والاسعار وكل شي اولها ايجار الشقه فرق كبير شقتي في الرياض يتجاوز ايجارها 40 الف وانا مستاجرها ب24 غير التمشيات والنفاه وعدم الازدحام ونقاء الجو عموما الرياض غير صالحه للعيش

كلامه بؤخذ منه ويرد الحقيقة باقي لي 3 شهور وأنتقل لقرية إن شاء الله. بيت كامل دورين بـ 250 ألف ريال. كل الإحتياجات اليومية موجودة في القرية. أبعد منطقة (مدنية أو حضرية) 100 كم للضرورة القصوى مستشفى أو خلافه. لا ساهر ولا ماهر ولا طاهر يترصد لك في الروحة والجية كلها. نم آمن.

وأنا اتفق معك وأختلف معه تماما القريه الماء مجانا من الابار و الجو بالليل يزين م نحتاج مكيف و المسجد و البقاله و الزيارات نمشي بدون سياره العاصمه أقرب مسجد ١ كم و السوبر ماركت ٢ كم مصاريف و صرف

من أراد العلا هجر القرى

غير صحيح بل حياه اهل القرى البعيده هم الي عايشين صح بعيدا عن الصرف والتبذير وكثره التردد مره وحده يطلع للمنطقه ويخلص اغراضه افضل من حياه المدن بل حياه القرى افضل اكل لانهم يعتمدون على انفسهم بالطبخ اكثر من غيرهم البساطه حلوه وجميله وصفاء ذهني وقلوب مجتمعه للجميع

هو قصده اللي اولادهم باالجامعات يدفعو ايجارات او سيارة تتردد كل يوم للقريه

السلام عليكم و رحمه و بركاته 🌿 لو تصفي ذهن ، متحدث و الله أعلم تحس إن وراه حقين نصب عقارات .. تراء سيارت دفع رباعي ع مدى بعيد أوفر من ناحية القطع و الاعتمادية و صيانة..

كلامك ابو يزيد صحيح ، وهذا لو عاش بالقريه لعرف قيمة التوفير ما بين المدينه والقريه لم يوفق بالمقارنه ولا في الحديث عن الصرف ببن من بالمدينه ومن بالقريه

ب العكس ب الديره المصاريف اقل والاكل كله من البيت بس طفش وحياه ممله

مع احترامي للشخص الذي يعلق على المقطع والله ما فيه احلى واجمل من هدوء تلك القرية البعيدة عن صخب المدن وسالفة سيارات دفع رباعي وهالسوالف بالغ فيها بشكل مضحك .. إلا يعلم بان هايلكس او ددسن موديل قديم يعيش في تلك المناطق والقرى والهجر سنيين ضوئية بل تعتمد على السائق المتمكن المحترف في القيادة في الصحاري والجبال وجميع اهل تلك القرى والهجر محترفين من سن الخمس سنوات .. هذا شي والشي الثاني تجده اهل تلك المناطق مع دخول الليل سهرة بسيطة بعد العشاء وجميعهم يخلدون للنوم ويصحون مع صلاة الفجر لممارسة حياتهم وأشغالهم بأنواعها وهنا قمة الصحة والسلام النفسي الزبدة يا زين تلك القرى والهجر والهدوء وسعة الصدر …

العنصر الفارق بالمصاريف هو( السكن) اذا توفر سكن مجاني فالمدن ارخص اذا لم يتوفر فالمدن اغلى بكثير من تجربة : قرى ، محافظات ، العاصمة

الرجال طار في السما وتلخبطت الاعدادات اتوقع عنده القرية اكلك وشربك وحياتك كلها بساطه وكثير منها في حدود البيت .. وفي بلدنا يارب لك الحمد والشكر المركز الصحي بكل مكان والمدارس جنب البيت والنقل والتوصيل حكومي والخدمات كلها تقضيها بنفس اليوم مافيه زحمه حتى العماله اسعارهم بسيطه

الله ماشفناه بالعقل عرفناه . للأسف كلام غير صحيح و غير منطقي . ان في القريه ما تحتاج تطلع من داخل القريه غير مره في الشهر . ان تحتاج سياره دفع رباعي إذا انت طالع طعوس و تبي لكزس و لا رنج 😂😂😂😂

هذا ( كذّاب منتهي ) والله اني ندمان انني ما اتخذت قرار بالعيش بالمحافظة اللي انا كنت فيها … راحة من جميع النواحي ( بالحال و المال ) …

يا رجاد ذا يسولف ولا شيء من كلامه صح

الحمدلله ساكن في قرية ممتازة، كل شي متوفر ورخيص والنفسية مرتاحة.. والله ما تعوضها لا مدينة ولا مولات.

نعم صحيح العيش بالقريه مكلف على الفرد من خلال واقع أناس يسكنون فيها . أما في المدن كل شئ متوفر وقريب ولله الحمد .

صادق والي يقول العكس هذا عايش في الزمن القديم القريه الان من ناحيه المصاريف اكثر من المدن لانها ببساطه تقلد المدن ومازالت العادات والتقاليد موجوده زياده علي مصاريف التنقل من والي المدن الي اصبح بكثره اسبوعي علي الاقل اذا لم يكن يومي للجامعات وغيرها

وانا كذلك اختلف مع المتحدث العيش في القرية اقل تكلفه من المدن في كل شي

ما احنا مختلفين القرى ارخص. ايجار دور كامل ب 800 ريال. ولا فيه فعاليات وترفيه كثير يعني سالفة مطاعم وكوفيهات انسى.. هي بتكون مصاريف اذا مواعيد مستشفى وخاصة لكبار السن او امراض مزمنة هذه بتتعبك، واذا عندك ابناء فلازم تفكر بمسألة الجامعات والكليات والمعاهد.. اما غيره كله رخيص برخيص

Em thấy ý kiến này cũng hợp lý đó, vì cuộc sống ở quê đâu phải lúc nào cũng đắt đỏ như thành phố đâu. 🌾

هذه له غاية خبيثة

مع عدم احترامي للمتكلم كلامه غير صحيح 👍

صدق مليون مره مصاريف القرى٩ مرهقه وتتضاعف ثلاث مرات اقل شي

كنت عايشه بقريه قبل وكنا عايله كبيره وابوي الله يرحمه راتبه التقاعدي موذاك الزود كنا نصرف منه ويزود وعندنا ٣ سيارات وكل فتره كنا نسافر اقرب المدن لنا نتقضى ونتمشى ونرجع والأمور طيبه

يارجال هذا ماعنده سالفه يكفيك ان اكلهم كله بيت وطبخ وذبح لامطاعم ولاماك ولاغيره .

حسب وين هي القرية في سفح الجبل او على السهل والبحر الفرق كبير على السهر ماتحتاج دفع رباعي وذي الامور في سفح الجبال يكون كلامة صحيح المصاريف اقل من المدينة الاعتماد على طبخ البيت اغلب الشهر مشتريات لا تتعدى ٥٠ ريال في اليوم العيشة خارج المدينة اوفر

ياخي كفاية تنوم بالحوش تطفي الأنور تلتحف السماء تشوف النجوم بليل وتصحى الفجر على صياح الديكا والنسمات العليلة جابو ليك شاي مققن بحليب طبيعي خضار وأكل طبيعي من مزرعة جمبك تتنفس نقي.. هواء نقي يامستعبدين المدن!