إذا رايح إسطنبول، لا تحجز فندقك قبل ما تعرف هالمعلومة 👌🏻🇹🇷 إسطنبول في سبتمبر لها جو ما يتعوّض 🤍 بعد زيارة تركيا أكثر من ٢٠ مرة، وكل مرة أكتشف فيها شيء جديد. ومن أكثر الأسئلة اللي تجيني: وين أفضل منطقة أسكن فيها بإسطنبول؟ بقولها لك من الآخر… ما فيه... منطقة وحدة تناسب الكل، الموضوع يعتمد على ميزانيتك وطبيعة سفرتك: 💰 ميزانيتك اقتصادية؟ الفاتح، لالالي وبيازيد. خيارات السكن كثيرة، والأكل متوفر، وأنت قريب من كثير من الأماكن السياحية. مناسبة جدًا للي أغلب يومه برا الفندق. 💵 ميزانيتك متوسطة؟ هنا أنا أرشح لك شيشلي ومجيدية كوي. موقع ممتاز، مواصلات حولك، مطاعم وكافيهات، وتسوق… والأهم إنك ما تضيع وقتك كل يوم بالمشاوير. 💎 ميزانيتك عالية وتبي تعيش إسطنبول بجوها الرايق؟ بشكتاش، أورتاكوي وساريير. خصوصًا إذا تحب البوسفور، الفنادق الفخمة والقعدات اللي على كيف كيفك. أما إذا تسألني أنا وش أختار؟ عن نفسي، إذا كانت الرحلة عائلية أو أبي مكان عملي ومريح وقريب من كل شيء، شيشلي غالبًا تكون خياري الأول. أما إذا أبي أغيّر الجو وأعيش إسطنبول بشكل أهدى وأفخم، فـ بشكتاش وأورتاكوي لهم مكانة خاصة عندي 🤍 💡نصيحة: لا تختار الفندق قبل ما تختار المنطقة. أحيانًا تلقى فندق أرخص، وشكله حلو، وتقول وفّرت… وبعدها تكتشف إنك كل يوم تضيع وقتك بالمشاوير وتدفع فرق السعر في التاكسي. إسطنبول مدينة كبيرة، واختيار المنطقة الصح يفرق معك كثير في الراحة، والمشاوير، والميزانية، وحتى متعة الرحلة. وبالنسبة لي، سبتمبر من أجمل أوقات إسطنبول… الجو ألطف، والمدينة تبدأ تهدأ من زحمة الصيف، والتمشية لها طعم ثاني 🇹🇷❤️show more

تفاصيل سفر

2,303 subscribers

Поделиться Скачать