ارحمونا يامصرف الراجحي

بقولكم سالفتي مع مصرف الراجحي انا كنت بالعادة اطلب قرض بالتطبيق لكن ( مانفذ الاجراء ) اطلب بش اشوفه النسبة واسحب عليهم بيوم من الأيام طلبت قرض ( ومانفذت سند لامر ولا كملت اي اجراء) واتفاجأ ينزل راتبي بالسالب ! اكلمهم يقولون نفذ القرض هذي رسوم ادارية! ياجماعة ماكملت الاجراءات اسأل الله ان يجعل مقعده من نار اللي تسبب ازمتي المالية قعدت اسبوعين بدون راتب لين خلصت شكوتي بالبنك المركزي وبكل برود فكو الحجز عن راتبي بدون اي تعويض او عقوبة على ( الدويله مصرف الراجحي ) لا نظام يردعهم ولا امانه يعملون بها

لو ماعاد يبقى بالحياه الا مصرف الراجحي مافتحت فيه حساب 😒 اسوأ الخدمات عندهم و اسوأ تعامل

مثلهم مثل شركة تبيع مكنسة كهربائية ازعجونا كل واحدة تتصل من رقم ثابت مختلف مهما تحظر الارقام يتصلون عليك من جوالاتهم

استاذ فيصل تقدر تتوجه لاقرب فرع وترفع طلب من الفرع بالغاء التواصل للحصول على قروض او فيزا او ترفع شكوى للبنك المركزي وبالنسبة للاستاذ اللي يقول فيه ناس محتاجه المحتاج يروح البنك هما مايدورو ورى شخص محتاج اسال الله ان يفرج هم كل محتاج ويوسع رزقك اخوي فيصل

ايوالله انك صادق والله كان علي تمويل شخصي وسددته كاش من شهرين بعدها استلموني(انت مستحق انت مؤهل انت انت)والله يمكن اكثرمن20اتصال من يومها الله العالم عندهم قروبات وينشرون ارقام العملاء كلن يبغى يدبسك ويمسكك برقبتك عشان يحصل له عموله فعلآ قمة الازعاج اكيد فيه تسريب لبيانات العملاء

الموظفون لديهم ليس عندهم صلاحية في الوقت نفسه التطبيق عندهم ممتاز جدًا لكنهم متعبين في حل المشاكل وقابلني اذا حلت مشكلتك

غريبه منك وانت في التسويق وولد الكار على قولتهم هذا عملهم مافيها شي وانت لمن وقعت انك تفتح حسابك عندهم وافقت على تلقي العروض شوفها تلاقيها في الشروط والاحكام

وافقت على تلقي العروض بس ماوافقت على الازعاج المستمر بنفس الموضوع

حتى بنك الاهلي نفس المشكله كل يومين يتصلون وفوق البجاحه اقوله شيل رقمي يقولي موظف البنك غير رقمك عشان مانتصل عليك !! يعني ماادري شكل لسته الارقام مجبور يمشي عليها 😂

هنا تقدر ترفع عليهم قضية إساءة استخدام بياناتك الشخصية. القانون السعودي لحماية البيانات الشخصية يجبر الجهات تاخذ الإذن منك في حال معالجة البيانات الشخصية او مشاركتها للتسويق. بما انك ذكرت انت طلبتهم يوقفون اتصالات ومافي تجاوب. تقدر تتواصل مع مكتب البيانات الوطنية وتستفسر منهم.